မန္န



တနှစ် ဆိုတာ ဘာမှ မကြာလိုက်ဘူး ။ အခုလို စိန်ပန်းပြာတွေ ပွင့် နေတဲ့ နွေဦး ရက် တရက် မှာ ၊  တိတ်တိတ် ဆိတ်ဆိတ် ရှိလှတဲ့ သူတို့  နှစ်ယောက်ရဲ့ အိမ်လေး ဆီ ၊ လူအသစ် တယောက် ရောက်လာခဲ့ တာ ။ ကောင်းကင်ကြီးကလည်း ပြာ ၊ အရာရာ ဟာ အပြာရောင် တွေ နဲ့ လွှမ်း နေ ခဲ့တယ် ။ ဆေးရုံကနေ အိမ်ကို ပြန်တဲ့ လမ်းမှာ ၊ အဖြူပေါ် မှာ အပြာရောင် အလုံးလေးတွေ ပါတဲ့ အကျီ င်္လေး ကို ၀တ်ထားတဲ့ လူအသစ် ကလေး ဟာ   စောင်အပြာရောင် လေး အောက်မှာ အိပ်ပြီး လိုက်လာ လိုက်တာ ၊ ဘာဆို ဘာကိုမျှ သိလည်း မသိ ၊ မြင်လည်း မမြင် ရှာသေးဘူး ။  အဲ့ဒီနေ့က အပြာရောင် ကဒ်ပြားတွေ အပြာရောင် ပူဖောင်း တွေ ၊ အပြာရောင် ပန်းစည်း တွေ ကြားထဲ မှာ မှ  ၊ သဘာဝ က ပေးတဲ့  လက်ဆောင် ၊ စိန်ပန်းပြာ တွေ ကတော့ အလှဆုံးကို  ၊ ပွင့်နေ ခဲ့ ကြတယ် လေ။

။။။။။

လေရူး ကြောင့် တရှဲရှဲ မြည်နေတဲ့ သစ်ပင်တွေကို ၊  မုန့်လေးက တွန်းလှည်းလေး ထဲကနေ မျက်နှာလေး မော့ပြီး  ကြည့် တယ်။  သူ့  အတွေးသေးသေး ပိစိလေး ထဲမှာ  ဘာတွေများ တွေးနေ လေ မလဲ ။ တွန်းလှည်း ကို တွန်း နေ တဲ့ မိုးမိုး ကတော့ အတွေး အကြီးကြီး ကို ချဲ့ ချင် တိုင်း ချဲ့ လို့ ပေါ့ ။ တစက္ကန့် ရဲ့  အပုံလေး တခု အတွင်းထဲ မှာ ကို ၊ ဟိုး မိုးကုပ်စက်ဝိုင်း ကြီးကနေ ၊ လမ်းဘေးမှာ ကြွေကျ နေတဲ့ စိန်ပန်းပြာ ပွင့်လေး ဆီ လည်း ရောက်ချင် ရောက်သွား ပြန် တယ် ။ အရင်တုန်းက ဆို ၊ တယောက်တည်း လမ်းလျှောက် ထွက်ရင်း ၊ အတွေးထဲမှာ စာတွေ ရေး တယ် ။ အခုတော့ ခါ ၊ ပုခက်ထဲ လည်း စကားပြောပါ ၊ ရေချိုးပေးလည်း စကားပြောပါ ၊ ဆို တဲ့  ကလေးပြုစုရေး ပညာပေး တွေ ဖတ်ပြီး ၊ လမ်းလျှောက်ရင်း ပါ   စကားတွေ ပြောပေး နေရတော့ ၊ အတွေးထဲက ရေးလက်စ တွေ လည်း ကစင့် ကလျားပါပဲ ။

ဖတ်လက်စ တွေ၊ လုပ်လက်စ တွေ ။ တကယ့်ကို ဘာကိုမှ လက်စ သတ် မရ နိုင်သေး တဲ့ နေ့ရက် တွေ ပေါ့ ။ ကလေး တယောက်ဟာ ဘယ်အရွယ် မှာ သူ့ကိုယ်သူ သီးခြား လူတယောက်ဆိုတာ သိလာ တယ် ၊ ဘယ် အရွယ်မှာ စကားလုံး တွေကို တွဲသိလာတယ် ၊ ဘယ်အရွယ်မှာ မိဘ ကို ကပ် လာတယ်  စသဖြင့် ဖွံ့ ဖြိုးတိုးတက်မူ ဇယား တွေ နဲ့  တိုက်ဖတ် ရင်း ၊ စိတ်ဝင်စားစရာ ကောင်းလှတဲ့ စာပေ အသစ် တမျိုး ကိုလည်း တွေ့ ရှိ နေလေရဲ့ ။

 အိမ်ပြင် ထွက်ရမှာ ကြိုက်တတ်လာတဲ့ မုန့်လေး ဟာ ၊ စကားလုံးတွေ ကို  နားလည်စ  ပြုလာ ပြီ ။ ကောင်းကင် သစ်ပင် မြက်ခင်း တွေ ကို ၊ လက်ညိုးလေး ထိုးပြီး စူးစမ်း တတ် လာပြီ ။ တခါတလေ သခင် နဲ့ အတူ လမ်းလျှောက် ထွက် လာ ရ လို့   စပ်စလူးခါ ပျော်နေတဲ့  ခွေး လေး တကောင်ကို ၊ တခစ်ခစ် နဲ့  သဘောကျ ချင် ကျ နေ သေး တယ်။ ယူကလစ်ပင် ကြီး တွေ ပေါ် ကို ပျံ တက် လိုက် ပျံ ဆင်းလိုက် နဲ့  တ၀ုန်းဝုန်း ဖြစ်နေကြ တဲ့  ကတ္တ၀ါ ငှက်အုပ်လိုက် ကြီးကို  ၊ အေးအေး ဆေးဆေး ပဲ ကြည့် တဲ့  ကလေးလေး ဟာ ၊ အမေ လုပ်သူ ခဏလေး ပျောက်သွားရင် တော့ ၊ စိုးရိမ်တကြီး ငိုညိ တတ် နေ ပြန်တယ်။ ဟောဟိုဖက်က  အဆုပ်လိုက် အခဲလိုက် ပွင့်နေတဲ့ ခရမ်းပြာ စိန်ပန်း တွေ ရဲ့  အလှ ကို  ခံစား တတ် ဖို့ ဆိုတာတော့ ၊ အဝေးကြီး လို ဦး မည် ပေါ့ ။ သူ ရောက်လာတဲ့ လူ့လောက ကြီး ထဲမှာ အံ့သြစရာ တွေ ရော ၊ ပူပင် စရာ တွေ ရော ၊ ရယ်မြူး  ကြည်နူးစရာတွေ ရော အများကြီး ရှိတယ် ဆိုတာ ၊တဖြည်းဖြည်း နဲ့ သိလာ ၊ ကြုံလာ ရင် လေ . .။

တခါတလေ လည်း  သံသရာ ဝဋ်ဆင်းရဲ ဆိုတဲ့ ယဉ်ပါးလွန်းလှတဲ့ စကားလုံးကြီး အကြောင်း စဉ်းစား မိတဲ့ အခါ ၊ မုန့်လေး ကို ငုံ့ ကြည့် ပြီး သနားနေ မိ တတ်တယ်။ ငါတို့ဟာ ကိုယ်တိုင်တောင် သံသရာက ရုန်းမထွက်နိုင် ကြ တာ ။ အခု နောက်ထပ် သံသရာ ခရီးသည် တယောက် ကို အတင်းကို ဆွဲခေါ် လာ ခဲ့ မိ ပြီပေါ့ ။ တကယ်တော့လည်း လူတိုင်းဟာ ဒီလိုပါ ပဲ ၊ သံသရာ ဘာညာပေါ့ ။ ပြီးတော့လည်း အဖော်အပေါင်းတွေ ခေါ် ပြီး ပျော်ကြောင်းကို ရှာကြ  ပြန်တာပဲလေ ။ မုန့်လေးက တော့ သံသရာ ကြော မှာ ၊  မျော ပါ လာ တာ မဟုတ်လောက် ။ သိပ္ဗံ ဓါတ်ခွဲ ခန်း ထဲက အေးခဲ နေ တဲ့ ဇီဝ အစိုင်အခဲလေး ဟာ ၊ အသေအချာ ကြီးကို  ဖန်တီးခဲ့ တာ မဟုတ်လား ။ သံသရာ အဖော် အတွက် ရယ် လား ၊ ခက်ခက် ခဲခဲ ကို  ပျော်ကြောင်း ရှာ ခဲ့ သည်လေ။ လူတယောက် ဖြစ်တည်လာ တာ ဟာ မတော်တဆ မဟုတ်ဘူး တဲ့ ။ ဒါပေမယ့် ၊ မတော်တဆ တွေ များလွန်းလှ တဲ့  လူ့ ရွာ ထဲ ၊ မသိကျိုးကြင် နေလို့ မရ တော့ တဲ့ တနေ့ မှာ ၊ လည်မှာ အလှဆင် ဖို့ ရတနာ တကုံး လိုပဲ ၊  ကိုယ်ပျော်ရွှင်ကျေနပ်ရ ဖို့  သားသမီး ရတနာ တယောက်တလေ ဘယ်လို နည်းနဲ့ မဆို လိုအပ် လာ ခဲ့ တယ် ။ ကိုယ့် ကို ကိုယ် တော့ တိုးတိုးလေး ကတိ ပေး မိတယ်။ ဒါဟာ အတ္တ  ဆို ရင် လည်း ၊ မြင့်မြတ်တဲ့ အတ္တ ဖြစ်ရ ပါစေ့ မယ်။

ဘယ်လိုပဲ ဖြစ်ဖြစ်၊ မုန့်လေး ကတော့  ချစ်ခြင်း မုန်းခြင်း ၊ ပြုံးခြင်း မဲ့ ခြင်း ၊ ရှုံး ခြင်း နိုင်ခြင်း တွေ ရဲ့ အကြားမှာ လူးလာ ရှင်သန် ရတော့မယ့် လူသား တယောက် ဖြစ် လာ ခဲ့ ပြီ ။

။။။။။။။။။

ပြောရရင်  မုန့်လေး ရဲ့  မိုးမိုး ဟာ  ဓူဝံကြယ် မရှိတဲ့ အရပ်ကို ရောက်လာ ကတည်းက ၊ လမ်းပျောက်သလို ဖြစ်နေခဲ့ တာ။  ဘာအကြောင်း ကြောင့် ငါ ဒီအရပ်ကို ရောက်လာ ခဲ့ သလဲ လို့  တယောက်တည်း ညည်းတွား တယ် ။ ဘုရားကို မေးခွန်းတွေ ထုတ်တယ်။ စာရွက်တွေပေါ် မှာ  ဟိုခြစ် ဒီခြစ် လမ်း ကြောင်းတွေ  ဆွဲ ကြည့် တယ် ။ ကြီးရင့် ခြင်း ရယ်  ငြီးငွေ့ ခြင်း ရယ် နဲ့  မပျော်ရွှင်ခြင်း တို့  လိမ်ယှက် ထား တဲ့  ဖွတ်မြီး တချောင်းသာ လည်တိုင်ပေါ် မှာ ရှည် လျား လာတယ် ။ ဘာဆို ဘာမှ မမြင်ရသေးဘူး ။ လမ်းမ ပေါ်  ငေးမော ရင်း ၊  စိန်ပန်းပြာ ပင် တွေ အောက် မှာ၊   ကလေးလက်တွန်း လှည်း လေး  နဲ့  မိခင်တယောက် ကို  မြင်တိုင်း  မျှော်လင့်ချက်တွေ ၊ ကြွေ ကြွေ ကျ တယ် ။   အိမ်တံခါး ကို အတူတူ သော့ ဖွင့် ၀င်လာပြီး ရင် ၊  တိတ်ဆိတ် ရှင်းလင်း နေ တဲ့ ဧည့်ခန်းမှာ ၊ ဇနီးမောင်နှံ နှစ်ယောက် ဟာ ၊ စကား တွေ ပို နည်းလာ  တယ်။  နံရံ ပေါ်က နာရီ က  တချက်ချက် မြည် သလို ၊ ခန္ဓာကိုယ်ထဲက နာရီ က လည်း  တ တောက်တောက် အသံ ပေးလို့ ပေါ့ ။

တနံ တလျား က ပရဟိတ ဂေဟာ တွေမှာ  မိဘ စွန့် ပစ် သွားတဲ့ ကလေး လေး တွေကို ကြည့် ပြီး ၊ ကမ္ဘာကြီးကို  စောင့်ရှောက် ချင်သူ တယောက်ဟာ ၊ ကလေး တယောက် မွေးစား ရမယ့် အရေး  ဒါကတော့ သိပ် မလွယ်ဘူး လို့  သက်ပျင်း ချ တယ်။ ကလေး တယောက်ကို ကိုယ်တိုင် မမွေးဖွား နိုင် လို့ ၊ ကလေးတွေ အများကြီးကို မွေးဖွားပေး နိုင်မယ့်  သားဖွားဆရာမ အလုပ်ကို ပြောင်းလုပ် တယ် ဆိုတဲ့  အမျိုးသမီး တယောက် အကြောင်း  ၊ အဝေး မှာ နေတဲ့ အချစ်ဆုံး သူငယ်ချင်း တယောက်က ပြောပြ လာတော့  မမြင်ဘူးတဲ့ အမျိုးသမီး ကို  အံ့သြ ချီးကျုး မိ ရ တယ်။ သူငယ်ချင်း ကိုယ်တိုင်က တော့၊ သားဖွားဆရာမ အလုပ်ကို ပြောင်းလုပ်မယ့် သူမျိုး မဟုတ် ။ အပူအပင် ကင်း ပြီး ၊ သံသရာ အချုပ် အနှောင် ကင်းတဲ့ ဘ၀ ကို ၊ ကျေနပ်စွာ လက်ခံ ထား ပြီးသား ။ သူ နဲ့ က မိန်းမ ခြင်း အတွင်းကျကျ စိတ်ခံစားချက် တွေကို တီးတိုး ရင်ဖွင့် နေကျ ။ နင် က peer pressure  မခံ နိုင်တဲ့ မိန်းမ မျိုးမှ မဟုတ်တာ လို့  ၊ သူ က ပြောတော့ ၊ ကိုယ့်ကို ကိုယ် မလုံချင် ။ မိန်းမ တယောက်ဟာ သူ့ လိင် သဘာဝ အရ ၊ အချိန်တန်ရင် သားသမီး လိုချင် တာပဲ  ၊ အဲ့ဒီ အချိန်ကို ကျော်သွား ရင် လည်း သူ့ဟာ သူ နေတတ် သွား တာပါပဲ  ၊ လို့  သူက ဖြောင်းဖြ သည်။

တည မှာ ၊ ပုံပြင်လေး တပုဒ် ကို ဖတ်မိ လိုက်တယ် ။ မီးတွေ ၀ိုင်းနေတဲ့ အိမ် ထဲ မှာ ပိတ်မိ နေတဲ့ လူတယောက်ဟာ ၊ ကြောက်ရွံ့ တုန်လှုပ်စွာ နဲ့   ဘုရား    ကျနော့်ကို ကယ်ပါ  လို့  မျက်စိ မှိတ်ပြီး ဆုတောင်း နေရှာ သတဲ့ ။ မီးသတ် သမား က ၊ ပြတင်းပေါက်ကနေ သူ့ကို လှမ်းခေါ် ပေမယ့် ၊ ဘုရားကို ပဲ ဆက်ပြီး ဆုတောင်း နေသတဲ့ ။ ဒီလို နဲ့ သူ ကောင်းကင်ဘုံ ကို ရောက်သွားတော့ ၊ ဘုရားကို တွေ့ တဲ့ အခါ ၊ သူ့ကို ဘာကြောင့် လာမကယ် တာ လဲ   လို့  စိတ်မကောင်းစွာ နဲ့ မေး တော့ တယ်။ လူတွေဟာ ဘုရား ဆိုတာကို ဘယ်လို ရုပ်ဒြပ် နဲ့ မျှော်လင့် ထား ကြ သလဲ ။ ဘုရားရဲ့ သတင်း စကား ဟာ ဘယ်လို တိပ တဲ့ ဘာသာ စကား နဲ့ ဖော်ပြ လာ လိမ့် မယ်လို့  စောင့်စား နေ မိ ကြ သလဲ ။


အဲ့ဒီ ည မှာပဲ ကောင်းကင်ပေါ်က ကျ လာတဲ့ မုန့်လေး အကြောင်းကို လည်း သိ ခဲ့ ရ တယ်။ 

။။။။။။။။


သာမန် မိခင် တယောက်လို မုန့်လေး ကို ရင်ခွင်ထဲ မှာ   ပိုက်ထွေး ထားရင်း ကပဲ ၊ အံ့သြတကြီး ငုံ့ ကြည့် မိတဲ့ အခါတိုင်း  သူဘယ်ကနေ ဘယ်လို ရောက်လာတာလဲ လို့   စိတ်ထဲကနေ မြည်တမ်း  မိတယ်။ တကယ်ပဲ  သူလေး ဟာ  မန္နမုန့် လို  ၊ ကောင်းကင် ပေါ်က သူ့အတိုင်း ကျ လာ ခဲ့လေ သ လား 

အဲ့ဒါကြောင့်ပဲ   ဘယ်တုန်းကမှ အနုပညာ မဆန် တဲ့  မုန့်လေး ရဲ့  ပါ့ပါ က ၊ မန္န ဆိုတဲ့ ၊ နာမယ် လှလှ လေးကို ရွေး ခဲ့ တယ်။ ဇာတ်စုံ ကို လည်း ခင်း ပြ ရ သေးတယ် ။ အီဂျစ်ပြည် မှာ ကျွန်ခံ နေကြ ရတဲ့ ဣသရေလ လူမျိုး တွေ ဟာ ၊ဘုရားသခင် ကတိတော် ထားတဲ့ ပျားရည် နဲ့  နို့ စီးဆင်း နေတဲ့ နိုင်ငံ သစ် ဆီကို ထွက်ပြေး ကြတယ် ။ တောထဲမှာ လမ်းပျောက် အစာ ရေစာ ငတ်ပြတ်ကြတဲ့ အခါ ၊ ဘုရားသခင် ကို အပြစ်တင် ငြီးတွား ကြ တယ် ပေါ့။ အဲ့ဒီမှာ ကောင်းကင်ပေါ်က နေပြီး ၊ မနက်ခင်း တိုင်း  အံ့သြဘွယ်ရာ မန္န မုန့် တွေ ချ ပေးသနား ခဲ့ တယ်  လို့  အဆို ရှိတယ်။ 

မန္န ရဲ့   ဇာတ်ကြောင်း က ဒီလောက် နဲ့ တင် ပြီးမသွားသေးဘူး ။ တရက် မှာ အိမ်ကို တရားဟော ဆရာ တယောက် ရောက်လာတယ် ။ မန္န  ကို  မြင်ဖူး လား လို့  သူ တရားဟောနေကြ လေသံ အတိုင်း စ ပြီး မေးတယ်။ မန္န ဆိုတဲ့ မုန့်လေးကို ရင်ခွင်ထဲ ချီ ထား ရင်းက ၊ ဟင့်အင်း   မမြင်ဖူးဘူး ပေါ့ ။ တရားဟော ဆရာက ကျမ်းစာအုပ်ကို တရွက်ခြင်း လှန် ရင်း ၊ တနေရာ မှာ ရပ် လိုက်တယ်။

  ဣသရေလအမျိုးသားတို့သည် ထိုစားစရာကို မန္နဟု ခေါ်ဝေါ်ကြ၏။ နံနံစေ့ကဲ့သို့ဖြစ်၍ ဖြူသောအဆင်းရှိ၏။ ပျားရည်နှင့်ရောသော မုန့်ကြွပ်နှင့် အရသာတူ၏ 

ရင်ခွင် ထဲက မုန့်လေးကို ငုံ့ ကြည့်ရင်း ရွှင်ရွှင် မြူးမြူး  ပြုံး မိတယ်။ ဟုတ်တယ်  အရသာ ရှိ တဲ့ မုန့်လေး ပေပဲ ။ တရားဟော ဆရာက ဆက်ပြောတယ် ။ နံနံစေ့ ဆိုတာ တကယ့် သေးသေးလေး   ဒါပေမယ့် ဒီ လူအုပ်စု ကြီးကို အနှစ် လေးဆယ် လုံးလုံး တောထဲ မှာ အာဟာရ ဆက်ပေး ခဲ့ တဲ့ အဓိက အစားအစာ ။ ပြီးတော့ ၊ မနက်တိုင်း ကောက်သိမ်း တဲ့ အခါ   တရက်စာ ပဲ ယူရတယ် ။ လောဘ နဲ့ ပို ပြီး သိမ်းဆည်း မိ ရင်  ပိုးထိုး သွား တတ်တယ် ။ အဲ့ဒါကြောင့် နှိမ့်ချခြင်း ၊ ရောင့်ရဲခြင်း ၊ ဆိုတဲ့ ဂုဏ်ဒြပ် တွေ ပါ တဲ့ အမည် ပဲ လို့  ဆိုတယ်။

။။။။။

မိုးမိုးကတော့  မုန့်လေး ကြီးလာရင် ၊ တကယ်ပဲ စာနာ နှိမ့်ချ တတ်သူ ဖြစ် နိုင်ပါ့ မလား  ၊ ကျေနပ် ရောင့်ရဲ နိုင်သူ ရော ဖြစ် ပါ့ မလား  ဆို ပြီး  အများကြီး ကြိုတင် မပူပန် မိသလို   နိမိတ် လည်း မဆောင် ချင် ဘူး ။ အနိမ့်ဆုံး တော့ ၊  လောက ကြီး ထဲကို ရည်ရွယ်ချက် ရှိရှိ ရောက် လာ ပြီး ၊ ကိုယ့် နဲ့ စပ်ဆိုင်သူ တိုင်း ကို ကြည်နူးပျော်ရွှင်စေ  တဲ့ သူလေး ဖြစ် လာရင် တော်ပါ ပြီလေ ။

လောကကြီး နဲ့ ချီ တဲ့ ရည်ရွယ်ချက် ကြီးတွေ ခဏနေပါ ဦးတော့ ။ ကနေ့  နဲ့ မနက်ဖြန် မှာ   စိန်ပန်းပြာ တွေ က ၊  ဝေ ပြီးရင်း ဝေ နေ ရော ။ လေပြေ တွေက လတ်ဆက် လွန်းတယ် ။ နေမင်းကြီးက ပြုံး ပြီး ၊ ကောင်းကင် ကြီးက ပြာ လို့ ။ အဆင်မပြေ မူ တွေကို ကျော်လွှား ပြီး တဲ့ အခါ ၊ လောကကြီးမှာ ကျေနပ် စရာ တွေ လည်း ရှိတယ် ဆိုတာ ကို မုန့်လေးက သက်သေ ဖွင့်ဆို ပေး ခဲ့ ပြီ ။   လိုချင်တာတွေရ တော့ ကျေနပ် တာပေါ့ ၊ ဖြစ်ချင် သလို တွေ ဖြစ်မလာရင် စိတ်ပျက် လိုက်ပေါ့  လို့  သဘာဝ ဓမ္မ ကို ရိုးရိုးရှင်းရှင်း လက်ခံ တတ်တဲ့ အဝေးက ချစ်သူငယ်ချင်း ရဲ့  ကွန်ဂရက် ကျုလေးရှင်း  မက်ဆေ့ခ်ျ လေး ကို တော့ ၊  အားတုံ့ အားနာ ဖြစ်နေ မိ ခဲ့တယ်  


တကယ်ဆို စောင့်စားသင့် တဲ့ အချိန်တခု ဟာ လုံလောက် ပြီမို့  ၊ ဘ၀ ရဲ့  ဦးတည်ရာ ကို  လမ်းကြောင်း ပြောင်း ဖို့ ၊  ဆုံး ဖြတ် ပြီးတဲ့ အချိန် ကျမှ ၊ မုန့်လေး ရောက် လာ ခဲ့တာ ။  ဒါဟာ ၀မ်းသာစရာ ဆိုတာထက် အများကြီး ပို ခဲ့တယ် ။ အနီး အပါးက မိတ်ဆွေ တယောက်က ဆိုရင် ကာယကံ ရှင်ထက် တောင် ပို အံ့သြနေဟန် နဲ့  ကိုယ့် အသား ကို ကိုယ်ပြန် ဆိတ် ဆွဲ  မ ကြည့်ဘူးလား တဲ့ လေ။ နောက်  တယောက်က လည်း ၊ ကဲ -  မိခင် ဖြစ်ရတာ ဘယ်လို နေလဲ  လို့ မချို မချဉ် မေး လာ တယ် ။ ဒီ မြို့ကို ရောက်ကတည်းက အစစ အရာရာ ကူညီ နေကြ မိခင်လို စောင့်ရှောက်တဲ့  အမျိုးသမီးကြီး  ကတော့  ခု အချိန် မှာ ပျော် ထား စမ်း ဟေ့  လို့  ခပ်ကျယ်ကျယ် ရယ်မောရင်း ဆိုတယ် ။ အမြော်အမြင် ရှိ တဲ့ သူ့စကားက ရိုးရိုးလေး နဲ့  အဓိပ္ဗါယ်တွေ ပါနေတယ် ။ ဟုတ် မယ်လေ ။ ရင်ခွင် ထဲက  မုန့်လေး ဟာ အမြဲတမ်း ရင်ခွင် ထဲ မှာ ရှိနေမှာ မဟုတ် သလို ၊ ကောင်းကင်ကြီး ကလည်း အမြဲ ပြာနေသည် မှ မဟုတ်ပဲ ။ တကိုယ်စာ အပူအပင် တွေက တဘ၀ စာ ကြို စောင့်နေ နှင့် ပြီ ရော။

အပူအပင် မရှာလို တော့ တဲ့ ချစ်သူငယ်ချင်း ဆီ ကိုတော့ ၊  ကျေးဇူးတင် ကြောင်း စာပြန် လိုက် တယ်။ သူငယ်ချင်း ရေ  ၊ ပန်းတိုင် ဆိုတာ တကယ် မရှိ တဲ့   အသက်တာ မှာ ၊ လက်ခံ ရရှိ တဲ့ နေ့ရက် တိုင်း ဟာ ၊ ဆု တွေ ချည်းပဲ ။ ။ မမှီ လိုက်တဲ့ ရထား ရှိပေမယ့် ၊ မရောက် လာ တဲ့ လက်ဆောင် ဆိုတာ မရှိ ပါဘူး  ။ အရာရာတိုင်း မှာ အကြောင်းပြချက် ရှိတယ် လို့ ပြောကြတယ် မဟုတ်လား ။ ဘယ်သူ့ အတွက်မဆို ၊ ကောင်းကင်ကြီးက တနည်းတဖုံ တော့ ပြာလွင် ပေး နေတာပါ ပဲ ကွာ ။

။။။။။။။။

တကယ်ဆို မုန့်လေး ရဲ့  မိုး နဲ့ ပါ့ ဟာ မှန်ရှေ့မှာ  ရပ်ပြီး သက်ပြင်း တွေ ကိုယ်စီ ချ နေ မိ ကြတာ ဘယ်သူ သိပါ့ မတုန်း။ မီးခိုးရောင် ဆံပင် တချို့ကို  တနည်းနည်း နဲ့ ဖုံးကွယ် ထား လို့ ရပေမယ့် ၊ ဖုံးကွယ်ထား လို့ မရ တဲ့ အရိပ် အငွေ့ တချို့ က ၊ အရှိတရား အတိုင်း လေ။ တခါတလေ လည်း  အရှိတရားထက် ပိုပြီး ဆင်ဆင်ပြင်ပြင် လုပ်ရင်း  ၊ မဆိုးလှသေးပါဘူး လို့  အားတင်း ရ တာပေါ့ ။ အခုအချိန် တော့   မိုးမိုး ရဲ့   နားဆွဲ အကြီး ကြီး တွေကို  သဘောကျ တာက လွဲ လို့ ၊ မုန့်လေး က ဘာ မြင်တတ် အုံးမလဲ ။  တချိန် ကျောင်းတက် ရ တဲ့ အရွယ် ရောက်ရင် ကျောင်းက သူငယ်ချင်း တွေ ရဲ့ မိဘ တွေ နဲ့ ၊ နှိုင်းယှဉ် တာ မျိုးတွေ ဖြစ်ချင် ဖြစ် လာမယ် ။ အဲဒီ အခါ ကျရင် ၊ မိုး တို့ ပါ့ တို့ဟာ မုန့်လေး ကို အကြာကြီး စောင့်ခဲ့ ရတဲ့ အကြောင်း ၊ ရှင်းပြရမယ်။ သိတတ် လာတဲ့ အရွယ်ရောက်ရင် တော့ ၊ မုန့်လေး ဟာ  ဖြစ်ရိုးဖြစ်စဉ် ထက် ပို တဲ့ လူကလေး ဖြစ်ကြောင်း  နားလည် အောင် ပြောပြရ မှာပေါ့ ။

ဗိုက်ထဲက ထွက်လာကာစ ပိစိကွေး လေး တုန်းက ဘယ်သူ နဲ့ တူမှန်းမသိ ဘယ်လိုချစ်ရ မှန်းမသိ ။ ခုတော့ ပေါင်ပေါ် ကို ကုတ်ခြစ် ဖက်တွယ် တက်ပြီး ၊ သွားလေး နှစ်ချောင်း ပေါ်အောင် တခစ်ခစ် ရီ ပြ နေ တဲ့ ၊ ကလေးလေး ဟာ ၊ စိန်ပန်းပြာတွေ နဲ့ အတူ  တနှစ် ပြည့် ပြီ ။ ဒီ ကလေးလေး အသက် နှစ်ဆယ် ဆိုရင် -  ငါတို့ အသက် ဘယ်လောက် ရှိမလဲ  ဆိုတဲ့ ရိုးဆင်းလှ တဲ့ သချာင်္ က၊ အခက်ခဲဆုံး စိတ်တွက် ပုစ္ဆာ ။  ငါတို့ ကျန်းမာအောင် နေရ မယ် - လို့ သာ  တယောက်တပြန် အားပေးရင်း ကြောင့်ကြမူ တွေ ကို လျှော့ချ ကြတယ်။

မောင်နှမ သားချင်း မရှိ ပဲ  တယောက်တည်း ကြီးပြင်းလာ မယ့် ၊ ခလေး ဟာ ၊ သူ့ ဘေးမှာ ရှိနေမယ့် နှစ်ဦးတည်း သော မိဘ တွေကို ဘယ်လို ပုံစံ နဲ့ ရှိစေချင် မလဲ ။ ကိုယ်တွေကသာ သားသမီး ကို  ဟိုလို ဒီလို ဖြစ်စေ ချင်ကြတာ ။ သူတို့ ဖက်က မှာလည်း သူတို့ ဖြစ်စေချင်တာ တွေ ရှိပေ မပေါ့  ။ ငယ်တုန်း က ဆို ၊ အတူမနေ ကြ တဲ့ မိဘ နှစ်ယောက်ကို ကြည့်ြ ပီး ၊ ငါ တို့ဟာ  ကြားထဲက သက်သက် ဒုက္ခလာခံ ရတယ် လို့ ၊  မလိမ်မိုး မလိမ္မာ တွေး မိ ခဲ့ တယ်။ ဖြစ်ကို ဖြစ်ရမယ် လို့  ရည်မှန်းချက်တွေ နဲ့  ရဲရင့် ခဲ့တဲ့ လူငယ် ဘ၀ ကို ကျော်လွန်လာ ခဲ့ ပြီး လို့  ၊ မဖြစ်နိုင်တာတွေ မဖြစ်သင့်တာတွေ အကြောင်း တွေးတော တွေဝေ မူ တွေနဲ့  ရောင့်ရဲလွယ် တဲ့ အရွယ် ကို ရောက်လာ တော့ မှ ၊ စာနာ စရာ တွေကို စာနာ တတ် လာ ခဲ့ တယ်။ အဲဒီ အရွယ်ကျမှ ဘ၀ ကို အသစ်ပြန်စ ရ မယ် ဆိုလည်း စ ကြတာပေါ့ မုန့်လေးရာ ။
လက်ကိုင်ဖုန်း နဲ့  တက်ဗလက် တွေကို ကစားစရာ လုပ် တဲ့   မျိုးဆက် က ၊ ရောင်းသူမဲ့ ဆိုင်မှာ ဈေးဝယ် ပြီး ၊ မောင်းသူမဲ့ ကား ကို စီးကြ တဲ့ အချိန်မှာ ၊  ချစ်ခြင်း မေတ္တာ တွေ မဲ့ မသွား ဖို့ ပဲ အရေးကြီးတာ မဟုတ်လား။

၊၊၊၊၊၊၊၊၊

ပြောကြတယ် ။ သား သမီး ရှိလာပြီ ဆိုရင် ဘ၀ ရဲ့ တ၀က်လောက်ကို ပေးလိုက် ရတယ် တဲ့ ။ ခု ကို ပဲ ဘ၀ က တ၀က်ကျိုး ချင် နေပြီ ဆိုတော့ ၊ ရှိတာတွေ အကုန်ပဲ ပေး ရ တော့မှာ ပေါ့ ။  မနက် မိုးလင်း ယုံ ရှိသေး အိပ်ရေးဝ ပြီး လန်းဆတ် နေတဲ့ မုန့်ကလေး ကို ၊ အိပ်ချင်မူးတူး နဲ့ ချီရင်း ၊  open up the blind, here is the sun လို့ ကဗျာလေး ဆို ပြ ပြီး ၊ ယင်းလိပ်တွေ ဖွင့် လိုက် တာနဲ့ ၊ အဲဒီနေ့ ဟာ ကိုယ့်အတွက် ဘာမှ မကျန် တော့ ဘူး ။  မနက်စာကျွေးတယ် ။ ကဗျာ တွေ ဆိုပြ သီချင်းတွေ ဖွင့်ပြတယ်။ ဆော့ပေးတယ် ။ နေ့လည်စာကျွေးတယ် ။ တရေးသိပ်တယ်။ အပြင် ထွက် လမ်းလျှောက် ပေးတယ်။ ညစာကျွေးတယ်။ စာအုပ်ဖတ်ပြတယ် ။ ညအိပ်ကာနီး ရေချိုးပေးတယ်။  close the blind လို့ ဆိုထားတဲ့ ကဗျာ မရှိပေမယ့် ၊ ညနေစောင်းလို့ ယင်းလိပ် တွေ ပိတ် တဲ့ အချိန်တိုင်း မှာ ၊ မြန်ဆန်လွန်း တဲ့ တနေ့တာ ကို သတိ ထား မိ တယ်။ မုန့်လေး ညအိပ် သွား တော့ ၊ ကိုယ်ပိုင် အချိန်တိုတိုလေး ထဲ ကမှ ၊ အချိန်လုပြီး  မန္န အကြောင်း  လည်း စာ က ရေး ချင်သေး တာ။


စာအုပ် ဖတ်ဖို့ ဆိုတာ တော့ ဝေလာ ဝေး ။ ကြည့်နေကျ သတင်းတွေ  ၊ ရုပ်ရှင် တွေ လည်း မကြည့် ရ တဲ့ အတူတူ  ၊ တီဗွီရှေ့ မှာ အတူ ထိုင်ပြီး ၊ Thomas and his friends ကိုပဲ စီးရီးစ် လုပ်ပြီး ထိုင်ကြည့် နေရတယ် လေ ။ ဒါပေမယ့် ဒီကောင်ကလေး တကယ် ကြိုက်တာက ၊ အတီးအမှုတ် နဲ့ သီချင်းသံ တွေ ။ ဂီတ သံ တခုခု ကို ကြားတာနဲ့  လူက တလှုပ် လှုပ် ဖြစ်နေပြီ ။အရုပ်တရုပ် ကို ၅ မိနစ် ထက် ပိုပြီး စိတ်မ၀င်စား တဲ့ မုန့်လေး ဟာ  ဂစ်တာ ကို ပထမဆုံး စ ပြီး တွေ့ တဲ့ အချိန်မှာ ၊ သူ့ ပါ့ပါ တီး ပြတာ ရပ်လိုက်တဲ့ အထိ ၊ ဒူးလေး နှစ်ချောင်း ထောက်ပြီး မြောက်ဆွ မြောက်ဆွ လုပ် လို့ မ၀ နိုင် ရှာ ဘူး ။ သူ့ ပါ့ က ဂျီမီဟန်းဒရစ်ဇ် ၀င်စားတာ လို့ နောက် ရင် ၊ မိုးမိုးကလည်း စန္ဒယား လှထွတ် လောက်တော့ ၀င်စား စေ ချင်တာပေါ့ ။ မုန့်လေးရေ ။ ဘာပဲ ဖြစ်ဖြစ် ၊ ကိုယ်တွေ မဖြစ်မြောက်ခဲ့ ၊ ဖြစ်မြောက်ခွင့် မရ ခဲ့တာတွေ ကို ၊ ပြန်ပြီး စိတ်ကူးယဉ် ခွင့် ပေး လို့ ကျေးဇူးပါ ကွယ်။

။။။။။။

မုန့်ကလေး ဟာ တနှစ်ပြည့် သွားတာနဲ့ ၊ ချက်ခြင်း ပြောင်းလဲ လာ တယ် ။ ကလေးလေး မဟုတ်တော့ ပဲ ၊ ကောင်ကလေး ဖြစ် ချင် လာ ပြီ ။ မကိုင်ရဘူး လို့  ပြောထားတဲ့ ဟာ ကို ၊ လစ် တဲ့ အချိန် မှာ သွား ကိုင်ကြည့် ဖို့  လူလည် ကျ တတ်နေပြီ ။ သူ့ကို မကြည့်ပဲ တခြား တခုခု လုပ်နေရင် ၊ ခေါင်းကို နံရံ နဲ့ ဆောင့်ပြီး ၊ ယူ ချီ အောင် မူယာ မာယာ တွေ လုပ်တတ် ပြီ။  အကျီ င်္ ၀တ်ပေးလို့ ပြီးကာနီး မှ ခြေထောက် တချောင်းကို ပြန်ဆွဲထုတ် ပြီး တခိခိ နဲ့  လူနောက် ကလေး လုပ် နေပြီ ။ လမ်းလျှောက် ထွက် ဖို့ ၊ တွန်းလှည်း ပေါ် ကို တောင် ၊ သိပ် ပြီး မတက် ချင် တော့ဘူး ။ ကြည့် ဦးလေ ။ တွန်းလှည်း နဲ့ ကိုယ်လုံး နဲ့ အပြည့်လောက် ဖြစ် လို့ ၊ ခြေထောက် တွေက အပြင်ကို တောင် ထွက် နေပြီ ။ မကြာခင် မှာ သူ့ခြေထောက်ပေါ် သူ ရပ်ပြီး လမ်း စ လျှောက် တော့ မည် ။ မိုးမိုး လည်း  ကလေး တွန်းလှည်း လေး နဲ့ လမ်းလျှောက်ထွက် ခြင်း အမူ ကို ရပ် ရ တော့မည် ။ တခြား  အမူ ဆောင်တာ အသစ်တွေကို လိုက်ပြီး ဖြည့်ဆည်း ရ အုံးမည်ပေါ့ ။ နောက်တနှစ်ဆို ကစားကွင်းထဲ လိုက်ပြီး ပြေး ခုန် ပေါက် ပေး ရမည်။ နောက် သုံး လေး နှစ် လောက်ဆို ၊ ကျောင်းလိုက်ပို့ ရမည်။ နောက် ဆယ် နှစ် ဆယ့်ငါးနှစ် ဆို ကျောင်းစာတွေ အတွက် ပူပန်ပေး ရမည်။ တက္ကသိုလ်တွေ တက်ဖို့   ဖန်တီး ပေး ရ မည် ။ မဆုံး နိုင်သော တာဝန် ၀တ္တရား များ နဲ့  တကယ့် ဘ၀ ထဲ မှာ သူ့ ခြေထောက် ပေါ် သူ မတ်တပ်ရပ် နိုင် တဲ့ အချိန် တွေ ထိ ၊ ကြိုတင် တွေးတော နေ ရ ပြန်တယ်။

လောလောဆယ်ဆယ် မှာတော့ ၊လေတဖြူးဖြူး အောက်မှာ လမ်းတပတ် ပတ် ပြီး တဲ့ ၊ မုန့် ကလေး ဟာ ၊ ယူကလစ် ပင်ကြီးတွေ အောက် က  ငှက် တွေ  ကိုလည်း မကြည့် နိုင်တော့ဘူး ။ အိမ်ရှေ့  ကစားကွင်း ထဲမှာ  ပြေးလွှား ခုန်ပေါက် နေတဲ့ ကလေး တွေ ကို လည်း ၊ အားမကျ နိုင်ရှာ တော့ဘူး ။  နေလုံး နီနီ ညနေ စောင်း လို့  အမေ့ကျောင်း ကို  မရောက်ခင် မှာ ကို မျက်တောင် တွေ ညောင်း လေ ပြီ ။

ဒီနိုင်ငံ မှာ မွေးတဲ့ ကလေး မို့ ဒီက အများသုံး အင်္ဂလိပ် စကား နဲ့ ၊  မိဘ တွေ အိမ်မှာ ပြောတဲ့ ဘာသာ စကား ကြားမှာ ရှုပ်ထွေး နေမှာ ကို စိုးရိမ် မိ ခဲ့ ပေမယ့် ၊  ပုံမှန် စစ်ဆေး ရတဲ့ ကျန်းမာရေး ဌါန က ဆရာမ တွေ က  ၊ ကလေး ငယ် တွေရဲ့  ဦးဏှောက်မှာ ဘာသာစကား နှစ်မျိုး လောက် ကို တချိန်တည်း လက်ခံ မှတ်သား နိုင်တယ် လို့် ဆိုတာ ကြောင့်  ၊ တော်ပါသေး သည်။ ဒီတော့ လည်း  မုန့်လေး ရဲ့  အိပ်ယာဝင် သီချင်းတွေဟာ  မိုးမိုး ကြိုက်တဲ့ ဗမာ သီချင်း တွေ လည်း ဖြစ်နေ တတ် သည် ။ အရေးကြီးတာ  မုန့်လေး နှစ်နှစ်ခြိုက်ခြိုက် အိပ်မောကျ သွားဖို့ ပဲ လေ ။ သွပ်ပြားပေါ် မိုးစက်ကျသံ တပေါက် ပေါက် အောက်မှာ ၊၀ါဆို ၀ါခေါင် ရေတွေ ကြီးတော့ ၊ သပြေသီးမှည့် ကောက်စို့ ကွယ် .. လို့  အမေ တလှည့် အဖွား တလှည့် အဒေါ်တွေ တလှည့် ချော့သိပ် ခံ ခဲ့ ရတဲ့  ငယ်ဘ၀  တွေ လို တော့ ဘယ် ဟုတ် ပါ့ မလဲ ။ မုန့်လေး ရဲ့  ငယ်ဘ၀ လေး ဟာ  ခုချိန်မှာ အေးချမ်း  တိတ်ဆိတ် စွာပဲ   ဆွေမျိုး သားခြင်း တွေ ရဲ့  မေတ္တာငွေ့ နဲ့  ဝေး ကွာ လှ တယ်။

တခါတလေ တော့ လည်း ၊ မိုးမိုး တို့ ဟာ ၊ ခရာဆူးခြုံ  တွေ ရှိ တဲ့ အရပ်ကို ပြန် ချင် တယ်။ အဲ့ဒီ အရပ်မှာ ချစ်တဲ့သူ တွေ နေ ကြ တာ ဆိုတော့ ၊ မျှော့ နက် မည်း ကြီးတွေ  တွယ်ချင် လည်း တွယ် ပါစေ ၊ သပြေသီး မှည့် တချို့ တလေ ရရင်ကို ပျော်နေမှာပဲ လေ။ အခုတော့ ခရမ်းပြာ စိန်ပန်း တွေ ကြားထဲ မှာ ပန်းနုရောင် ကတ္တဝါ ငှက်ကြီး တွေ ရဲ့  အသံ ကို နားယဉ် ငေးမော နေရင်း ၊ ဘယ်တုန်းက ဘယ်ကွေ့ ကို ကျော် ခဲ့ မှန်း မသိ ပဲ ၊  ဘ၀ ခရီး ရဲ့  တနေရာ မှာ  ရောက်နေ ခဲ့ တယ်  ။ ချောင်းရိုး တလျှောက် လှေကို လှော် လာ လိုက်တာ လေ  ။ အခုဆို ၊ ဟောဒီ  လက်တွန်းလှည်း လေး ထဲ မှာ ၊ မျက်တောင် ညောင်း နေတဲ့ ကလေးလေး တယောက် တောင် ရှိ နေ ခဲ့ ပြီ ။ အဲ့ဒီ ကလေး လေး ကရော ၊ ဘယ် သားချော့ တေး ကို  လွမ်းဆွတ် လို့  ၊ ဘယ်အရပ် ဒေသ ကို ခင်တွယ်မှာ လဲ ။ ဘယ် ဆီ ဘယ်ဝယ် လှေ လှော် ထွက်လေ မလဲ ။ ချောင်းရိုးထဲ မှာ ပဲ လား ။ မြစ်ကွေ့ မြစ်ကောက် ဆီ ဆန် တက်လေ မလား ။  တကယ်တော့ လည်း ဘဝ ဟာ အိပ်မက် တခု ပါပဲ ။


မရိုး နိုင်တဲ့ ကလေးချော့ ကဗျာ လေး ကို ဆို ညည်း မိ တယ်။

row ... row ... row your boat, gently down the stream,  merrily ... merrily ... merrily ... merrily , life is but a dream

အိပ်ပြီလား မုန့် လေး ရေ  ၊ မိုးမိုး တို့  ချောင်းရိုး တလျှောက် ဆက် လှော်ကြ ဦးမယ် လေ။ ပျော်ပျော်ကြီးသာ  လှော် ကြ မယ် နော် ။


ကေသွယ်

အောက်တိုဘာ ၂၀၁၇










Share/Bookmark

Havana Blues



ကမ္ဘာ့ နံပတ်တစ် အရင်းရှင် နိုင်ငံကြီး ကို လက်တကမ်း အကွာက နေ ၊ ဘာမထီ စိတ်နဲ့ ရဲရဲကြီး ရန်ဖက်ပြု နေ ခဲ့တဲ့ ၊ ကမ္ဘာ့ နောက်ဆုံးလက်ကျန် ဆိုရှယ်လစ် ကျွန်းနိုင်ငံငယ်လေး ဟာ ၊ နောက်ဆုံးမှာ တော့ ၊ သူ့ လက်သီးတွေကို ဖြေလျော့လိုက်သည် ။ မကြာသေးခင်က ၊ အမေရိကန် ကျူးဘား သံတမာန် ပြန်လည်ဆက်သွယ် လိုက်ပြီ ဆိုတော့ ၊ နှစ်ပေါင်းများစွာ မထိ မတို့ မပြု မပြင် ကိုလိုနီ အမွေအနှစ်တွေ ၊ စိတ်ဝင်စားစရာ လူနေမူ ဘ၀ တွေကို ၊ မပျောက်ပျက်ခင် အပြေး အလွှား သွား ကြည့် တဲ့ ခရီးသွားတွေ အပြင် ၊ရင်းနှီးမြုပ်နှံ ဖို့ လေ့လာ ကြတဲ့ စီးပွားရေး သမားတွေ လည်း ရောက်လာကြသည်။



ကိုယ်တွေကတော့ လက်သီးတွေ ကျစ်ကျစ်ပါအောင် ဆုပ်ထားဆဲ ကျူးဘားကို ၂ နာရီကြာမျှ ရောက်ခဲ့ ဘူးပါ သည်။ Havana Blues ဆိုတဲ့ ရုပ်ရှင်ကားလေး ကို ၊ လက်တီနို မိတ်ဆွေ တယောက်က ညွှန်းပြီး ပေး လာတာ ကြောင့် ၊ ကြုံ ကြုံ ကြိုက်ကြိုက် ကြီးပင် ဟားဗားနား ကို ရောက် သွားခဲ့ ခြင်းဖြစ်သည်။ ကျူးဘား ရဲ့ ရှုခင်း အလှ တွေတင်မက ၊ အတွင်းသား ကိုပါ ထွင်းဖောက် တွေ့ မြင် လိုက်ရတော့သည်။ 


How can I fight to the Sun, Politics and God!

ဆို တာမျိုး ..ခပ်ရဲရဲ ပေါက်ကွဲ နေ တဲ့ စာသား တွေ ကြောင့်..ဒီရုပ်ရှင် ဟာ နိုင်ငံတကာ ဆု တချို့ ရခဲ့တဲ့ အပြင် ၊ စပိန် စကားပြော လက်တီ နို လောက မှာ တင် မက.. အင်္ဂလိပ် စာတမ်း ထိုး ကို ကြည့်တဲ့..တခြား ပရိသတ် တွေ ထဲမှာပါ ၊ အတော် လူကြိုက် များ ခဲ့လေသည် ။ 


တကယ် တော့ ဒီ ရုပ်ရှင်က ဟောလိဝုဒ် ကားကောင်းတွေ လို ခန့်ခန့်ညားညား ကြွားကြွား ထည် ထည် မျိုး တော့ မဟုတ် ။ ကြည့်ဖြစ် အောင် ကြည့်ကြပါ လို့ ထောမနာ ပြု တိုက်တွန်း ရ လောက် အောင် လည်း သိပ် ကြီး တော့ နင့်နင့် နဲနဲ ကောင်းနေ တာမျိုး လည်း မဟုတ်ပါဘူး။ ဒါပေမဲ့လို့ ကမ္ဘာ မှာ စိတ်ဝင်စား ခံ ရတဲ့ ကျူးဘားနိုင်ငံ ရဲ့ လူမူစီးပွား ပြသာနာ တွေ ကို musical ပုံစံ ခပ်ပါး ပါး လေး ရိုက်ပြ ထား တာက ဂီတ ချစ်သူ တွေ အတွက် အထူး အကြိုက်တွေ့စေမဲ့ နိုင်ငံတကာ ရုပ်ရှင် ကောင်းလေး တခုလို့ ပဲ ဆိုပါရစေ ။ 


Ruy နဲ့ Tito က သိပ်ချစ် ကြတဲ့ ၀ါသနာတူ ဂီတကို ရူးသွပ်သူ သူငယ်ချင်း ၂ ယောက်။ ကျူးဘား ဆို တာက လည်း Spanish နဲ့ West Africa ဂီတ ယဉ်ကျေးမူ တွေ ရောပြွန်း စုဆုံ ရာ ဂီတ ပုံစံ မျိုးစုံ ရဲ့ ဘူမိ နက်သန် လို့ ဆို ရ လောက် တဲ့ Salsa တို့ Jazz တို့ရဲ့ မွေးဖွား စတည်ရာ ဒေသ။ ဂီတ ပညာရှင် ၀ါသနာရှင် တွေ ကလည်း သိပ် ပေါ ဆို ပဲ။ ကက်စထရို ရဲ့ လက်ဝဲ ဆိုရှယ် လစ် အစိုးရ က ဂီတ ကျောင်းတွေ ဖွင့်လှစ်ပေး ထား ပြီး ကျောင်းဆင်း ပညာရှင် တွေ ကိုလည်း အစိုးရ ၀န်ထမ်းတွေ အဖြစ် အလုပ်ပေးခန့် ထားသ တဲ့ ။ ထုံးစံ အတိုင်း မစို့မပို့လစာ လေး တွေနဲ့ လွတ်လပ်မူ မရှိ တဲ့ အနုပညာ လောက ကြီးများ ဖြစ်နေ မလား လို့ တော့ …. တွေး ကြည့်မိတယ်။


ဒါပေမဲ့ ကျူဘန်းတွေဟာ အစိုးရ ရဲ့ ခွဲတမ်းချ အစားအသောက် တွေ ၊ တန်းစီ ၀န်ဆောင်မူ တွေ ၊ မှောင်ခို အသုံး အဆောင် တွေ အပေါ် မှာ ၊ အတော်သီးငြီး ခံ နိုင် စွမ်း ရှိ ပြီး ၊ သူတို့ တိုင်းပြည် ကို အတော် ချစ် ကြသလို ဂီတ ကိုလည်း အတော် မြတ်နိုးကြတယ် လို့ ဆိုတယ် ။ မြို့တော် ဟားဗားနား ရဲ့ နေရာ တိုင်း မှာ Jazz တွေ blues တွေ rap တွေ raggae သံ တွေ ပျံ့လွင့် နေတယ်။ မှောင်ရိပ်တွေ ထဲမှာ လည်း မြေအောက် ဂီတ တွေနဲ့ မြူးကြွ ပေါက် ကွဲ လို့။ အဲဒီလို နဲ့ Ruy နဲ့ Tito အပါအ၀င် ဂီတ သမား တွေ ရဲ့ အိမ်မက်က နိုင်ငံတကာ ကို ထွက် ပြီး ၊ ကျူဘားဂီ တ ကို ဆိုပြ ..တီးပြ..ဖျော်ဖြေ ချင် ကြ တဲ့ အန္တိမ စိတ်ကူးယဉ် တွေနဲ့ပေါ့။


၁၉ ၄၀ ၀န်းကျင်လောက်က နာမယ်ကြီးခဲ့တဲ့ Buena Vista Social Club ဆိုတဲ့ ဂီတ အသင်းကြီး ရဲ့ ပဂေး ကြီး တွေကို ၊ ၇၀ ကျော် ၈၀ ကျော် အရွယ် ကြီး တွေ ကျမှ ပြန်လည် အသက်သွင်း ပွဲထုပ် ခဲ့တဲ့ ၊ အမေရိကန် ထုပ်လုပ်သူ တယောက် ရဲ့ Bunea Vista Socail Club (1997) အခွေ ဟာ ၊ နိုင်ငံတကာ မှာ ပေါက်သွား ခဲ့ ဘူးတယ်။ အဘိုးကြီး တွေကို ၊ နယူး ယောက် မှာ ခေါ် ပြီး ဖျော်ဖြေ ပွဲ ကြီးလုပ်တာ ပရိသတ် တွေ ၀က်ဝက်ကွဲ။ သူတို့ ရဲ့ ဇတ် ကြောင်းပြန် မှတ်တမ်း ခွေ ကလည်း ထုတ်လုပ်သူ တွေ အတွက် အပိုအိပ် နဲ့လွယ် ခဲ့ ရ ပြီး ၊ ဥရောပ ရုပ်ရှင်ဆု တောင်ဆွတ် ခူး ခဲ့ တာ ဆိုတော့.. Ruy နဲ့ Tito တို့လည်း စိတ်ကူး ယဉ် တော့ တာပေါ့။


တနေ့မှာ သူတို့ အဖွဲ့ တွေ စပိန် ထုတ်လုပ်သူ အမျိုးသမီး တယောက် နဲ့ ဆက် မိ ကြ တယ်။ သူတို့ အိမ် မက် တွေ ပို ပြီး ကြည်လင် လာသလို ၊ သူတို့ဘ၀ တွေ လည်း ၊ လိုက်ပါ ပြောင်းလဲ ရင်း ၊ Havana Blues ဇတ်လမ်း လေး ဖြစ် လာ ခဲ့ တော့တယ်။

Ruy နဲ့ သူ့ရဲ့ သူငယ်ချင်း ပါရမီ ဖြည့်ဖက် Caridad။ သူတို့ နှစ်ယောက်ရဲ့ သား နဲ့ သမီးလေး တို့ ရဲ့ သာမန် လူနေ မူ ပုံစံလေး တွေကို နောက်ခံ ထား တဲ့ ဇတ်ကွက် တွေ ထဲမှာ ၊ နံဘေး တိုက် ခန်းက တယ်လီဖုန်းကို ၀ိုင်းသုံး ကြ တာလေးတွေ..။ ဖုန်းလာရင် ဖုန်းအိမ်က ကြိုးခြည် ထားတဲ့ ခြင်းလေး ထဲမှာ ဖုန်းကို ထဲ့ပေး ၊ ဆွဲ ယူ ပြော ၊ ပြီးမှ ပိုက်ဆံ ထဲ့ပေး ပြီး ခြင်း လေး ကို ပြန်ပို့ ။ ရန်ကုန် မြို့က တချိန်က လူနေမူ ဘ၀ တွေ ကို အတိ အကျ သတိ ရ စေ တဲ့ အခန်း လေး တွေပဲ ။ 


ကျူးဘား နဲ့ အနီးဆုံး လက်တကမ်း အကွာက ၊ အမေရိကန် မိုင်ယာမီ ကမ်း ခြေ ကို လှေနဲ့ သက်စွန့်ဆံဖြား ခိုး ကူးကြတဲ့ ရွှေ့ပြောင်း အခြေချ မူ နဲ့ လူမှောင်ခိုခြင်း ကို လည်း ဒီရုပ်ရှင် ရဲ့ အရေးပါတဲ့ ဇတ်အိမ် တခု အဖြစ် ထဲ့ ထားတယ်။ Caridad ရဲ့ အမေ က မိုင်ယာမီ မှာ ရောက် နှင့် နေ ပြီး ၊ အရွယ် လွန် မိန်းမ တယောက် အဖြစ် ၊ အမေရိက မှာ ခက်ခက် ခဲ ခဲ အခြေချ လုပ်ကိုင် ရင်း ၊ သမီး ရဲ့ မိသားစု ကို တတ်နိုင် သလောက် လှမ်း ထောက်ပံ့ တာ တွေ ၊ လူကြုံ ပစ္စည်း လေး တွေ ပို့ ပေး တဲ့ အခန်းတွေဟာ ရင်ကို တဲ့တဲ့ မှန် တဲ့ ၊ ဇတ်ဝင် ခန်းလေး တွေပါပဲ။ ပစ္စည်း ရှားပါး တဲ့ ဆိုရှယ်လစ် နိုင်ငံ ထဲက Ruy တီးဖို့ ဂစ်တာ ကြိုး ကို တောင် ၊ သူ့ ယောက်ခမ က အမေရိက ကနေ ပို့ပေး ရှာ တယ်လေ။

Ruy ကလည်း အနုပညာ သမား ပီပီ ၊ စိတ် တွေက လွင့်လွင့်ပါးပါး။ မိသားစု အပေါ် မှာ တာဝန် မကျေ နိင် ပေမဲ့ ၊ သူဘာမှ မတတ်နိုင်။ သူ လုပ်ချင် တာတွေပဲ ဆက် လုပ် နေ ခဲ့သည်။ လို အပ် ရင် တိုးရစ်စ် မတွေ နဲ့လည်း သူ အိပ်သည်။ သူ တီးချင် ဆို ချင်တာပဲ သိသည်။ သူ့ခေါင်း ထဲမှာ Havana မှာ သူတို့ လုပ်ဖို့ ပြင်ဆင်နေတဲ့ concert လောက် တခြား ဘာမှ အရေးမကြီး။ ဒါပေမဲ့ သူက သူ့ နိုင်ငံ လေး ကို တော့ ၊ ရူးရူးမူးမူး ချစ် သူ။


တဖက် မှာ Tito ကတော့ ၊ ကိုလိုနီ အကြွင်းအကျန် အထည် ကြီးပျက် ဘ၀ မှာ ကြီးပြင်းနေထိုင် သူ။ တချိန်က နံမယ်ကျော် ကျူးဘား အဆို တော် တယောက် ဖြစ် ခဲ့ပြီး ခုတော့ အရက်စွဲ နေ တဲ့ ၊ သူ့ အဘွားက ၊ စန္ဒရားတီး သင်တန်းလေး ဖွင့် ရင်း ၊ မြေးအဘွား ၂ ယောက် ၊ ဂီတ ကို ဆက်လက် ရူးသွပ် နေ ကြ တုန်း။ ဒီနေရာမှာ Tito ရဲ့ ခေတ်ဟောင်း ချက်ဗလက် ကားစုတ် အနီလေး က ၊ ဒီ ရုပ်ရှင် ရဲ့ အဓိက ဇတ်ပို့ ပေါ့ ။ Tito ကတော့ ၊ ဒီ ကျွန်း အစုတ် ပေါ် မှာ မနေ ချင်တော့။ သူ့အိမ်က ဖုံးအစုတ်ကိုကြည့်မရ။ သူ့ကားအစုတ် ကို ၊ စိတ်မရှည်။ စန္ဒရား ကလည်း သူ့အတွက် ၊ အစုတ်။ သူတို့အိမ်ကြီးက ရေချိုးကန် အစုတ် တွေ ကို လည်း စိတ်ကုန် နေပြီ။ သူ့ အသက် ၂၈ နှစ် ရှိပြီ။ သူတနေ ရာ ရာ ကို သွား ချင် ပြီ။ အခု စပိန်က ထုတ်လုပ်သူ နဲ့ ခွင် တဲ့ ရင် သူ ဒိုး တော့မည်။


ပြသာနာက ထုတ်လုပ်သူ အမျိုးသမီးက Ruy မှ Ruy ။ Ruy ကတော့ ၊ ထုံးစံ အတိုင်း ဒီ အမျိုးသမီး နဲ့ ရင်းနှီးခွင့် ရ ဖို့ အတွက် ၊ ဘာမှ လက်မနှေးခဲ့။ အမျိုးသမီး ဟားဗားနား မှာ ရှိ နေတုန်း ၊ သူ တို့ အစမ်း ပွဲ တွေ လုပ်ကြည့်သည်။ ကြိုက်သည်။ တချို့ ကျူးဘန်း စတိုင် ဘာသာစကား တွေ ကို ပြင် ပေး ပါ ဆို လည်း ၊ ဒီလိုပဲ မကျေနပ် ကျေ နပ် နဲ့ ပဲ ပြင် ပေး လိုက် သည်။ ပြသာနာက စာချုပ် ချုပ် တော့မှ ။ စာချုပ် သက်တမ်း ၃ နှစ် မှာ စပိန် မှာ သူတို့ အားလုံး နေရမည်။ သူတို့ အသုံးစရိတ် ကလွဲ လို့ ဘာမှ အကျိုးအမြတ် မရ။ ထားတော့။ ဒါပေမဲ့ သူတို့ တီး ၀ိုင်းဟာ ၊ ဘာနံမယ် မှ မရှိ သေးတဲ့ အရိုင်းလေး တွေ လို နေ ရ မည်။ ပြီးရင် နိုင်ငံရေး ဝေဖန်ချက်တွေ နည်းနည်းကျဉ်းကျဉ်း ပါတဲ့ documentary လုပ် ရမည်။ အဲဒါ ကို အပြင်းအထန် ကန့်ကွက်သူက Ruy ပဲ ။ 


သူ့အတွက် အနုပညာက အနုပညာပဲ။ မလိုအပ် ပဲ သူ့နိုင်ငံ ကို မကောင်းပြော ပြီး ၊ သူတို့ လုပ်စား ရ မှာ တဲ့ လား။ သူတို့ တိုင်းပြည် ထဲ ကို ၊ ပြန် ၀င်ခွင့် မရ တော့ရင် ဘယ်လို လုပ် ရ မလဲ . . . ။ သူပေါက်ကွဲ တော့ ၊ ငွေရှင် က အမေရိကန် တယောက် မို့ ၊ အမျိုးသမီးက သူ လည်း မတတ်နိုင် ၊ စီးပွါးရေး က စီးပွားရေး ပဲ လို့ ဆို လာသည်။ ဒီလို နဲ့ Ruy တယောက် စာချုပ် ကို ဆွဲ ဖြဲ ပြီး ၊ သူ့အိမ်မက် တွေကို သူ့လက် နဲ့ပဲ ဖျက်ဆီး ပြစ် လိုက် တော့ သည်။


သူတို့ တဖွဲ့လုံး တယောက် တပေါက် ငြင်းခုံ ပေါက်ကွဲ ကျ သည်။ Ruy အပြင် ထွက် လာတော့ ၊ ကားစုတ် နီ လေး ပေါ် မှာ ထိုင်စောင့်နေတဲ့ Tito တယောက် ၊ မကျေနပ် ခြင်း တွေ ဒေါသ တွေ တစစ်စစ် နဲ့ ၊ သူ့အချစ်ဆုံး သူငယ် ချင်း ကို ပေါက်ကွဲ အော်ဟစ် ပြစ် လိုက် သည့် အခန်း သည် ၊ စကားလုံး တွေ နှင့် ထိမိ လှသည်။


` ဒါ ငါတို့ကို သက်သက် အမြတ် ထုတ် တာပဲ ထုတ်လုပ်သူ တွေ အများကြီး ရှိ တယ်… ငါတို့ ဆက် ကြိုးစား ကြမယ် လို့ Ruy က ချော့တော့..


There are so many musicians in Cuba. Success is not by talent , but by chance... လို့ ၊ Tito ပေါက်ကွဲ ခဲ့ တဲ့ စကား က ၊ တကယ် မှန်လေသလား လို့ ဆက် တွေး ကြည့် နေ မိတယ်။ 


ငါတို့က စပိန် မှာ ၃ နှစ် ကျွန်ခံ ပေး ရမှာ လေ . . . လို့ သူ့အတွေး နဲ့ သူ ခေါင် နေတဲ့.. Ruy ကို ၊ Tito က စိတ် တို နေတဲ့ ကြား က ၊ လမ်းဘေး ၀ဲယာ အသာ ဖြန်းကနဲ ကြည့် လိုက် ပြီး ၊ ခပ် ကြေးကြေး အံကြိတ် သံ နဲ့.. " Whose slaves are we here " လို့ ခပ်ဆတ် ဆက် မေး လိုက် တဲ့ အခန်း ဟာ ၊ ကျူးဘား ရဲ့ နိုင်ငံရေး ရာသီ ဥ တု ကို လှလှ လေး သရော် လိုက်တာ ပဲလေ ။


တကယ် တော့ ၊ ရန်ကုန်မြို့ ကြီး နဲ့ အတော်ကို အလားသ ဏ္ဌန် တူ တဲ့ ၊ ဟားဗားနား ဟာ ၊ ကိုလိုနီ လက်ရာ အကြွင်းအကျန် အဆောက် အဦ နွမ်းဖတ် ဖတ် ကြီး တွေ ကို နောက်ခံ ထား ရင်း ၊ သူ့ရဲ့ ညနေ စောင်း တွေ ဟာ၊ ငြီးစီစီ ဖြစ် နေ ခဲ့ တာ ကြာ ပါ ပြီ။ အဲဒီ ညနေ စောင်း တွေ ကိုပဲ ၊ ကမ္ဘာ့ အထူးဆန်း ဆုံး နေ ရာ တခု အဖြစ် ၊ နိုင်ငံခြား ခရီးသွား ဧည့်သည် တွေက ၊ လာ ကြည့် ကြသည် ။ အဲဒီလို နဲ့ Ruy ရဲ့ ကလေး ၂ ယောက် လည်း ၊ နိုင်ငံခြားသား တွေကို ရောင်း တဲ့ ၊ သူတို့ အမေ ရဲ့ လမ်းဘေးက လက်မူ ပုတီး ဆိုင် လေး ဘေး မှာ ၊ Cuban Rap ကို ပျော်ရွှင် စွာ ဆို ရင်း ၊ နိုင်ငံ ခြားသား တွေ ဆုချ တဲ့ ၊ မုန့်ဘိုး လေး တွေ ကို မျှော် တတ် လာတယ်။ တခါတလေ လည်း မိသားစု လိုက် ဆို ကြပေါ့ ။


နောက်ဆုံး တော့ Caridad တယောက် သူ့ကလေး နှစ် ယောက် နဲ့ အတူ ၊ အဖမ်း အဆီးများ ၊ မိကျောင်းထူ လှ တဲ့၊ ဖလော်ရီဒါ ရေ လက် ကြား လေး ကို ဖြတ် ပြီး ၊ မိုင်ယာမီ က အမေ ဆီ လိုက် ဖို့ ဆုံးဖြတ် လိုက် သည် ။ မိတ်ဆွေ သူငယ် ချင်း တွေ ကို နှုတ် ဆက် တဲ့ ည မှာ ၊ သူတို့ သီချင်းတွေ ဆို ကြ သည်။ လွမ်းလွမ်းဆွတ် ဆွတ် ၊ နာနာကျင်ကျင် ၊ ပြီးတော့ ပျော်ပျော်ရွှင်ရွှင် ။ သူ တို့ နှစ် ယောက် အချစ်ပြယ်လို့ လမ်းခွဲ ကြတာ မှ မဟုတ်လေပဲ ။ ဒါပေမဲ့ အချစ် ဆို တာ ကလည်း ၊ သူတို့ ဆို နေတဲ့ သီချင်း တွေ လိုပဲ ၊ စည်းချက် အနိမ့် အမြင့် ၊ စာသား အပြင်း အနု ၊ သံစဉ် ညက်ညော လှိုင်းထ မူ တခု နဲ့ တခု.. တချိန် နဲ့ တချိန် မတူ ကြ သလို ပါပဲ လေ။ ဘာပဲ ပြော ပြော အဲဒီည မှာ Ruy တယောက် ချစ်သူ ဘ၀ က ပိုးခဲ့တဲ့ သီချင်း လေး ကို ပြန် တီး ပြရင်း သူတို့ ၂ ယောက် လုံး ရဲ့ နှလုံး သား တွေ ကို နောက်ဆုံး အနေ နဲ့ နွေး ထွေး စေခဲ့ တယ်။


ပွဲ သိမ်း မှာ ၊ အပြောင်အပျက် သီချင်း လေး တပုဒ် ကို ခပ် ကြမ်းကြမ်းလေး တီး ခတ် ရင်း အားလုံး လိုက် ဆို ကြ တော့ ၊ ရန်ကုန် မြို့ ရဲ့ မီးပျက် ည တွေ နဲ့ လွတ် သွား တဲ့ ကိုရီးယား ကား တွေ ကို သတိရ မိ တော့ တယ်။


မီးတွေ ပျက်ပြီ ဆိုရင်

အဖွား ရဲ့ ပွစိ ပွစိ တွေစပြီ 

ဒါ အစိုးရ ကြောင့် ပေါ့

အဖိုးကတော့ ဒါတွေဟာ နယ်ချဲ့ စနစ် ကြောင့်

OPEC ကြောင့် Free Trade ကြောင့် လို့ ပြောလိမ့်မယ် 




အချစ်ရယ်.. ငါ့ကို ဖယောင်းတိုင်လေးတွေ ကမ်းလိုက်စမ်းပါ

ငါတော့ တီဗွီ ဇာတ်လမ်းတွဲ လွတ် အုံးမယ် တခါ

ရေခဲသေတ္တာ လဲ ပိတ်ပေါ့. . . အရည်တွေ ပျော်အုံးမယ် တခါ

ငါ့ရဲ့ လျှပ်စစ် ဂစ်တာ ကြီးကို ဘာလုပ်ရ ပါ့

မီးတောက်ကလေးတွေ နဲ့ သာ ငါ က ချင်တော့တယ်

အချစ်ပုံပြင် တွေ နဲ့.. ငါ့ကို အလင်းပေးစမ်းပါ ကွာ

မီးတွေ ပြန်မလာခင် ဘလူးစ် သီချင်းသာ ဆိုပြပါတော့....



နောက်ဆုံးတော့ ၊ Caridad တို့သား အမိ တွေ ၊ ညမှောင် မှောင် ချောင်ရိပ် အောက်က ၊ လူ ခိုး သွင်း တဲ့ မော်တော်ဘုတ် လေး ပေါ် ကို ၊ စိုးရိမ် စိတ် မော တွယ် တက်ရင်း ၊ ဒီ ကျွန်း ကြီး နဲ့ ဒီခင်ပွန်း ကို နောက် ဆံ တွေ ငင် နေ ရှာ လေ မလား။ ရှေ့မှာ တွေ့ ရမဲ့ ၊ မရေ ရာ တဲ့ ဘ၀ အသစ် အတွက် ရော ရင်မော နေ မလား။ ဒီ ဇတ်ဝင် ခန်း လေး ထဲမှာ ၊ မိန်း မ နဲ့ကလေး တွေကို ၊ မော်တော်ပေါ် ပင့်တင့် ပေး နေတဲ့ Ruy ရင် ထဲ မှာ ရော ကြေကွဲ မူ တွေ ဘယ်လောက် ထိ ရောပြွန်း နေမလဲ ။



ဒါတွေဟာ ဘာ ကြောင့်လဲ ။ ကြပ်တည်း လွန်းတဲ့ စီးပွားရေး ကြောင့်လား ။ Ruy အိမ်ထောင့်တာဝန် မကျေပွန် လို့လား ။ အချစ်တွေ ကို ဘ၀ အမော တွေ က ညှင်းသတ် လိုက် လို့လား ။ အဖြေ အတိ အကျ မတွေ့ ရပါ။ ဒီ ရုပ် ရှင် မှာ တွေ့ ရ တာက ၊ ကိုယ့်လမ်း ကို လျှောက် နေ ကြတဲ့ လူ တွေ သာ။ ကိုယ် နေသာသလို ၊ ယုံ ကြည် သလို ၊ အခြေ အနေ ပေးသလို ၊ ရွေ့လျား နေ သော ဘ၀ များ သက်သက် သာ။ ဘာ moral မှ နမူနာမပေး ထား သလို ၊ ဘာ morale မှ လည်း သင်ခန်းစာ ချန် မထားခဲ့။ ဆို ဦး တော့ ဒီ ဇတ်လမ်း ထဲ မှာ ၊ မြင့်မြတ် တည်ကြည် ရိုးသား တဲ့ လူ ဆို တာ တောင်၊ တယောက် မှ မပါခဲ့။ လူသား ဆန်စွာ မိုက်မဲတဲ့ ၊ ဇွတ်တိုး တဲ့ ၊ ကိုယ့် အတ္တ ကို ရွေးတဲ့ ၊ လူစစ်စစ် တွေ ကိုသာ ပြ သွား ခဲ့ သည်။


ခုတော့ ၊ Tito လည်း ထုတ် လုပ်သူ အဖွဲ့ နဲ့ စပိန် ကို သွား ဖို့ ၊ လေယဉ် ကြီး ပေါ် ကို တက်သွား ပေ ပြီ။ တယောက် နဲ့ တယောက် သိပ် ချစ် ကြတဲ့ ၊ သူငယ် ချင်း ၂ ယောက် နှလုံးသား ရှိ ရာ ယာဖက် ရင်အုံ တွေကို ၊ လက်သီး ဆုတ် ခြင်း ထိ ခတ် လို့ ၊ တိတ် ဆိတ်စွာ အချက် ပြ လိုက် ရင်း ၊ ဘယ်တော့ များ မှ ပြန် ဆုံ ကြ တော့ မလဲ။ 


ဟားဗားနား ရဲ့..  ချိုင့်ခွက် အပြည့် နဲ့ လမ်း ပေါ် မှာ ၊ Ruy တယောက် တည်း ၊ သူ့ဂစ်တာ လေး ကို ကျောပိုး ရင်း စက်ဘီး လေး ကို စီး လာသည်။ အနားက ကပ် ဖြတ်သွား တဲ့ ချက်ဗလက် ကား နီ လေး ကို တွေ့ လိုက် မိ တော့ ၊ ရှေ့ မှာ Taxi ဆိုတဲ့ ဆိုင်းဘုတ် ကလေး နဲ့ ။ ဝေးသွားတဲ့ ကားနီ လေးကို လှည့် ကြည့် လှည့်ကြည့် လုပ်ရင်း ၊ တလိမ့်ခြင်း လိမ့်နေတဲ့ စက်ဘီး လေး နဲ့ အတူ Theme Song ဇာတ်သိမ်း သီချင်းလေး တပုဒ် မျောရွေ့ လာ သည်။ 



မဒရစ် မှာ နယူးယောက်မှာ ၊ ဟာဗားနား ဟာ နေရာတိုင်းမှာ

ဘာလို့ ဆို နင်နဲ့ အတူ ခေါ်သွားခဲ့လို့ ပေါ့

နင့်ရဲ့ ဇစ်မြစ်ကို တော့ ၊ ဘယ်တော့မှ ဖြတ်ပစ်လို့ မရ ။



ကုန်းမြေတိုင်းမှာ နယ်နိမိတ်တွေ ရှိတယ်

ဒါပေမယ့် ငါတို့ အားလုံးဟာ 

နေတစင်း နဲ့ လတမင်း ရဲ့ အလင်းရောင် နဲ့သာ ရှင်သန်နေကြတယ်

ငါလေ နင့်ကို နေ့တိုင်းရှင်သန်မူ ပေးတဲ့ 

သီချင်းတွေဆိုတဲ့ မနက်ခင်းလေးပဲ ဖြစ်ချင်တယ်။



လမ်းကြောင်းတွေက နင့်ကို တသီးတခြားခွဲ ထုပ်လိုက်တယ်

ဘာသာစကား နဲ့ အယူဝါဒ တွေရဲ့ 

အကျဉ်းသား အဖြစ် လျှို့ဝှက်ထားလိုက်တယ်

ဘယ်တော့မှ သူတို့ အကျဉ်းသား မဖြစ်စေနဲ့ 




နင် နွေးထွေးမူတွေ လိုအပ်တဲ့ အခါ 

ငါ - နင့်ရဲ့ အနွေးထည် ဖြစ်ပါ့မယ်

နင် ကြင်နာမူတွေ လိုအပ်တဲ့ အခါ 

ငါ - နင့်ရဲ့ အသိုက်အမြုံ လေး ဖြစ်ပါ့မယ်

နင် ဘယ်သွားသွား 

ငါဟာ အမြဲတမ်း နင်နဲ့ အတူ ရှိနေတယ်

ငါဟာ နင့်ရှေ့ မှာ

ငါဟာ နင့်ရှေ့ မှာ 



ဟားဗားနား ဟာ Ruy ရဲ့ ရှေ့ မှာ ရှိနေလေတယ်။ Tito ရဲ့ ရှေ့ မှာရော ။ Caridid ရဲ့ ရှေ့မှာရော ။ တကယ်တော့ အားလုံးရဲ့ ရှေ့ မှာ ကိုယ်ချစ်တဲ့ ကိုယ့်ဇာတိ နိုင်ငံ တွေ ရှိနှင့် နေခဲ့ ပြီ ကော။ 


ကေသွယ်

နှင်းဆီဖြူ ဂျာနယ် အတွဲ ၂ ၊ အမှတ် ၆ ၊ ဇွန်လ ၂၀၁၆


Share/Bookmark

လမ်းဆုံမှာ ဆင်းမိတဲ့ မပျော်ရွှင်ခြင်း






လူတွေက ပျော်စရာတွေ နောက် လိုက်တယ် . . . အဲဒီတော့လည်း ပျော်စရာ က ရှေ့က အမြန်ပြေးတော့ မပေါ့ . . . လို့ ကိုယ့် ဒဿန ကိုယ် သဘောကျရင်း ၊ နည်းနည်း တော့ စိတ်လက် ပေါ့ပါး လာသလိုပဲ ။ ဘစ်ကား ပြတင်းက မြင်နေရတဲ့ မြင်ကွင်းတွေ အပေါ် နိုးနုိုးကြားကြား ဖြစ်လာအောင် ၊ နေရာ နည်းနည်း ပြင်ထိုင်ကြည့် သည်။ အစိမ်းရောင် တွေ ကျဲပါး လာပြီး ၊ အပူရောင်တွေ သာ ၊ ထိုးထောင် နေတဲ့ ၊ ရန်ကုန် မြို့ ပြ ဟာ ၊ ဘယ်ရာသီ ရယ် . . . ဘယ်အချိန် ရယ် လို့ ခွဲခြားလို့ မရနိုင် အောင် အလျှံ ညီးညီး ရှိလှချည့် ။ 



ဖြတ်ကျော် ကျန် ခဲ့တဲ့ ၊ ကားအရောင်းပြခန်း အသစ် စက်စက်ကြီး တခု ရှေ့ မှာ ၊ အလံ ကြီး တွေ လူ နေလိုက်ပုံ က . . . ။ အလံ တွေ ဆိုရင် နိုင်ငံရေး ရဲ့ အငွေ့ အသက်တွေ ၊ သွေးညှီနံ့ တွေ ဝေ့၀ဲ နေခဲ့ဖူး တဲ့ မြန်မာပြည် မှာ ၊ ယမကာခိုးတွေ အသပြာ နံ့ တွေ စွဲကပ်နေတဲ့ အလံ တွေ လွင့်ပျံ့ လို့ လာ နေပြီ ပေါ့။ အားလုံး သော အကြောင်း ကိစ္စ တွေ ဟာ နိုင်ငံရေးနဲ့ သက်ဆိုင်တယ် ၊ နိင်ငံရေးမှာ မြစ်ဖျားခံ တယ်လို့ ပြောတတ် ကြတယ်ရော ။ နောက်တော့လည်း ၊ စီးပွားရေး ထဲမှာ စုံးစုံး မြုပ်ကုန်တာ ကို ကြ တော့ ရော ၊ မပြော ကြ တော့ ဘူးလား ။ အဲဒီတော့လည်း ၊ စီးပွားရေး ဆိုတာ လည်း နိုင်ငံရေးပဲ လို့ ပြောကြရ ဦး မှာပေါ့ ။ 



လမ်းတလျှောက်လုံး မြင်နေရတဲ့ နီနီ ပြာပြာ ဈေးဆိုင်ခန်းတွေ ကတော့ ၊ သေချာပါတယ်။ စီးပွားရေး မဟုတ်ရင် ဘာအရေး လဲ ။ ကိုယ့်ဆိုင် အမည် အမှတ်တံဆိပ်တောင် ၊ အရေးမပါ တော့ လောက်အောင် ၊ အရေးပါပါ ပြာနေ နီ နေကြ တဲ့ ၊ မြို့ ပြ ရဲ့ အိမ်တွင်း လုပ်ငန်းလေး တွေ ဟာ ၊ စပွန်ဆာ စီးပွားရေး ၊ ကြော်ငြာ စီးပွားရေး ၊ နီယုိုလစ်ဘရယ် စီးပွားရေး ရဲ့ အောက်မှာ ကိုယ်ပိုင် အရောင် အဆင်း ကင်းမဲ့ နေ လိုက် ကြပုံ ။ ဒဂုန်တာရာ ရဲ့ ဝေါဒစ္စနေ အပြာ ဆိုတာကို ၊ ဘယ်သူမှ အပြင်မှာ သေသေ ချာချာ မမြင်ဖူး ပေမဲ့ ၊ တယ်လီနော အပြာ နဲ့ အော်ရီဒူး အနီ ကို တော့ အားလုံး အသေအချာ သိ နေကြရတာပေါ့ လို့ ပြုံး မိ ပြန်တယ်။ ဟိုမှာ ကြည့် ဦး ။ လမ်းထောင့်က ယာဉ်ထိန်းရဲ စခန်း ရဲ့ နဖူးစီး မှာ တောင် ၊ တယ်လီနော လို့ ၊ ပြာပြာ လဲ့ နေ သေး ။



ဘတ်စ်ကားပြတင်း နောက်က ၊ အိုက်စပ်စပ် မနက်ခင်း ထဲကို ၊ လေပြေ တချက် တိုးလာ တုန်း ၊ ကားဟွန်းသံ တွေ ပွက်ပွက်ညံ သွား တယ်။ ယောက္ခမ ကား အလကား စီးနေတဲ့ ကောင်တွေ . . . မယားငယ် ဆီ အချိန်မီ မရောက်မှာ စိုးနေတာလေ ကွာ. . . ။ ဘစ်ကား ဆရာ နဲ့ စပယ်ယာ ရဲ့ ၊ အချီ အချ ဆဲဆိုသံက ၊ ပြုံးရခက် မဲ့ရခက် ။ နေ့တဓူဝ မိုးလင်းကနေ မိုးစုပ်စုပ်ချုပ်တဲ့ အထိ ၊ လောဘတွေ မောဟတွေ ကို အပြည့်အသိပ် ခေါက်ပြန် တင်ဆောင် အသက်မွေးနေရတဲ့ ကားသမား နှစ်ယောက်က ၊ သူတို့ ရဲ့ ဒေါသ တွေကို ပါးစပ်နီနီ ရဲရဲ ကြီးတွေက တဆင့် ၊ လမ်းပေါ်ကို ပျစ်ကနဲ ထွေးထုပ် လိုက်ကြပြန်တော့ ၊ ပခုံးတွေ အလိုလို ကျုံ့ ပြီး မျက်နှာ လွှဲ မိပေါ့ ။ အဲဒီလိုနဲ့ ဟောဒီ ကတ္တာရာလမ်း ကြီး တွေ ပေါ်မှာ ၊ ဥပက္ခာ တွေ နဲ့ ဘယ်လောက်တောင် ညိုညစ် စွန်းကွက် နေခဲ့ ကြ ပြီးပြီလဲ ။ 


ပျော်တချက် မပျော်တချက် အတွေးတွေ နဲ့ ဘယ်ကို ရောက်နေပြီ မှန်းတောင် မသိ ။ သမိုင်းလမ်းဆုံကို ကျော်လာခဲ့ပြီလား ။ လှည်းတန်း တောင် ရောက်ကာနီး ပြီလား ။ မှတ်တိုင် မှားဆင်းမိ တော့လည်း ဘာအရေးလဲကွယ် ။ မြို့ထဲထိ သွားမယ်မှန်းထားတဲ့ သူ့အတွက် ၊ ခရီးဆုံး မှတ်တိုင်ကို ရောက်ဖို့ အနည်းဆုံးတော့ နောက်ထပ် တနာရီ လောက် လိုအုံး မှာ သေချာသည်။ ဆင်ရေတွင်း လို့ တော့ အော်သံ ကြားလိုက်သည် ။ ဘယ်နေရာပဲ ဖြစ်ဖြစ် အားလုံးက အတူတူ လို ချည်းပဲ လေ ။ ညို မွဲမွဲ နောက်ခံ ရယ် ။ အပူငွေ့ တွေရယ် ။ အနီရောင်ရယ် ။ အပြာရောင်ရယ် ။ လူရုပ်ကြီးတွေ နဲ့ ကြော်ငြာ ဆိုင်းဘုတ်တွေရယ် ။ ဈေးဆိုင်တွေ ပြည့်ကျပ် နေတဲ့ မျက်နှာစာ တွေရယ် ၊ လူတွေ တိုးခွေ့ နေတဲ့ ပလက်ဖောင်းတွေရယ် ။ ကားတန်းရှည်ကြီးတွေရယ် ။ ကားဟွန်းသံ တွေရယ် ။ ကားတွေကြားမှာ လက်ပွေ့ ဈေး လိုက် ရောင်းသူ တွေ ရယ် ။ 


ဘစ်ကားက ၊ ရှေ့မှာ ပိတ်နှင့် နေတဲ့ ကားတန်းရှည်ကြီး ရဲ့ နောက်မှာ အရှိန်သပ် သွား တာနဲ့ ၊ ဂျာနယ်တွေ တပွေ့ ကြီး နဲ့ ၊ ကလေး တယောက် ကားပြတင်း နား ရောက်လာ သည်။ အလွန်ဆုံး ရှိလှ ၊ ၁၂ နှစ် ၁၃ နှစ်ပေါ့ ။ အဖြူ အစိမ်း ၀တ်ထားရမဲ့ ၊ ကျောင်းသား အရွယ်လေး ။ သနပ်ခါး တွေ ပိန်းနေတဲ့ ပါးနှစ်ဖက် ကြားထဲက အပြုံးလေးက သူ့ ခေါင်းပေါ် ကို တဲ့တဲ့ ထိုးကျ နေတဲ့ နေရောင် စူးစူး နဲ့ မသက်ဆိုင်လှ စွာပဲ ကြည်စင်နေ သည်။ ဂျာနယ်တွေထဲက စိတ်ဝင်စားစရာ သတင်း အထိုအထွာတွေကို ရွှင်ရွှင်မြူးမြူး အော်ဟစ် နေသေး ။ ပျော်ရွှင်ခြင်း ဟာ ၊ ရာသီဥတု နဲ့ မဆိုင် ဘူးလား ။ ပျော်ရွှင်ခြင်းဟာ အလုပ် လား ။ ပျော်ရွှင်ခြင်းဟာ ငွေလား ။ ပျော်ရွှင်ခြင်းဟာ ဆင်းရဲ ချမ်းသာ ပုံစံ ကွာခြားသလား ။ပျော်ရွှင်ခြင်း ဆိုတာ အရွယ် အပိုင်းအခြား ပေါ်မှာ မူတည်တာလား ။ 


ဘ၀ ရပ်တည်မူ ခက်ခဲ ပင်ပန်း ပေမဲ့ ၊ စိတ်ညစ်နေဟန် မတူ တဲ့ ၊ လက်ပွေ့ သမားလေး ရဲ့ ပကတိ မျက်နှာလေး ကို ၊ ပြဒါးတိုင်လေး တခုလို ပျော်ရွှင်ခြင်း နဲ့ မပျော်ရွှင်ခြင်း တွေ ကြားထဲ တလှည့်စီ နှစ်ကြည့် မိတယ်။ မိတ်ဆွေ အမျိုးသမီး တယောက်ကတော့ ၊ စိတ်ညစ် လာရင် ၊ ဈေးပတ် သည် တဲ့ ။ ရီတေးလ် သရပီ လို့ တောင် ရှိတယ် မဟုတ်လား။ တချို့ ကတော့ အရက်သောက် ချင် သောက်မည် ပေါ့ ။ ဂီတာတီး ချင် တီးမည်ပေါ့ ။ သီချင်းအော်ဆိုချင် ဆိုမည်ပေါ့ ။ ဒီလိုဆို ကာရာအိုကေ ခဏခဏ သွားတတ်တဲ့ ၊ သူငယ်ချင်း တယောက် ဟာ ၊ မပျော်ရွှင်မူတွေကို ပျော်ရွှင်စွာ မသိကျိုးကျွံ ပြု နိုင်တဲ့ သူပဲ ဖြစ်ရမယ် ။ ဘူတန် နိုင်ငံ ဟာ ၊ ပျော်ရွှင်မူ ကို ကိန်းဂဏန်း တွေ နဲ့ တိုင်းဖို့ ကြိုးစားတယ်။ တကယ်ဆို သူ့ နဲ့ ဆန့်ကျင်ဖက် မပျော်ရွှင်မူ ရဲ့ ကိန်းဂဏန်း တွေက ရှိပြီးသားပဲ ။ စိတ်ကျခုခံဆေး ထုပ်လုပ်မူ တန်ဖိုး တွေဟာ ကမ္ဘာလုံးဆိုင်ရာ မပျော်ရွှင်မူ တန်ဖိုး တွေပဲ မဟုတ်လား ။


သူ့ အတွက်တော့ မပျော်အတ္တတွေ ပြိုဆင်းလာတိုင်း ၊ ကြီးကြီးကျယ်ကျယ် စာအုပ်ကြီးတွေ လျှောက်လှန်ပြီး ဖတ်ပြစ်လိုက်တာပဲ ။ တီဗွီရှေ့ သွားထိုင်ပြီး ၊ ကမ္ဘာ့သတင်းတွေ ဘာတွေ ထိုင်ကြည့် ပြစ်လိုက်တာပဲ ။ “ကိုယ်” ဆိုတဲ့ အတ္တကြီး ၊ ခဏလောက် ဖြစ်ဖြစ် သေးကွေး အားနည်း သွားတဲ့ အထိ ၊ ကိုယ့် ထက် ကြီးကျယ်တဲ့ အရာတွေ ကို ပခုံးပေါ်က ကျော် ကြည့် ပြစ် လိုက်သည်။ အင်တာနက် နဲ့ လူမူကွန်ယက် တွေ ပေါ်လာတာ လည်း ၊ တခါတလေ တော့ ၊ ထွက်ပေါက် ဖြစ်သားပင် ။ အဲ - ကံဆိုးလို့ ၊ ကမ္ဘာ့ အပျော်ရွှင်ဆုံး သူငယ်ချင်းတွေ ရဲ့ ဓါတ်ပုံ တွေ ကြားထဲ မှာ ၊ ထွက်ပေါက်ပိတ်မိ သွားရင်တော့ ၊ တွေ့ တဲ့ နေရာက သာ ၊ ခုန် ချ လိုက်ပေတော့ ။



ကားပြတင်းဘောင်ကနေ ကျော်ပြီး မြင်နေရတဲ့ ဂျာနယ် တစောင်ရဲ့ မျက်နှာဖုံးမှာ ပန်းတွေ ဝေေ၀ဆာဆာ နဲ့ ၊ ကြည်လင် ၀င်းပ စွာ ပြုံးနေတဲ့ အမျိုးသမီးကြီး ။ ရှေ့တခုံကျော်က လူကြီးတယောက်က ၊ အမျိုးသမီးကြီး ပုံနဲ့ ဂျာနယ်ကို လှမ်းဝယ်ပြီး အကျအန ဖတ်နေလေသည်။ ပိတ်ကြပ် မွန်းအိုက်နေတဲ့ ပတ်ဝန်းကျင်ကြီးကို ခဏမေ့ ပြီး ၊ သာယာဝပြောတဲ့ လူ့ဘောင်ကြီးဆီ ရောက်နေလောက်ပြီပေါ့ ။ ဘာပဲပြောပြော ဒီအမျိုးသမီးကြီး ဟာ စိတ်ခွန်အားကို အထူးအခြား ပေးစွမ်းနိုင်တုန်းပဲ ။ စိတ်ခွန်အား ပေးနိုင်တဲ့သူ တွေကို အင်မတန် နှစ်လို အားကျလှပေမဲ့ ၊ ကိုယ်တိုင်ကတော့ အပြုံးတစုံလောက်ကိုပင် ၊ ဘုရားသခင် ဆီမှာ ခဲခဲယဉ်ယဉ်း ဆုတောင်းနေရသည်။ နေပါအုံး ။ အပြုံး နဲ့ ပျော်ရွှင်ခြင်းက ၊ တိုက်ရိုက် အချိုးကျ တယ်လို့ ဆို နိုင်ပါ့မလား ။ ဒီအမျိုးသမီးကြီး ကရော ၊ သူမ ပြုံးပြ နေသလောက် ၊ တကယ် ပျော်ရွှင် နေ မှာတဲ့ လား ။ သူမ ရဲ့ အနာဂါတ်ကြီး တခုလုံး မြူတွေ အုံ့ ဆိုင်း နေခဲ့ တုန်း ကတော့ ၊ အတိတ်က ပျော်ရွှင်ကြည်နူး စရာ တွေ နဲ့ ဖြေဖျောက်နေထိုင် ခဲ့ တယ်လို့ ပြောတာ ကို ဖတ်ဖူးသည်။ 



လူ အတော်များများမှာတော့ တယုတယ သိမ်းဆည်းထားတဲ့ ပျော်စရာ နေ့ရက်တွေ ရှိခဲ့ ကြမှာပါ ။ သူ့မှာလည်း ရှိခဲ့ တာပဲ မဟုတ်လား. . . ။ အဲဒီ အမျိုးသမီးကြီး လောက် ၊ ဘ၀ အမှောင်တွေကို ထိုးခွင်း နိုင်ဖို့ ၊ အတိတ် အလင်းရောင် တွေ လုံလုံလောက်လောက် မရှိ ခဲ့ ရင်တောင်မှ ၊ အနည်းဆုံးတော့ အခုန လက်ပွေ့ ကောင်လေးလို ၊ အရာရာကို မေ့ထား နိုင် ခဲ့ ဖူးသည်လေ။


နောက်မှာ ကျန်ခဲ့တဲ့ ၊ မြို့လေး တမြို့ ကို ၊ သတိမရမိ ။ ရှေ့ ဆက်ရမဲ့ ၊ ကမ္ဘာလောက ကြီး အကြောင်း ကြိုမတွေးမိ ။ ရောက်နေတဲ့ ရန်ကုန်မြို့ ကြီး အကြောင်းလဲ မသိ တသိ ။ လက်ဖက်ရည်ဆိုင် နေ့တိုင်း မထိုင်နိုင် လည်း ၊ ပျော်စရာတွေ သောက်သုံး ဖို့ ၊ လုံလောက် ကြ သည် ။ သီချင်း တစ်ခွေ ကိုယ်ပိုင် မ၀ယ်နိုင်လည်း ၊ ကြည်နူးစရာ သီချင်းသံ တွေက ၊ ညတိုင်း လေထဲမှာ ပျံ့လွင့် နေခဲ့သည်။ အပူ အပင် ကင်းတဲ့ ကလေးဘ၀ မဟုတ်တော့ ပေမဲ့ လို့ ၊ အပျော် အပြုံး နဲ့ ရယ်မောသံ တွေ ဖုံးလွှမ်းနေခဲ့တဲ့ တက္ကသိုလ် ကျောင်းသူ ဘ၀ ဟာ ၊ ပျော်ရွှင်မူ ပြဒါးတိုင် ရဲ့ ၊ အမြင့်ဆုံး အမှတ် ရောက်ခဲ့ တဲ့ အချိန်တွေ ပဲ ပေါ့ ။ အဲဒီတုန်းက ဆို ၊ အခုလို ဘစ်ကား ကြီး တစီးပေါ် က နေ မြင်နေရ တဲ့ ၊ ရန်ကုန်မြို့ ကြီး ဟာ ၊ မျှော်လင့်ချက် တွေ နဲ့ အရောင်အသွေးတွေ ရွှန်းစို နေ ခဲ့တာ ကို အသေအချာ မှတ်မိ နေသည်။ လှည်းတန်း နဲ့ ကျောင်းဝင်း ကြီး ဟာ လည်း ၊ မြင်ဖူးသမျှ နေရာ တွေ ထဲမှာ ပျော်စရာ အကောင်းဆုံး နဲ့ နေချင်စရာ အကောင်းဆုံး နေရာ တွေ လို့ သာ ထင်ခဲ့သည်။


သူ့ နားထဲ ကို ရယ်သံ လေး တခု ၀င်လာသည် ။ အတိတ်က ရယ်သံ မဟုတ် ။ လောလောလတ်လတ် ပစ္စုပ္ဗန် ရဲ့ အသံ ။သူ့ဘေး မှာ ကပ်ထိုင်နေတဲ့ ကလေးမ လေး ဟာ ၊ လက်ဝါး ပေါ်မှာ တင်ထားတဲ့ ဖုန်းကလေးကို လက်မလေး နဲ့ အထက်အောက် ပွတ်ရင်း ၊ ဆံပင်ရှည်လေးတွေ ဆင်းအုပ်ကျလာတဲ့ အထိ ၊ တခိခိ ရယ် နေတုန်း ။ သူတို့ ခေတ်ရဲ့ လူငယ်ဘာဝ ရယ်မော ပျော်ရွှင် စရာ တွေက ၊ ခေါင်းငုံ့ ပြီး ရှာ ကြ ရတယ်လား ။ သူတို့တွေ တုန်းကတော့ ခေါင်းတွေ မော့ ပြီး ကောင်းကင်ကြီးကို ကြည့် ပျော်ခဲ့ ကြတာ လေ ။ လှည်းတန်း သမား တွေ ဆင်းချင်ရင် ဆင်းလို့ ရ ပြီ ဆိုတဲ့ ၊ ကားစပယ်ယာ ရဲ့ အသံ ကြောင့် ၊ ကောင်မလေး က ၊ ပေါင်ပေါ် တင်ထားတဲ့ ကျောပိုးအိတ်ကလေး ထဲ ၊ သူ့ ဖုံး လေး ထိုးထဲ့ ပြီး ၊ ထ ဖို့ ပြင်သည် ။ ပိန်ပိန် ပါးပါး ကလေးမလေး ရဲ့ ၀တ်စားဆင်ယင်ပုံ လေးဟာ လှည်းတန်းမှာ ဆင်းမယ့် တက္ကသိုလ်ကျောင်းသူလေး လား ၊ အပြင်ဆောင်နေ တဲ့ ၊ နယ်က ကောင်မလေးလား ။ အမြန်လေး ဆင်းထားမယ် တဲ့ ။ စပယ်ယာ အသံ ကြားတော့ ၊ ကောင်မလေး ရဲ့ ခြေထောက် နောက်မှာ ၊ သူ့ ခြေထောက်တွေ လည်း ၊ ပလက်ဖောင်း ပေါ် ရောက်ပြီး နေပြီ ။ သူ လှည်းတန်း မှာ ဆင်း မိ လိုက်ပြီ ။


အခုတိုင်းပဲ ၊ မီးပွိုင့် က နီလား . . . စိမ်းလား မသိ ၊ ကားမှတ်တိုင် ဘယ်နားမှန်း မသိ ပေမဲ့ ၊ ရှေ့ က ကားတန်းရှည် ကြီးက မရွေ့ တော့ ဘူး ဆို ၊ အဆင်ပြေတဲ့ နေရာ ဆင်းလိုက် ကြ သည်ပဲ ။ လွန်ခဲ့တဲ့ အနှစ် အစိတ်လောက်က မီးပွိုင့် ပိတ်နေတဲ့ ကားတန်းရှည်ကြီး ဟာ၊ အခုထိ ကို ၊ မထွက်နိုင်သေး ဘူးတဲ့လား ။ လမ်းပေါ်မှာ သွား နေတဲ့ လှည်းတန်း က လည်း ၊ အရင်အတိုင်း ၊ သက်တောင့် သက်သာ ခြေလှမ်း တွေ နဲ့ … အေးအေး လူလူ အပြုံးတွေ နဲ့ ။ လှည်းတန်း ဟာ ၊ အခုန ကောင်မလေး လိုပဲ ၊ ခေတ်ပေါ် အသုံးအဆောင် တွေ နဲ့ ၊ ၀တ်စား ဆင်ပြင် ထား ပေမဲ့လို့ ၊ အရိုးခံ မျက်နှာပေါ် မှာ ၊ သနပ်ခါး ပါးပါးလေး ရှိနေတုန်း။ လှည်းတန်း ဟာ ၊ တကယ်တော့ ကမာရွတ် ရွာလေး ကနေ ၊ အသွင်ပြောင်း လာတဲ့ ၊ ခပ်ရိုးရိုး ကောင်မလေး တယောက် ပဲလေ ။ အရိုးခံ ပလက်ဖောင်းတွေ ပေါ် က ၊ ထူးခြားတဲ့ နေ့စဉ် ဘ၀ တွေ ကိုက၊ လှည်းတန်း ရဲ့ သီးသန့် အလှ ။


သူလည်းပဲ ဒီ ပလက်ဖောင်း တွေပေါ် မှာ ၊ ငှက်ကလေးတွေ အပျံသင်သလို ၊ လောက ကောင်းကင်ကြီးထဲ တယောက်တည်း စ လှမ်းရသည် ။ အဆောင်ကို လိုက်ပို့ တဲ့ ဖေဖေ က ၊ ရှမ်းတောင်တန်း မှာ ခေါက်ဆွဲ တပွဲ ၀ယ်ကျွေး ပြီး ၊ သူ့ကို ဒီ ပလက်ဖောင်းပေါ် တွေ ကနေ ၊ ဘက်စ်ကား စီးနည်း သင်ပေးခဲ့သည် ။ ဒီ ပလက်ဖောင်းတွေ ပေါ် မှာပဲ ၊ လမ်းဘေးမှာ ချရောင်းနေတဲ့ စာအုပ် အဟောင်းလေး တအုပ်ကို ၀ယ်ဖို့ ချိတုံ ချ တုံ ဖြစ်နေတဲ့ အလား ၊ ကျေနပ် ပျော်ရွှင်ခြင်းတွေ ကို ၊ မသေ မချာ စ ရှာတွေ့ ခဲ့ သည်။ ပြီးတော့လည်း ဒီ ပလက်ဖောင်း ပေါ် မှာပဲ ၊ ဆုရ ထားတဲ့ ပက်ကား ဖောင်တိန်လေး ပြုတ်ကျ ကျန်ခဲ့ သလို မျိုး ၊ ဘ၀ ရဲ့ အမြတ်နိုး ဆုံး ပျော်ရွှင်မူ တွေ ကို ၊ ထားရစ် ခဲ့ ရလေသည်။ 


တကယ်တော့ ဒီပလက်ဖောင်း တွေ ပေါ်မှာ ၊ အဲ့ဒီလို အမြို့ မြို့ အနယ်နယ်က ရောက်လာတဲ့ အပျံသင် ငှက်ကလေးတွေ ခိုနားလိုက် ၊ ပျံသွားလိုက် နဲ့ ရှိနေခဲ့တာ ၊ ဟောဟို တဖက်ကမ်းက ၊ ရန်ကုန်တက္ကသိုလ် ကျောင်းတော် ကြီး ရဲ့ သက်တမ်း နဲ့ အမျှ လို့ ပဲ ပြောရ မည်ပေါ့ ။ ကျောင်းဝင်းကြီး ထဲက ကံ့ကော်ပင်တန်းတွေ ရဲ့ နောက်မှာ အိပ်တန်းတက်ကြ တဲ့ ငှက်ကလေးတွေဟာ ၊ မိုးလင်းပြီ ဆိုတာနဲ့ ၊ အဲဒီ ပလက်ဖောင်းတွေ ပေါ် ကို ရောက်လာ တတ်ကြ ပြီ ။ ကျောင်းဝင်း ကြီး နဲ့ ပလက်ဖောင်း တွေ ကြား ၊ လူးလာ ခေါက်တုန့် ရင်း ၊အချိန်တန် ကျောင်းတွေ ပြီး ၊ ပညာတွေ စုံ တော့ ၊ အဝေးကြီးကို ပျံ ရ ပြန်ပေါ့ ။ တချို့ မပျံ ချင်သေး တဲ့ ငှက်ကလေး တွေ က လည်း ၊ ဒီ နား မှာပဲ တ၀ဲလည် လည် နဲ့ ၊ ခတ္တခဏ ခိုနားဖို့ အသိုက်တွေ ရှာ ကြ ။



သူ့ ရဲ့ ပျော်ရွှင် လွတ်လပ်တဲ့ ကျောင်းသူ ဘ၀ က ၊ လျင် လျင် မြန်မြန် ကုန်ဆုံး ခဲ့သည် ။ အိပ်ယာလိပ် နဲ့ သေတ္တာကို ဆွဲ ပြီး ၊ ကျောင်းဝင်းကြီးထဲကနေ ဒရွတ်တိုက်ပြီး ထွက်လာ ကြတဲ့ ၊ သူတို့ တွေကို ၊ ခက်ခဲ ကျဉ်းမြောင်းတဲ့ ရန်ကုန်မြို့ ကြီးက ၊ အဲဒီ ပလက်ဖောင်းတွေ ပေါ်ကနေ အသင့် စောင့်ကြို နေခဲ့သည်။ တကယ့် တကယ် ကျ တော့လည်း ၊ ရင်းနှီး ခင်မင် ခဲ့တဲ့ ၊ ဒီ ပလက်ဖောင်းတွေ ဟာ ၊ ထင်ထားသလောက်တော့၊ အဆင်ပြေ မညက်ညော ခဲ့ပါ ချေ ။ ရန်ကုန်မြို့ ကြီးကလည်း ၊ မျှော်လင့် ထား သလောက် ၊ လွယ်ကူ မရက်ရော ခဲ့ပါပေ ။ သူ့ အ တွက်တော့ ၊ ရန်ကုန်တက္ကသိုလ် အင်းလျားဆောင်ကြီးပေါ်က သာတောင့် သာယာ နှစ်ယောက်ခန်း ကလေး ကနေပြီး ၊ မီးပိတ် လိုက်ရင် ၊ ကြွက်ကလေးတွေက ထုပ်တန်းပေါ်ကနေ တန်းစီပြီး ငုံ့ကြည့်နေတတ်တဲ့ ၊ တံခါးတချပ်စာ အခန်းလေး ရ ဖို့ ၊ လှည်းတန်း တ၀ိုက် ၊ ခြေတိုအောင် ရှာခဲ့ ရ သည်။



အဲဒီ တုန်းက ၊ ထွန်းလင်း ရိပ်သာ လမ်း ဆိုတာ ၊ အေးအေး ချမ်းချမ်း အိမ်ကလေး တွေ နဲ့ ၊ လှည်းတန်းဈေးကို ပေါက်တဲ့ ဖြတ်လမ်းကလေး တခု သာ ။ အခုတော့ လမ်းမကြီး နှစ်ခု ပေါ်က ၊ တင်းကျပ် မောက်လျှံ လာ တဲ့ နေလိုအား တွေကို ဖောက်ချ လိုက်သလို မျိုး ၊ လမ်းကျဉ်းလေးထဲမှာ ဘ၀ တွေ ဒလဟော စီးဝင် နေတော့သည်။ 

ပလက်ဖောင်း မရှိတဲ့ လမ်းကလေး ထဲမှာ ၊ တယောက် နဲ့ တယောက် နင်းမိ မတတ် ၊ ခိုက်မိ မတတ် ၊ ရှောင်ရှား သွားလာနေကြ တဲ့ ၊ အဲဒီ လူငယ် လူရွယ်တွေ ကိုရော ၊ ရန်ကုန်မြို့ ကြီးက ဘယ်လောက်ထိ ရက်ရော ထားလေသလဲ ။ 



လမ်းထောင့်က ဆိုင်မှာ ဖုန်းကဒ် ၀ယ်နေတဲ့ ကောင်ကလေးဟာ၊ ဒီနေ့ လည်စာကို စားဖြစ်ချင်မှ စားဖြစ်လိမ့် မည် ။ ဂျော်ဒါးနိုး ဆိုင်ရှေ့ မှာ ရပ်နေတဲ့ ကောင်မလေး ရဲ့ ရွှေရောင် ဆံပင် အလိပ်အလိပ်လေးတွေ ဟာလည်း ၊ အဲဒီ ဆိုင်ထဲက အရောင်းစာရေးမလေး တယောက်ရဲ့ တလစာ လုပ်ခငွေ ထက်တော့ နည်းလိမ့်မည် မထင်။ ဈေးဖက်က လျှောက်လာတဲ့ ၊ ကုမ္မဏီ ယူနီဖောင်း နဲ့ မိန်းကလေး တယောက် ရဲ့ ၊ လက်ထဲမှာ ကြွပ်ကြွပ် အိတ် နဲ့ အပြည့် ဟင်းချက်စရာတွေ ၀ယ်လာတာ မြင်တော့ ၊ အပြင်ဆောင် တုန်းက သူငယ်ချင်း တယောက်ကို သတိရ သည်။ မုန်လာဥနီ တွေ ၀ယ်ပြီး ပြန်လာတဲ့ သူငယ်ချင်းကို ၊ အိမ်ပိုင်ရှင် အန်တီကြီးက ၊ ဟင်းခိုးချက်မယ် ထင်ပြီး အလစ်ဖမ်း ဖို့ ဆင်းလာတဲ့ အချိန်မှာ ၊ တောင်ကြီးသူ သူငယ်ချင်းက ၊ အနီရောင် မုန်လာဥ တွေကို အစိမ်းလိုက် တဂျွတ် ဂျွတ် နဲ့ အားရပါးရ ကိုက်စား နေ ခဲ့ တာ လေ။ မိုးပေါ် မော့ ပြီး ၊ တချက် ပြုံး မိသည်။


တိုက်နံရံတွေ ဆီက ပဲ့တင်ပြန်လာနေတဲ့ ခြေသံ စကားသံ ရယ်မောသံ တွေ ကြားထဲမှာ ၊ ဘယ်သူ က မှ လည်း ပျောက်နေတဲ့ ကောင်းကင်ကြီးကို ၊ တခုတ်တရ မော့ မရှာ ကြ တော့ ပေ ။ ကောင်းကင်ကြီးကလည်း ၊ မြေကြီးပေါ်က လူတွေဆီက ထွက်လာတဲ့ အမျိုးမျိုးသော အခိုးအငွေ့ တွေ နဲ့ ဝေးရာမှာသာ နေချင် ပေ လိမ့် မည်။ မြေကြီး မှာသာ ၊ ရွေးချယ်စရာ မရှိ ။ လူတွေ ဆီက စွန့်ပစ် တဲ့ အညစ်အကြေး မှန်သမျှ ကို ကြံကြံ ခံ ရင်း ၊ ကျောချင်း ပေး ထား ရ ရှာ သည်။ ကောင်းကင် နဲ့ မြေကြီးကို မထီမဲ့ မြင် ပြုနေကြ တဲ့ လူ တွေ က တော့ ၊ ဟောဟိုမှာ ၊ လမ်းတွေကိုတောင် မိုးပေါ် ထောင်ပြီး ၊ အကျိုးစီးပွား တွေကို ၊ အတင်းထိုးသိပ် မောင်းနှင် နေကြတော့ တာ။ 


လှည်းတန်း ခုံးကျော်ကြီး ကို ကြည့်ရင်း ၊ သူ့ရင်ထဲက မပျော်ရွှင်မူတွေ ခုံးခုံး ထ လာ ပြန် သည်။ ဒေါသ တွေ အဖြစ် အငွေ့ ပျံ သွား နိုင်ဖို့ ၊ ပါးစပ်ကနေ တခုခုကို ၊ ရွတ်ဆို ကျိန်ဆဲ ပြစ်လိုက်သည်။ ကြည့်ဦးလေ ။ အရင်တုန်းက သိမ်သိမ်မွေ့ မွေ့ စီးဆင်း နေခဲ့ တဲ့ ၊ လမ်းငါးဆုံ ဟာ ၊ ခုတော့ တွန့်လိမ် ကောက်ကွေး လို့ ။ ဘာမှ ပိုပြီး ထူးခြားသွား သည် လည်း မဟုတ် ။ လမ်းလျှောက် ဖို့ ၊ ပိုပြီး ခက်ခဲ လာတဲ့ ၊ ပလက်ဖောင်း တွေပေါ်ကနေ ၊ လမ်းဖြတ် ဖို့ ၊ ပိုပြီး အန္တရယ် များ လာတဲ့ ၊ လမ်းမကြီးတွေ ဆီ ၊ လူတွေ အလုအယက် ကူးဖြတ် နေကြရသည်။ ကားတွေက ၊ တကျွီကျွီ တပွမ်ပွမ် ။ တက်စီ သမားတွေက ၊ လမ်းမပေါ်မှာ ခပ်တင်းတင်းရပ်ပြီး ၊ မျက်စ ပြစ် သည်။


သူ့ မှတ်ညဏ် တွေကို ပြန်စီ ကြည့် သည်။ ဟောဟို နေရာ တွေ မှာ ၊ ဂိုးရှိုး ။ ၀င်းဆံသ ။ နွားဖြူဖိနပ်ဆိုင် ။ ရှမ်းတောင်တန်း ။ ရွှေဝါဖူး ဓါတ်ပုံတိုက် ။ ရတနာထွန်း စာပေ ။ ပလက်ဖောင်းတွေ ပေါ် လမ်းလျှောက်ရင်း ၊ ဟိုငေး ဒီငေး ။ လက်နှိပ်စက် စာရေး အိုအိုကြီးတွေ က ၊ လမ်းဘေးမှာ ခုံလေးတွေ ချပြီး တဂျောက်ဂျောက် နဲ့ စာတွေ ရိုက် လို့ ။ လမ်းတဖက် ကို ကူးလိုက်ရင် ၊ သူတို့ ကျောင်းသူ တွေ အတွက် ၊ လိုအပ်တာတွေ အကုန် ရ နိုင်တဲ့ ၊ လှည်းတန်းဈေးကြီး ရှိသည်။ အခုတော့ တ၀န်း တကွေ့ လုံး ၊ ထူပြစ်ပြစ် အစိမ်းရောင် မှန် ကြီးတွေ က ၊ အပြည့် နေရာယူ ထား ပြီ ။ ဘာမှ ၊ ဟုတ်တိ ပတ်တိ မရှိခဲ့တဲ့ လှည်းတန်း ထိပ်က ၊ စန်တာ အ၀ိုင်း ကြီးရဲ့ ထိပ်မှာတော့ Chevrolet ဆိုတဲ့ စာလုံးကြီး ကို လှမ်းမြင်ရသည်။ ဟုတ်ပါတယ်လေ ။ ဒီနေရာ ဟာ ၊ ကားအရောင်းပြခန်း တခု လုပ်ဖို့သာ အသင့်ဆုံး ပဲ မဟုတ်လား ။ ဒီ ပလက်ဖောင်း တွေဟာ၊ ဘယ်လောက်ပဲ ခြေလျင် ဖိနပ်တွေ နဲ့ ၊ ထိုးသိပ် ကြပ်ညပ် နေပါစေ . . . ကိုယ်ပိုင်ကား တွေ ၊ ရောင်းလို့ ချ လို့ ထွက်လို့ ပြုလို့ အဆင်ပြေ ဖို့ သာ ၊ အရေးကြီး ဆုံး ပဲ မဟုတ်လား ။


သူ မထွက်လာခင်တုန်းက အ၀ိုင်းကြီးရဲ့ လှေကားရင်းမှာ ၊ စာအုပ်ဆိုင် ခပ်သေးသေးလေး တခု ရှိသေး သည် ။ အခုဆို ဘယ်ရှိလောက် တော့ မလဲ ။ မြို့ထဲက စာအုပ်ဆိုင်ကြီးတွေ တောင် ၊ ပိတ်ကုန်ပြီ ဆိုတော့ ၊ လမ်းဆုံ လမ်းခွ က စာအုပ်ဆိုင်ပိစိလေး တွေ အတွက် နေရာမရှိ နိုင်တော့။ သင်တန်း ဆိုင်းဘုဒ် တွေ ပြည့်နှက် နေတဲ့ ၊ တိုက်တန်းလျားကြီး ရဲ့ အောက်မှာတော့ ၊ စာအုပ်ဆိုင် လိုလိုတခု ။ မျက်နှာစာမှာ ကျောင်းသုံး စာအုပ်လိုမျိုးတွေ ၊ စံဇာဏီဘို ဟောစာတမ်း တွေ ခင်းကျင်း ထားတဲ့ ဆိုင်ခန်းကျဉ်းလေး ထဲ မှာ ၊ တောက်တောက်ပြောင်ပြောင် မဂ္ဂဇင်းတချို့ နှင့် စာအုပ်နည်းနည်းပါးပါး တော့ ရှိသည်။ သူ့ ရဲ့ ပထမ ဆုံး ဒိုင်ယာရီ စာအုပ်ကလေး ၀ယ် ခဲ့ တဲ့ ၊ D-Mate ဆိုင်လေး လည်း ၊ နဂို အတိုင်း ရှိနေသေးသည် ။ ခေတ်အလိုက် ရောင်းတဲ့ ပစ္စည်းတွေပဲ ပြောင်း နေပြီလား ။ များပြားလှတဲ့ လက်ကုိုင်ဖုန်း ဆိုင်အသစ် တွေ ရဲ့ ကြားထဲမှာ ၊ ဒီ စာရေးကိရိယာ ဆိုင်လေး ဘယ်လို ရပ်တည်နေသည်လဲ ။ ဂျင်းဘောင်းဘီ အိတ်ထဲက ၊ အိုင်ဖုန်း ကို အလိုလို စမ်းမိ သွားသည်။ စိတ်ကူးယဉ် တွေကို ၊ ဒိုင်ယာရီ ထဲ ချ ရေး တတ် ခဲ့ တဲ့ ၊ ပါတိတ်ဝမ်းဆက် နဲ့ မိန်းကလေး တယောက် သည်ပင် ၊ ပိုပြီး သက်သောင့် သက်သာ ရှိ တဲ့ ၊ ဂျင်းဘောင်းဘီ တထည် နဲ့ ၊ သိချင်သမျှ လိုအပ်သမျှ ကို ၊ အိုင်ဖုန်း ထဲမှာပဲ ရှာဖွေ သိမ်းဆည်း နေတတ် ပြီ ဆိုတော့လည်း ၊ အင်းလေ . . . လှည်းတန်း ဟာ အနည်းဆုံးတော့ အတွင်းစိတ် မှာ ၊ ပြောင်းလဲခဲ့ ပြီပေါ့ ။ ဒါဆိုရင် ဟိုး တဖက်ကမ်းမှာ ရှိတဲ့ ဒိုင်ယာရီ စာအုပ်ထဲက ကံကော်ရွာလေး ကရော ။ 


အခုတော့ ကံ့ကော်ရွာလေး နဲ့ ကမာရွတ် ရွာလေး ကြားထဲမှာ ၊ တဖက်ကမ်း နဲ့ တဖက်ကမ်း လှမ်းမျှော်ကြည့်လို့ မ ရတော့ အောင် ၊ မြင်ကွင်းတွေ ကျဉ်းမြောင်း သွားခဲ့ ပြီ ။ ဒီရွာလေး နှစ်ရွာ ကို ဆက်သွယ် ထားခဲ့တဲ့ လမ်းမကြီး နှစ်ခု ကလည်း ၊ အခြေခြင်း ခြား သထက် ခြားလေပြီ ။


အလယ် ကြက် လျှာစွန်းလေး ပေါ်က ဖြတ်လျှောက် ရင်း ၊ ပြည်လမ်းမ ကြီး ဟာ၊ ပိုပြီး ကုနြေ္ဒ ကြီးလာတာ လား . . . ပိုပြီး များ ဥပက္ခာ ပြုသွားသည် လား ။ ဒီဖက်မှာ ကျန်ခဲ့ တဲ့ အင်းစိန်လမ်းမ ကြီး ကတော့ ၊ ရုန်းကန် မောပမ်း လျက်သာ။ ပိုပြီး စည်စည်ကားကား ဖြစ်နေတဲ့ လမ်းနှစ်ခွ ဆုံ ပလက်ဖောင်း လေး ပေါ်က ၊ လမ်းဘေး အထမ်းဈေးသည် တွေ ကို ၊ လှည်းတန်း ရဲ့ အရေးပါ တဲ့ လူတန်းစား တခု ဆိုတာ ၊ သူ မေ့ နေ လိုက်တာ ။ သူ့ ခြေထောက်တွေ ဟာ ၊ ခုံးတံတား ကြီး အောက်က ၊ တိတ်တိတ် ဆိတ်ဆိတ် ပြည်လမ်းမ ကြီးကို ဖြတ် ရင်း ၊ ကျောင်းပေါက် ဆီ တန်းတန်း မတ်မတ် ။


( ဆက်ဖတ်လိုပါက စာအုပ် ထဲမှာ ဖတ်ပါရန်)း)


Share/Bookmark