ကြယ်ကြွေတာ ကင်ဆာတဲ့လား . . .

ကြယ်ကြွေတာ ကင်ဆာတဲ့လား . . .
နာနာကျင်ကျင် အဲဒီ စကားလေး တခွန်း ဟာ ၊ အ၀န်း အ၀ိုင်း တခု အတွင်းမှာ ၊ အတော်လေး ရိုက်ခတ် မြည်ဟိန်း ခဲ့ ဖူးတယ်။
ကိုယ်တိုင်က အဲ့ဒီ အ၀န်းအ၀ိုင်း ရဲ့  ၊ မနီး မဝေး မှာ ကြီးပြင်းရင်း ၊ သတင်း ၀ရင်း တွေ ကို အမြဲ ကြားနေ ခဲ့ ရသူ ဆို တော့ ၊ အဲ့ဒီ ကြယ်ကြွေ တဲ့ သတင်းကြီးကိုပါ ၊ မှတ်မှတ် ထင်ထင် ရှိနေခဲ့တယ်ပေါ့ ။ ကျောင်းတွေ က မဖွင့်၊  ညဖက်ဆို မီးတွေ ပြတ် ၊ အိမ်ရှေ့  မှာ ကားရပ်သံလား နားစွင့် နေ ကြ ရတဲ့ ၊  အချိန်ကာလ တခုမှာ ၊ ဖယောင်းတိုင် အလင်းရောင် နဲ့  ရေဒီယို တလုံးဆီမှာ အာရုံတွေ စုရုန်း ညိမ်သက် တတ်ကြ ရင်း ၊ ကြယ်တွေ ကြွေတဲ့ သတင်းတွေ ၊  စ ပြီး ကြား ရ တော့တာပဲ ။
ပထမ ဆုံး အနေနဲ့ ၊   ၈၈  အလုပ်သမား ခေါင်းဆောင် ဖြစ်ခဲ့တဲ့ ၊ အဖွဲ့ ချုပ်ရဲ့  အမာခံ တယောက် ဖြစ်တဲ့ ဦးမောင်ကို ၊ အညှင်းပန်း အနှိပ်စက် ခံ ရင်း ထောင်ထဲမှာ သေဆုံးသွားပြီ ဆိုတဲ့ သတင်းဆိုး ကို ၊ ကြားရတယ်။  ဖခင် ဖြစ်သူ ရဲ့ ၊
မျက်နှာဟာ ၊ စိုးရိမ်မူ တမျိုး နဲ့ ၊ လေးနက် လို့ လာနေ ပေမဲ့ ၊   ကိုယ်ရောက်နေတဲ့ ခေတ်အခြေအနေ အလားအလာ
တွေကို ၊ ဂ ဃ နဏ မမှန်းဆ တတ်သေးတဲ့ ၊ ဆယ်ကျော်သက် တယောက် အနေနဲ့ တော့ ၊ ညတိုင်း နားထောင်နေ ရတဲ့ ၊ မကောင်းသတင်းတွေထဲက ၊ သတင်းဆိုး တပုဒ် အတွက် ဆို့ နင့် တတ်ဖို့ပဲ သိခဲ့တယ် ။
အဲဒီ အချိန်က ရွေးကောက်ပွဲ ကြီး ကို ၊ အောင်ပွဲ ခံ ပြီးသွား လို့ ၊  ဂန္ဓီ ခမ်းမ အစည်းအဝေး နဲ့ ဖခင် ဖြစ်သူလည်း အလုပ်တွေ ရှုပ်နေချိန် ။ နိုင်ငံရေး အခြေအနေ တွေက ၊ ရှုပ်ရှုပ်ထွေးထွေး ။ အိမ်မှာလည်း ဧည့်သည်တွေ ပြတ်တယ် မရှိ ။  ဦးမောင်ကို ရဲ့ သတင်းဆုိုး အပြီး ၊ သိပ်မကြာ ဘူး။ ခရမ်း လွှတ်တော် ကိုယ်စားလှယ် ဦးတင်မောင်ဝင်း  ထောင်ထဲမှာ သေ သွားပြန်ပြီ တဲ့ ။ ရေဒီိယို ကို ပိတ်လိုက်ချိန်မှာ ၊ ဖေဖေ့ တောက်ခေါက်သံ ဟာ ကျယ်လောင် လှ တယ်။  ကျောင်းသား သမဂ္ဂ ရဲ့  ၊ ဆဲဗင်း ဂျုလိုင်  ရဲဘော် တယောက်တော့ ကျ ဆုံးပြန် ပြီ တဲ့ ။ အဲဒီ ကတည်းက ခရမ်းဦးတင်မောင်ဝင်း ဆိုတဲ့ ပုဂ္ဂိုလ်တယောက် ကို စိတ်ထဲ စွဲ နေခဲ့တယ် ။ ပိုပြီး စွဲ ရတာက ၊ သူ့ အိမ်ထောင်ဖက် ဟာ ၊ ငွေတာရီ မဂ္ဂဇင်းတွေထဲမှာ ၊ နှစ်နှစ်သက်သက် ဖတ်ခဲ့ရတဲ့ စာရေးဆရာမ ခင်လှိုင်ကြူ  ဖြစ်နေတာ လည်း တချက် ၊ နောက်ပြီး အဲ့ဒီတုန်းက  တဆည ပါတီက ၀င်ပြိုင်တဲ့ သူ့ အကိုအရင်း ဖြစ်သူ နဲ့  ခရမ်းတမြို့ နယ် တည်းမှာ ၊ မဲဆန္ဒနယ် တခု တည်းကနေ ၊ 
ယှဉ်ပြိုင်ခဲ့တယ် ဆိုတဲ့ စိတ်ဝင်စား စရာ ပြောစကားတွေ ကိုလည်း ကြားဖူး ထားတာ လည်း တချက်ပေါ့ ။
မဲလိုက် မှောင်လိုက် ၊ ရွာလိုက် ချူန်းလိုက် ၊ ကြမ်းလိုက် ထန် လိုက် ရာသီဥတု တွေ နဲ့ ပဲ ၊ နှစ်များစွာကုို ကျော်ဖြတ် လာခဲ့ပြီး သကာလ ၊ အခုလို   စာအုပ်တွေ လွတ်လွတ်လပ်လပ် ထုတ်ဝေ လို့ ရ လာတဲ့ နိုင်ငံရေး နေသာသာ မှာ ၊  
ဇနီးဖြစ်သူ ဆရာမ ခင်လှိုင်ကြူ ရဲ့ “လွမ်းလေသမျှ” ဆိုတဲ့ စာအုပ်ကလေး ထွက်လာတယ် ဆိုတော့  ဖတ်ချင် နေမိရော ။ အဆင်ပြေချင်တော့ ဖေ့စ်ဘွတ်က နေ တဆင့် မိတ်ဖွဲ့ သိကျွမ်းခဲ့ ရတဲ့ ၊ သူတို့ ရဲ့ သမီး ဖြစ်သူ ၀တ်မှုံ ကြောင့် ၊  
စာအုပ်ကလေး ကို ၊ အန်တီကြူ ကိုယ်တိုင် လက်မှတ်ထိုး ပေးတာလေးကို ရ ခဲ့ တယ်။



လက်ထဲ ရောက်နေတဲ့ စာအုပ်ကလေးကို မှတ်မှတ်ရရ ၊ ဆဲဗင်းဂျုလိုင် နေ့ မှာ အသေအချာ စဖတ်ဖြစ်တယ်။ ရန်ကုန်တက္ကသိုလ် ကျောင်းသား သမဂ္ဂကြီးကို ၊ အင်မတန် တွယ်တာ လေးမြတ် ကြတဲ့ ၊ ကျောင်းသား မျိုးဆက် တခု ဟာ ၊ ၁၉ ၆၂ ခုနှစ် ဇူလိုင်လ ၇ ရက်နေ့  … အတိအကျ ပြောရရင်  ၈ ရက်နေ့ မှာ ၊ မျက်ရည် ဖြိုင်ဖြိုင် ကျကြတယ် ဆိုတဲ့  အကြောင်းတွေ ကို ၊ ငယ်ငယ်တည်းက ယဉ်ပါး ကြားဖူး နေခဲ့ ပေမဲ့ ၊  ဒီ စာအုပ်ဖတ် တော့ ထပ်ပြီး  ခေါင်းတညိတ်ညိတ် ဖြစ် ရပြန် တယ်။ ဖြို ဖျက် ဖောက်ခွဲ ခံ လိုက်ရတယ် ဆိုတဲ့ ၊ သမဂ္ဂ အဆောက်အဦ ကြီးကို ၊ သူတို့ တွေ ဘာလို့ များ  အဲဒီလောက် သံယောဇဉ် ကြီးရတာလည်း လို့  ၊ နောက်မျိုးဆက် တခုထဲက နေ ၊ ပြန်လှည့် ကြည့်ပြီး ၊ အံ့သြ ရ တယ်။ တကယ်တော့ ရုပ်ပိုင်းဆိုင်ရာ အဆောက်အဦ တခု ဆိုတာထက် ၊ ကိုလိုနီ နယ်ချဲ့ လွတ်မြောက်ရေး တိုက်ပွဲ ကတည်းက ၊ ရှင်သန် နိုးကြား နေ ခဲ့တဲ့ ၊  ကျောင်းသား နိုင်ငံရေး  ဆိုတဲ့ ၊ စိတ်ဓါတ် အဆောက်အဦ ကြီးကို ၊ ထိုးခွဲ 
 ခြေမွ ပစ်လိုက်တာ ကိုး ။ အဲဒီကတည်းက ၊ စစ်တပ် နဲ့  ပြည်သူ ကြားက စည်း  ကလည်း ၊ ထူထဲ မဲနက် သွားခဲ့ပြီး ၊ အက်ကြောင်းတွေ လိုက် လာခဲ့ တော့တာ  ပဲ မဟုတ်လား ။
သမဂ္ဂ အဆောက်အဦ ကြီး ရဲ့  အပိုင်းအစ တွေ တစစီ လွင့်စင် သွားခဲ့သလို မျိုး ၊ ဆဲဗင်းဂျုလိုင် ၀ိညဉ် စိတ်ဓါတ် တွေ လည်း ၊ တနေရာစီ တနယ်အဝေးတွေ ဆီ လွင့်စင် သွားလိုက်ကြတာ နှစ်ပေါင်း နှစ်ဆယ် အစိတ် ။ ဒီကြားထဲမှာ 
အကြိမ်ကြိမ် ကုန်းရုန်းထ ကြတဲ့ အခါတိုင်းပဲ ၊ အကြိမ်ကြိမ်ပဲ ဖြိုခွဲ ခံ ရ ပြန် ။  ဒါပေမဲ့ အချိန်တန်လို့   နိုင်ငံရေး နာရီ 
လက်တံ ကြီးက ၊ ညွှန်ပြ လာတဲ့ အခါ မှာ ၊ တတိုင်းတပြည်လုံးက ၊ လက်သီး လက်မောင်း တွေ နဲ့ အတူ ၊ ပိုပြီး 
ရင့်ကျက် တဲ့ အသွင်သဏ္ဍန်တွေ နဲ့ ၊ ပိုပြီး လေးနက် တဲ့ ခံယူချက်တွေ နဲ့ ၊ သူတို့ မျိုးဆက်တွေကိုပါ အပါခေါ်ပြီး  မြန်မာ့ နိုင်ငံရေး အခင်းအကျင်း ထဲကို  ပြန်လည် ၀င်ရောက် လာခဲ့ ကြ တယ်။
ဒီ စာအုပ် ထဲ မှာလည်း ၊  မိဘ လက်ငုတ် လက်ရင်း ၊ ဆန်စက်လုပ်ငန်း ကို ပြန်ပြီး ဦးစီး လုပ်ဆောင် နေခဲ့တဲ့ ၊ ဦးတင်မောင်ဝင်း ဟာ ၊ နှစ်ပေါင်း နှစ်ဆယ် လောက် အတွင်းမှာ ၊ သူ့ ရဲ့  နဂိုမူလ  ယုံကြည် ရပ်တည်ချက် တွေအတိုင်း နေထိုင် ခဲ့ရင်း ၊ သူ့ အလုပ်သမားတွေ ရဲ့  လေးစား အားကိုးမူ ၊ သူ့ မြို့သူ မြို့သား တွေ ရဲ့ ၊ ယုံကြည် အပ်နှင်းမူ ကို ရယူ နိုင်ခဲ့တယ် ။  ရှစ်ဆယ့်ရှစ် အလွန်  ပထမဆုံး အကြိမ် ရွေးကောက်ပွဲ ကြီး မှာ ၊ ခရမ်းမြို့ ရဲ့  လွှတ်တော် ကိုယ်စားလှယ် 
အဖြစ် ၊ အကိုအရင်း ဖြစ်သူ  ဗိုလ်မှူးဟောင်း ဦးဇော်ဝင်း နဲ့  ယှဉ်ပြီး ၊ အနိုင် ရ ခဲ့တယ်။ မဲဆန္ဒနယ် မတူအောင် ပြိုင်ရင် လည်း ရပါရက် နဲ့ ၊ အကိုကြီးဖြစ်သူ ကလည်း ဒီမြို့မှာ လူရိုသေတဲ့  မဲရ နိုင်တဲ့ လူ ကြီး တယောက် ဖြစ်နေတာကြောင့် ၊ အမျိုးသား ဒီမိုကရေစီ အဖွဲ့ ချုပ် အကျိုး အတွက် ၊ တမင်ကိုပဲ ၊ ကျေးဇူးရှင် အကိုကြီးကို ၊ အတိုက်အခံ ပြု ပြီး   ၊ ယှဉ်ပြိုင် ခဲ့ ရတယ် လို့ ဆိုတယ် ။  တကယ်လို့များ မြန်မာပြည် ဒီမိုကရေစီ ရရှိဖို့  အရိုးတွေ တောင်လိုပုံမယ် ဆိုရင် ၊  အရိုး
တောင်ပုံ ရဲ့  အောက်ဆုံးမှာ ကျွန်တော့ အရိုး ရှိရပါစေမယ် . . . ဆိုတဲ့ မဲဆွယ် မိန့်ခွန်းဟာ ၊ သူ့ ရဲ့ အနာဂါတ်ကို နမိတ်
ဖတ် နေခဲ့သလို ၊ သူ့ ရဲ့ ပိုင်းဖြတ်မူ ကိုလည်း ၊ ရဲရင့် စေ ခဲ့တယ်။
အဲ့ဒီ အချိန်  ရှစ်ဆယ့် ရှစ် ကာလ အလွန် မှာ ၊ အိမ်ကို အလည်မဟုတ်ပဲ ရောက်လာခဲ့တဲ့ ၊ မီးခိုးရောင် အကျီ င်္ နဲ့ 
လူကြီး တယောက်ကိုလည်း  ခုထိ မျက်စိ ထဲက မထွက် ခဲ့ဘူး ။ သူ့ ဆံပင် တွေက ၊ အကျီ င်္ အရောင်ထက် ပိုပြီး ၊ မီးခိုးရောင်မှာ အဖြူ တွေ ခပ်များများ စွက်နေတယ်။ ကော်ကိုင်းမျက်မှန် အမဲ ရောင် အောက်က ၊ မျက်လုံးတွေ ကလည်း ၊ မီးခိုးရောင် မှိုင်းနေသလိုပဲ ။  တက္ကသိုလ်မှာ တုန်းက ၊ ကျောင်းသားနိုင်ငံရေး အတူ လုပ်ခဲ့ ကြတဲ့ ၊  ဖေဖေ့ သူငယ်ချင်း  ဦးညိုဝင်း က ၊ သူတို့ ထောင်မဲ့ ပီသုံးလုံး ပါတီ အတွက် ၊ ဖေဖေ့ကို လာခေါ်တာ တဲ့ ။ ဒါပေမဲ့ ၊ ဖေဖေ က ၊ အမျိုးသား ဒီမိုကရေစီ အဖွဲ့ ချုပ်မှာ ပဲ ၊ ဒေါ်အောင်ဆန်းစုကြည် ရဲ့  ခေါင်းဆောင်မူ ကို နာခံ ဖို့ ၊ ဆုံးဖြတ် ထားခဲ့ပြီး ဖြစ်နေတာ
ကြောင့် ၊  လက်စွဲ နှုတ်ဆက်ပြီး ပြန်သွားတဲ့ ၊ အဲဒီ မီးခိုးရောင် မှိုင်မှိုင်း လူကြီးကို ၊ စိတ်ထဲမှာ ဘာလို့လဲ မသိ ၊ သနား နေ မိ ခဲ့ တယ်။ သူများကို မသနား ရ ဘူးလို့ ၊ ငယ်ငယ်တည်းက ၊ ဖေဖေက  ခပ်နာနာ သွန်သင်လေ့ကျင့် ပေးခံ ခဲ့ ရပေမဲ့ ၊ ရင်ထဲက သနား တာကိုတော့ သနားတယ် လို့ ပဲ ပြောရမှာပဲ ။
တကယ်တော့ အဲဒီ အချိန် ၊ ၉ ၀ ရွေးကောက်ပွဲ အတွက် ၊ ပါတီ တွေ အပြိုင်းအရိုင်း ထောင်ကြ တဲ့ အချိန် မှာ ၊ ပီသုံးလုံး ပါတီ ဟာလည်း ၊ ဦးညိုဝင်း ၊ ဦးခင်မောင်မြင့် ( တေးသံရှင် ကိုသန်းလှိုင် အကို ) ၊ ဦးလှရွှေ ( တကသ ဥက္ကဌဟောင်း )  တို့ လို  ဒေါင်ဒေါင်မြည် ဂျုလိုင်ဝိညဉ် တွေ ရဲ့  နာမယ်တွေ နဲ့ အတူ ၊ သီးသန့် ပါတီ တခု ဖြစ်လာခဲ့တယ်။ မကြာပါဘူး ၊ အဖွဲ့ ချုပ် လို  ဒီရေမြင့် အောင်ပွဲ ရ ထား တဲ့  ပါတီ တခု ကိုတောင်၊ အလေးမထား တဲ့ ၊ စစ်အစိုးရ ဟာ ၊   ဒေါင်ဒေါင်မြည် တွေကို ၊ အကျဉ်းထောင်တွေထဲ ၊ ဆွဲ ထဲ့ တော့တာပေါ့ ။  အမှောင်ထဲက အမှောင်ဆုံး အချိန်တွေ လို့ပဲ ပြောရ မလား ။ ထောင်ဝင်စာ  ကောင်းကောင်း မရ ၊ စစ်ကြောရေး ပဲ ကောင်းကောင်းကိုင် တဲ့ ၊  စစ် ထောက်လှမ်းရေး အာဏာစက် အောက် မှာ ၊ ကြယ်တွေ တပွင့် ပြီး တပွင့် ကြွေ တော့တယ်။ ကိုယ့်ကိုကိုယ် သတ်သေတယ်တဲ့ ။ ကင်ဆာ တဲ့ ။ ရောဂါကုမရ တော့ တဲ့ ။ စုံလို့ပါပဲ ။ အချိန် အစဉ်လိုက်တွေ သေချာ မမှတ်မိတော့ပေမဲ့ ၊ အဲဒီ အမှောင်ဆုံး အချိန်မှာ ကြွေခဲ့တဲ့ လူတွေကို မှတ်မိသလောက် ဆိုရင် - ဦးမောင်ကို ၊ ဦးတင်မောင်ဝင်း ၊ ဦးညိုဝင်း ၊ ဦးခင်မောင်မြင့် ၊ ပထ၀ီ တင်သိန်းမောင် ၊ ဗိသုကာ ဦးကျော်မင်း ၊မုံရွာ ဦးတင်ရွှေ ၊ ဦးအောင်မေသု ၊ ဦးလှသန်း ၊ စာရေးဆရာ မောင်သော်က ( ဦးဘသော်) ။

နိုင်ငံရေးသမားများ ၏ နောက်ဆုံးနေ့ မြင်ကွင်းများ - လေးကိုတင်

အိမ်မှာ ရှိတဲ့ ၊  ဖေဖေ့ ရဲ့  ကျောင်းသား သမဂ္ဂရှေ့က အုပ်စု ဓါတ်ပုံလေး ထဲက ၊ တချို့ နာမယ်လေးတွေ ရဲ့  နောက်မှာ ကွင်းစ ကွင်းပိတ် နဲ့ ( တောတွင်းကျဆုံး )  ဆိုတာလေး တွေ မြင်တိုင်း  စိတ်ထဲ နင့်နင့် နဲနဲ ခံစားရမြဲ ။  ဓါတ်ပုံထဲ မှာ အားလုံးဟာ နုတ်ခမ်းပါးတွေကို တင်းတင်းစေ့ လို့  သပ်သပ်ရပ်ရပ် နုနုနယ်နယ် ။ ဒီလို အရွယ်ကောင်း ပညာတတ် လူငယ်လေးတွေ ၊ တောတွင်းမှာ ကျဆုံး ရတဲ့ ၊  တရားခံ က ဘာလဲ ဆိုတာ တွေးလေ အဖြေမထွက်လေ ဖြစ်ခဲ့ရတယ် ။ ခုတော့ - တောတွင်း တင် မက ၊ ထောင်တွင်း ပါ ကျဆုံး ရ တဲ့ ၊ သူ့ မိတ်ဆွေ အရွယ်ကောင်းကြီး တွေ  အတွက် ၊ စိတ်မကောင်း ဖြစ်နေတဲ့ ဖေဖေ့ကို ၊ ဘာမှ ထပ်မမေးမိအောင်ပဲ နေ ရတယ် ။ ဦးညိုဝင်း  သတင်း ကြားတဲ့ ည က ဆို ၊ 
ဖေဖေ ဟာ ၊ တညလုံး မအိပ်ပဲ ဆေးလိပ် ထိုင်သောက်နေခဲ့တာ ကို ၊ မှတ်မိနေတယ်။
အခု ၊ လွမ်းလေသမျှ ကို ဖတ်တော့ ၊   အဲဒီ မိသားစု တွေထဲက ၊ မိသားတစု ရဲ့  ခံစားချက် တွေကို နင့်နင့်နဲနဲ အတွင်းကျကျ မြင်ရလေတယ် ။ အဲဒီ အချိန်က အကျဉ်းကျခံ နိုင်ငံရေး သမား တွေ ရဲ့ မိသားစု  ဘ၀ တွေဟာ ၊ ဘယ်လောက် ခက်ခဲ ခဲ့မယ် ဆိုတာ ၊ မှန်းဆကြည့်လို့ တောင် ရ နေမှတော့ ၊ ကာယကံ ရှင်တွေ အတွက် တော့  စာဖွဲ့ လို့ လည်း 
 ပြည့်စုံ လိမ့် မည် မဟုတ်တော့ ။ ဆရာမ ခင်လှိုင်ကြူ ကလည်း ၊ ဒီ စာအုပ်ကို ရေး ဖို့ ၊ သူ့ အတွက်  အရမ်းကို စိတ်ပင်ပန်းစွာ အားထုပ် ခဲ့ ရ တယ်လို့  ဆို တယ်။  အိမ်ကနေ ခေါ်သွားပြီး ၊ ဘယ်ရောက်လို့ ရောက်နေမှန်းမသိ ၊ ဘာသတင်းမှ မကြားရ ။  ကြားရပြန်တော့ ၊ နေမကောင်းဖြစ်နေတဲ့ ဆေးဝယ်ခိုင်းတဲ့  စာရွက်ကလေး တရွက် သာ ။ လိုအပ်တဲ့ ဆေးဝါးတွေကို  ပေးလိုက်ရပေမဲ့ လည်း ၊  ကာယကံ ရှင် လက်ထဲ ရောက်လား မရောက်လား မသေချာ ။  နောက်ဆုံး  ရနိုင်မဲ့ အကူအညီ တွေ မျိုးစုံ တောင်းပြီး ၊ ခင်ပွန်းသည် ရှိနိုင်မဲ့ ၊ အကျဉ်းထောင်ကြီး ဆီ ၊ အမောတကော . . . ဇော တွေ နဲ့  ရောက် ပြီး စောင့်ဆိုင်း နေတဲ့ အချိန် မှာ ၊  ကြားလိုက် ရ တဲ့ သတင်းက ၊ မနေ့ ကပဲ ဆုံးသွားပြီ မို့ ၊ ရေခဲတိုက် ကို လိုက်ခဲ့ဖို့ - တဲ့ ။  အိမ်က အကောင်းအတိုင်း ထွက်သွားပြီး ၊ နှစ်လ ဆိုတဲ့ အချိန်လေး အတွင်းမှာ ၊  ပိန်ချုံး နေတဲ့ 
ခင်ပွန်းသည်ကို ၊ ခေါင်းတလား ထဲ မှာ ၊ ပြန် တွေ့ ရ တဲ့ ၊ ဇနီးသည် တယောက် ရဲ့ ၊ ခံစားချက် ။  နာရေး ကြော်ငြာ ထဲ့ပုံ ထဲ့ နည်းက အစ ၊ ဈာပန အစီအစဉ် မကျန်  ၊ အုတ်ဂူမှာ  နာမယ်ထွင်းထု တာ အဆုံး ၊ ထိန်းချုပ် ကန့်သတ် ခံ ခဲ့ ရတဲ့ ၊ မိသားတစု ရဲ့ ၊ နာကြင် မျိုသိပ်ခဲ့ ရ မူတွေ ။   ထောင်အရာရှိ တွေ က ၊ ကင်ဆာ ကြောင့် သေတာ လို့ ဆိုသည်။ သူမ ရဲ့ ခင်ပွန်းသည် ဆီ နှစ်လ အတွင်း ရောက်လာခဲ့တဲ့ သူမ ဘယ်တုန်းကမှ မသိ ခဲ့တဲ့ ကင်ဆာ ဆိုတာကြီးကို ၊ နာကျင်လှစွာ ရွတ်ဆိုခဲ့တဲ့ သူမ ရဲ့ နောက်ဆုံး နှုတ်ဆက် စကား လေး က ၊ 
ကြယ်ကြွေတာ ကင်ဆာတဲ့လား ... ကင်ဆာ ကျဆုံးပါစေ .... တဲ့ ။
အထူးသဖြင့် ၊ ဆယ်တန်း စာမေးပွဲ ဖြေဖို့ ၃ လ ပဲ လိုတော့တဲ့ ၊ သမီးကြီး ဖြစ်သူ ရဲ့ ၊ စိတ် အနာတရ တွေကို ၊ အရွယ်တူ ခြင်း ၊ သူ့နေရာမှာ ၀င်ပြီး ကိုယ်ချင်းစာ ကြည့်ယုံ နဲ့ တင် ၊ ခက်ခဲ ပင်ပန်း လှ ပြီ ။  ထောင်အရာရှိ တွေ အားလုံး ရှေ့ မှာ ၊ နံရံ ပေါ်က ၊ ဦးနေ၀င်းကြီး ရဲ့  ဓါတ်ပုံကြီး ကို ၊ လက်ညှိး ထိုးပြီး ၊ ဒီလူကြီးကြောင့် ကျမ အဖေ သေတာ လို့ ၊ 
 ပေါက်ကွဲ အော်ဟစ် ငိုယို ခဲ့တဲ့ ၊ ၁၅-၁၆ နှစ်  အရွယ် ကလေးမ လေး တယောက် နဲ့ အတူ လိုက်ပြီး ကြေကွဲ တုန်လှုပ်လို့ ။ စိတ်ဒုက္ခ ခံစားနေရ တဲ့ မိခင်ကို ၊ ဖေးမ အားပေး နိုင်ခဲ့တဲ့ ၊ ဆယ်ကျော်သက် မိန်းကလေး တယောက် ရဲ့ ၊ စွမ်းရည်ကို လည်း  မအံ့သြ ပဲ မနေနိုင် ။  ဒါတောင် ဆယ်တန်းကို ဂုဏ်ထူး ၅ ခု နဲ့ အောင် အောင် ဖြေပြ နိုင်ခဲ့တဲ့ ၊ ၀တ်မှုန် ကို ၊ ကျိတ်ပြီး ချီးကျူး မိတော့သည်။
ဆရာကြီးတင်မိုး ရဲ့  ဦးတင်မောင်ဝင်း အတွက် ဂုဏ်ပြု ကဗျာလေး ထဲက  “ လွမ်းလေသမျှ” ဆိုတဲ့ စာသားကလေး ကို ယူထားတာ နဲ့  လိုက်ဖတ်အောင်ပဲ ၊ ဆရာမ ခင်လှိုင်ကြူ ရဲ့ ၊  ခံစားချက်တွေ ဟာ  ၊ နာကျင်မူတွေကြားထဲကနေ ၊ လွမ်းဆွတ်တသ ဖွယ်ရာ ၊ အတိတ်လှလှ လေးတွေ ကိုလည်း ၊ ပြန်ပြောင်း ရောယှက် လွမ်းဆွတ် ထားလေတယ်။  ဆရာမ ရဲ့ ၊ မေတ္တာ ဖွဲ့  ၀တ္တုလေး တွေကို ၊ ပြန်ပြီး သတိရ စေ တဲ့ ၊ အပိုင်းတွေ လို့ပဲ ပြောရမယ်။
စာအုပ်ရဲ့ မျက်နှာဖုံးက ၊ ပန်းချီ ရွှေစိုးဟန် ရဲ့ ၊ လက်ရာ ဦးတင်မောင်ဝင်း ပုံတူ ကို ၊ စာအုပ်ဖတ်ကာစ က ၊ အမူမဲ့ 
အမှတ်မဲ့ ပေမဲ့ ၊ ဒီပုံတူ ဟာ ၊ ဦးတင်မောင်ဝင်း သက်ရှိ ထင်ရှား ရှိစဉ်ကတည်း ၊ ခင်မင်လေးစားမူ နဲ့ အမှတ်တရ  ဆွဲပေးခဲ့တဲ့ ၊ အဓိပ္ဗါယ် ဖွင့်ဆို မထားတဲ့  ပုံလို့ ဆိုတာကြောင့် ၊ စာအုပ် ဖတ်အပြီးမှာ ၊ အသေအချာ ပြန်ကြည့် ဖြစ်တယ်။ ပြောသလိုပဲ ၊ အစက်အပြောက်တွေ နဲ့ ပုံဖော် ထားတဲ့ ၊ ဦးတင်မောင်ဝင်း ရဲ့ ၊ နှုတ်ခမ်းပါးပါး တွေ ထဲမှာ ၊ အတိတ် သမိုင်းရဲ့ သက်သေ တချို့ကို  ၊ မြင်ရတယ်။ တစွန်းတစ ပဲ ဆွဲထားတဲ့ ကြယ်ဝါ၀ါ ကြီး ထဲမှာ ၊ အနာဂါတ် ရဲ့  မသေချာမူ တွေက ၊ ကွက်လပ် ဖြစ်နေ သေးတယ်။
ဒီ စာအုပ်လေး အကြောင်းကို ၊ တခုခု ရေးမယ် လို့ ၊ စ ထားပြီး ၊ ချက်ခြင်း အဆုံး မသတ် နိုင် ခဲ့ဘူး ။ အခု လို ၊ သမိုင်း နာရီ လက်တံ ကြီး ၊ နောက်တပတ် ထပ်တရစ် တိုး ပြန်လို့ ၊  မြန်မာ့ ဒီမိုကရေစီ ရွေးကောက်ပွဲ ကြီး နောက်တခု 
လည်း ၊ အသစ်တဖန် ပြန်စ တော့မယ် ဆိုတဲ့ အချိန် မှာ ၊  အတိတ်က နာကျင်စရာ သမိုင်းတွေကို ၊ အဆုံးသတ် ရ တော့မလား လို့ ၊  တွေဝေ နေလျက်က ၊ ဒီ စာလေးကို လည်း အဆုံးသတ် ဖြစ်တော့တယ် ။  
တံတားကြီး  အောက် ကတော့ ၊  ရေတွေ စီးသွား ခဲ့ ပါပြီ ။ ကမ်းနဖူးက  စိမ်းမြ ရွက်သစ်တွေ ဖားဖားဝေ အောင် ဖုံးနေတဲ့ အပင်ကြီး ကို လှမ်းငေး ရင်း ၊ ဦးတင်မောင်ဝင်းပေါင်း များစွာ ရဲ့  အရိုးတွေ အတွက် ၊ ကျေးဇူး တွေ အထပ်ထပ် တင်နေမိ တယ်။
ကေသွယ်
၂၈ ဇူလိုင်


Share/Bookmark

သပိတ်မှောက်ကျောင်းသား စိုးထွန်း

စိုးထွန်းကား  မျိုးချစ်စိတ် ရှိ၏။ တိုင်းရေး ပြည်ရေး ဆောင်ရွက်လို၏။ သို့သော် ဘီအေ ဆိုသော ဘွဲ့ကလေးကို လိုချင်သေး၏။ တိုင်းရေး ပြည်ရေး လိုက်ရာဍ် ၀မ်းရေးရှာဖို့  ရှေ့နေ လုပ်ရန် ဘီအယ်လ် ကိုလည်း အောင်ချင်သေး၏။  ထို့ကြောင့် သပိတ်လှန်ရန်ကိုပင် လိုလားနေလေ ၏။ 


စိုးထွန်း သပိတ်လှန် ချင်သော အကြောင်းက ၊  ဤမျှလောက် တော့ ကျဉ်းမြောင်းလိမ့်မည် မထင်။ ဘာကြောင့် ပြောနိုင်သနည်း ဆိုရင် စိုးထွန်းဆိုသော သပိတ်မှောက် ကျောင်းသား သည်၊ နောင် ဆယ်နှစ်ခန့် ကြာတဲ့ အချိန်မှာ ၊ ဗိုလ်ချုပ်အောင်ဆန်း အဖြစ်နဲ့ ၊ မြန်မာပြည်ကြီးကို လွတ်လပ်ရေးရ အောင် ၊ ဆောင်ကျဉ်းပေး နိုင် ခဲ့သူ ဖြစ်နေခဲ့ လို့ ပင် ။ 






ဗိုလ်ချုပ်အောင်ဆန်း - ဦးအောင်ဆန်း- မောင်အောင်ဆန်း အား ၊ စိုးထွန်း အဖြစ် ဇာတ်ရုပ်ခြယ်ထားသော ၊ သပိတ်မှောက်ကျောင်းသား ၀တ္တုကို ၊ လူ အတော်များများ ကြားဖူးကြပေမည်။ ဖတ်ဖူးကြပေမည်။ သို့ပေမင့် ၊ စာရေးသူ ဦးသိန်းဖေမြင့် နှင့် ဗိုလ်ချုပ်အောင်ဆန်း ရဲ့  ကြားက ၊ မတူညီလှတဲ့ နိုင်ငံရေး အဆင်အပြင် ( သို့ မဟုတ်) သပိတ်မှောက်ကျောင်းသား ညိုထွန်း နဲ့  ကျောင်းသားသမဂ္ဂ အမူဆောင် စိုးထွန်း တို့ အကြား ရပ်တည်ချက် မသိမသာ ကွဲပြားသွားပုံကို ၊ စိတ်ဝင်တစား တွေးဆ ကြည့် မည့် သူ တော့ သိပ်များလှမည်မထင်။ 


ရှစ်လေးလုံး အရေးတော်ပုံကြီး အပြီးမှာ ၊ သိန်းဖေမြင့် ရဲ့ သပိတ်မှောက်ကျောင်းသား ၀တ္တု ကို လူငယ်တွေ ပြန်ရှာ ဖတ်ကြသည်။ ၁၅ နှစ်သား အရွယ်မှာ ပထမပိုင်းကို ဖတ်လိုက်ရပြီး တခါတည်း စွဲသွားတယ် ဆိုတဲ့ ဖခင်ဖြစ်သူ ရဲ့ ၊  တရိုတသေ သိမ်းထားတဲ့  ပ-ဒု အတွဲလိုက် စာအုပ်ကလေးကို ၁၇ နှစ်အရွယ် ယောင်နန လူငယ် တယောက် အနေနဲ့  သူများတွေ ဖတ်လို့ လိုက်ဖတ် ကြည့်ဘူးသည်။  အခု အသက် ၄၀ ကျော် အရွယ်မှာ   ကျောင်းသား သပိတ် စစ်ကြောင်းတွေ ရန်ကုန်မြို့ကြီး ဆီ ၊ ဦးတည် ချီတက်လာကြတော့  အဲဒီ စာအုပ်ဝါ၀ါ ကျင့်ကျင့်လေး ကိုပဲ ၊  အသက် ၈၀ ကျော် ဖခင်ကြီး ဆီက ပြန်တောင်း ဖတ်မိ ပြန်သည်။ ဒီ စာအုပ်ကို ရေးသား ပြုစု ခဲ့သူ ဦးသိန်းဖေမြင့် သည်ပင် ၊ ဗိုလ်ချုပ်အောင်ဆန်း  နဲ့ အတူ   ရာပြည့်  လောက် ပြီပေါ့ ။


“ဗိုလ်ချုပ်ရာပြည့်ပွဲ” ဆိုတာ အတွက် ဗိုလ်ချုပ်အောင်ဆန်း ဆိုတဲ့ ပုဂ္ဂိုလ်တယောက်ရဲ့  သမိုင်းကြောင်း သမိုင်းကောင်း တွေကို ရှာဖွေ ဖော်ထုပ် ရေးသား နေကြတဲ့ အချိန်မှာ ၊ တိုက်ဆိုင်လှစွာပဲ ၊ သပိတ်မှောက်ကျောင်းသား စိုးထွန်း ကို ပြန်လည် ရှာတွေ့ မိသည်။ ချီးပ ဂုဏ်မြှောက်မူတွေ မပါသေးတဲ့ စိုးထွန်း ရဲ့ ပကတိ အသွင်ကို မြင်ယောင်ကြည့်မိသည် ။သူ့ နဲ့ ခေတ်ပြိုင် သူငယ်ချင်းတွေ ရဲဘော် ရဲဘက်တွေ ရဲ့ ကြားမှာ ၊ သာမန် တက္ကသိုလ်ကျောင်းသားလေး တယောက်အဖြစ် ယှဉ်ထိုး ချင့်တွက် ကြည့်မိသည်။ 


ဝတ္တု ဆိုပေမဲ့လို့ ၊ သမိုင်းမှတ်တမ်း တခုလောက် နီးပါး ၊ ခိုင်ခံ့ လှတဲ့ စာကြောင်းတွေ ကြားထဲမှာ ၊ စိုးထွန်း ဆိုတဲ့ နာမယ် ကို ၊ စိတ်ဝင်တစား လိုက် ရေတွက်မိတော့ ၊  စုစုပေါင်းမှ ဆယ်နေရာ ထက် မပို ။ 


စိုးထွန်းဆိုသော ကျောင်းသားကို ပထမဆုံး တွေ့လိုက်မိသည်က ၊ ပုဂံကျောင်းဆောင် သဟာယ နဲ့စာဖတ် အသင်း ရဲ့ ဥက္ကဌ ရွေးပွဲ မှာ ဖြစ်သည်။ ပိုးလုံချည် သုံးပင်ရစ် ကို ရော့ရီးရီး စီးလို့ ၊ စွပ်ကျပ် နဲ့  အပေါ်အကျီ င်္သာ ၀တ်ထားတဲ့ စိုးထွန်း ဟာ ၊ ကိုလှဖေ ကို ဥက္ကဌ အဆိုသွင်းဖို့ ၊ အတိုက်အခံ ပြောဆို နေလေသည်။ မဲခွဲကြတော့ ကိုလှဖေ ပင် ဥက္ကဌ ဖြစ်လာသည်။  ပွဲအသိမ်းမှာတော့    အဆောင်မှူး တားမြစ်နေတဲ့ ကြားကပင် ၊ “ နောင်ဥဒါန်း ဘယ်မကြေစရာ . . ရာဇ၀င်မှာဖြင့် စာအထင်အရှား . . .”  လို့  စိုးထွန်းက စ’ တိုင်လိုက်တော့ “ ဒါ.. တို့ဗမာ ” လို့ အားလုံးက လိုက်ဆိုကြသည်။  အဲဒီလို နဲ့ ၊ စိုးထွန်းတယောက် အမူဆောင် ကျောင်းသား  ဖြစ်လာလေသည်။ ဥက္ကဌ ကိုလှဖေ နဲ့  တတွဲတွဲ ဖြစ်လာသည်။ ညိုထွန်း တို့ ညိုမြ   တို့ နဲ့ လည်း အဖွဲ့ ကျ လာသည် ။ တင်မောင် တို့ ကိုမြ တို့ လို သမဂ္ဂ အမူဆောင် တွေ နဲ့ ပါ ရင်းနှီး စုဝေး လာကြ ရင်း တိုင်းပြည် အနာဂါတ် အတွက်  လေးနက် သထက် လေးနက် လာကြ တော့ သည်။ 


နောက်တော့ ရန်ကုန်တက္ကသိုလ် ကျောင်းသား သမဂ္ဂထုတ် အိုးဝေ မဂ္ဂဇင်း ရဲ့ အယ်ဒီတာ တယောက် အဖြစ် နဲ့ ၊ သမိုင်းစာမျက်နှာထဲ ကို တန်းတန်းမတ်မတ်ကြီး ခုန်ဆင်း လာခဲ့ တော့သည်။ ရယ်သံ တဟီဟီ နဲ့  အပေါင်းအသင်းတွေက ချစ်ကြ နိုင် စား ကြတဲ့  ညိုမြ ရဲ့  လက်စောင်း ထက်ထက် ဆောင်းပါး တပုဒ်ကြောင့်  အယ်ဒီတာ စိုးထွန်း ကျောင်းထုတ် ခံ ရတဲ့ အချိန်မှာ   သမဂ္ဂ ဥက္ကဌ ကြီး ကိုနု က လည်း သူ့ရဲ့ ဘီအေ ဘွဲ့ ကို ပြန်အပ် ဖို့  ဆိုတာတွေ အကြောင်းစုံ လာသည်။ လိပ်ခဲ တည်းလည်း ဖြစ်နေတဲ့ အခြေအနေ မှာ ပဲ ၊ သူတို့ အားလုံး စာမေးပွဲ မဖြေ သပိတ်မှောက် ဖို့ ဆုံးဖြတ်ချက် ချ လိုက်ကြတော့သည်။ သပိတ်မှောက် ကျောင်းသား များ သမိုင်းကို ရေးကြပြီ။ လွတ်လပ်ရေး အတွက် စတင် ကြတော့ပြီ ။


သပိတ်စ မှောက်ပြီ ဆိုကတည်းက စိုးထွန်းကို စာလုံးတွေ ကြားထဲမှာ ၊ မျက်ခြေမပြတ် လိုက်ကြည့်မိသည်။ ဘွိုင်ကောက်တာ ကောင်စီ မှာ ကျောင်းသား ကိုယ်စားလှယ်တွေ အပြင် သမဂ္ဂ အလုပ်အမူဆောင် အဖွဲ့ ကိုပါ ထဲ့ ဖို့  ၊ အားမာန်ပါပါ ၀င်ရောက် ဆွေးနွေး ခဲ့ ပြီး ၊  အဲဒီနောက်ပိုင်းတော့ ၊ စိုးထွန်းကို သိပ်မတွေ့ ရ  ပြန် ။ ကိုမြ ၊ ကျော်သိန်း ၊ လှဖေ ၊ တင်မောင် ၊ တို့ ၊ စကားတွေ အများကြီး ပြောကြ ငြင်းကြ ခုံကြ ပေမဲ့ ၊ စိုးထွန်း သိပ်မပါ ။ ညိုထွန်း နဲ့ နောက်ပိုင်း အတွဲ များလာတဲ့ ဖေခင် သည်ပင် ၊ စိုးထွန်း ထက် ပို ဗျာများနေ ဟန်။ ခေါင်းဆောင်ပိုင်းတွေ ဖြစ်တဲ့ ကိုနု တို့ ဘနားဂျီး တို့ နားမှာလည်း စိုးထွန်းကို သိပ်မတွေ့ မိ ။ ဘာပဲဖြစ်ဖြစ် တချက် တချက် စာရေးသူ သရုပ်ဖော် လိုက်တဲ့ စိုးထွန်း ရဲ့  ဟန်ပန် သရုပ်ကတော့ ၊ အားပါမြဲ ။ 


ရွှေတိဂုံ ဘုရားပေါ်မှာ ၊ သပိတ်စခန်း ဖွင့်ထားတဲ့ ကျောင်းသားသပိတ် က ၊ သုံးလ ကျော် လေးလ ထဲ ၀င်လာလို့ ၊ အိမ် ခဏ ပြန်ကြတဲ့ သပိတ်မှောက် ကျောင်းသူတွေပင် ၊ ပြန်လာကြပြီ ။ အာဏာပိုင်တွေက ဖက်ကလည်း ၊ သပိတ်လှန် ဖို့  ညှိုနှိုင်း အပေးအယူ လုပ်လာကြပြီ။ ကိုနု တို့  ဘနားဂျီး တို့ စိုးထွန်း တို့ က ၊ သပိတ်လှန်လို ပြီ။ ဘွဲ့ ရလု ရခင် ဖြစ်နေ ပြီ ဖြစ်တဲ့ ကိုမြ လည်း ၊ သူ့ ရည်မှန်းချက်တွေ အတွက် ကျောင်းပြန် တက်ချင်ပြီ။ သို့ပေမဲ့ ၊ လှဖေ ၊ ဖေခင် နဲ့ ညိုထွန်း တို့က ၊ မလှန်ရေးချ မလှန် ။ ကျော်သိန်းကတော့ ဟိုဖက်လိုလို ဒီဖက်လိုလို ။ တင်မောင်က လည်း ဝေခွဲ မရ ။ ဒီနေရာမှာ ၊ ညိုထွန်း ကောက်ချက်ချ သလို ၊ စိုးထွန်း သပိတ်လှန် ချင်တာ ၊ ဘီအေ အောင်ဖို့ ၊ ဘီအယ် ဆက်တက်ဖို့ အတွက် သက်သက်လား ။


ကျုပ်လည်း မှောက်ချင်တာပါပဲ ၊ ဘယ်သူ ကျုပ်တို့ ထက် စိတ်ပါအုံးမလဲ ၊ ဒါပေမဲ့ ခု အားနည်းတော့ မဖြစ်ဘူး ၊ ကျုပ်တို့ ခု မလှန်ရင် ဘယ်လောက် အကျိုးပျက်သွားမလဲ ၊ ဘယ်လောက် နစ်နာပြီး ၊ နောင် ဗမာပြည်ကို အကျိုး မဆောင်နိုင်ဘဲ  ရှိမှာဘဲ …. ဆုိုတဲ့ စိုးထွန်း ရဲ့ ချေပ သံ ထဲမှာ ၊ လွတ်လပ်ရေး အတွက် တိုက်ပွဲ ၀င်ဖို့  စစ်ပညာ ရှာဖွေ စစ်အင်အား စုဆောင်းခဲ့တဲ့ ဗိုလ်တေဇ ရဲ့ ၊  အားမန် တွေ ကို မြင်ရသည်။ ဖက်စစ် ဂျပန်ကို ပြန် တိုက်ထုတ်ဖို့  အတွက် ၊ အင်္ဂလိပ် နဲ့ ၊ မဟာမိတ် ပြု ခဲ့တဲ့ ဗိုလ်ချုပ်အောင်ဆန်း ရဲ့ ၊ ဗျူဟာ အချိန်အဆ တွေကို  သဘောပေါက်ရ သည်။ ဗမာပြည် ကြီး ပြန်လည် ထူထောင်ဖို့ အတွက် ၊ လူမှန် နေရာမှန် ခွဲခန့် စီမံ နိုင် ခဲ့တဲ့ ၊ ဦးအောင်ဆန်း ရဲ့ အလိမ္မာကို လှစ်ဟ ပြနေလေသည်။ 


တကယ်တော့ ၊ ၁၉ ၃၆ ခု ကျောင်းသားသပိတ် အလွန် တနှစ် ကျော် လောက် အကြာမှာ ရေးသား ဖြန့် ချီ ခဲ့ တဲ့ ၊ သပိတ်မှောက်ကျောင်းသား စာအုပ်ထဲ မှာ ၊ စိုးထွန်း ရဲ့ အခန်းကဏ္ဍ သည်  ကိုနု တို့ ဘနာဂျီ တို့လောက် အရေးမပါလှ ။ ကိုမြ ၊ လှဖေ တို့  ကျော်သိန်း တို့ ထက် လည်း ပိုပြီး မထူးခြားခဲ့ ။ ညိုထွန်း ၊ ဖေခင် တို့ နဲ့ ဆိုလျှင် ကွဲပင် ကွဲပြားနေခဲ့ သေးသည် ။ သို့ပေမဲ့ ၊ နောင် ဆယ်နှစ် လောက် အတွင်းမှာ ၊ အဲဒီ သူငယ်ချင်း တွေပဲ ဖြစ်တဲ့  ဦးနု ၊ ဦးရာရှစ် ၊ ဦးကျော်ညိမ်း ၊ တို့ လို နိုင်ငံရေးသမား ကြီးတွေ ထက် လူချစ် လူခင် ပိုများ . . . ဦးဖေခင် ၊ ဦးအုန်း ၊ ဦးသီဟန် တို့ လို ၊ နိုင်ငံ့ ဂုဏ်ဆောင် အဆင့်မြင့် အရာရှိ ကြီးတွေထက် ပို ပေါက်မြောက် . . . ဦးသိန်းဖေမြင့် ၊ ဦးညိုမြ တို့လို စာရေးဆရာ သတင်းစာဆရာကြီးတွေ ထက် ပို ရှေ့ရောက် . . . ဗိုလ်လက်ျာ တို့လို  ရဲဘော် သုံးကျိပ်ဝင်တွေ ရဲ့ ခေါင်းဆောင်  တယောက် ဘာကြောင့် ဖြစ်ခဲ့ ရသလဲ ။ 


ဗိုလ်ချုပ်အောင်ဆန်း လို့  ကျမ တို့ အားလုံး ၊ အားရ ပါးရ အမည်တပ်ခေါ်ကြတဲ့  ထိုပုဂ္ဂိုလ်ဟာ ကြမ်းတမ်းတယ် ၊ အကြံကြီးတယ်၊ သူပုန်စိတ် ရှိတယ် လို့ သူကိုယ်တိုင် ၀န်ခံ ရေးသားခဲ့သည်။ လွတ်လပ်မူ အတွက် ပုန်ကန်လိုတဲ့ ၊ သူ တယောက် ဟာ ၊ လက်နက် စစ်အင်အားကို အားပြုရသည်။  ဗမာ့ ကာကွယ်ရေး တပ်မတော်မှာ စစ်ဦးစီးချုပ်ကြီး ဖြစ်လာတဲ့ ဗိုလ်ချုပ်အောင်ဆန်းကို ၊ လူတွေ ဘာလို့ အားကုိုး ချစ်ခင်ကြတာလဲ ။ စစ်ဝတ်စုံ ၀တ် ၊ ဓါးလွယ်ချိတ်နဲ့  မြင်းကြီး စီး ပြီး  လွတ်လပ်ရေး ကို ကြံဆောင် တိုက်ယူနိုင်ခဲ့ခြင်း က အကြောင်းရင်းခံ ဖြစ်နေမလား လို့ ကျမ သံသယ ၀င်မိသည် ။ စစ်ဝတ်စုံ ကို ချွတ်ပြီး ၊ တောင်ရှည် ခေါင်းပေါင်း နဲ့ ပါလီမန် ထဲ ၀င်ခဲ့တဲ့ ဦးအောင်ဆန်း ကို ရော ၊ နိုင်ငံ တနံ တလျားက တိုင်းရင်းသား လူမျိုးစု တွေက ၊ ယုံယုံကြည်ကြည် သစ္စာနှင်း ခဲ့တာပဲ မဟုတ်လား ။ ဒါပေမဲ့ ကံ အကြောင်းမလှ စွာပဲ ၊ သူဟာ ၊ နိုင်ငံရေး သမား ဦးအောင်ဆန်း ရဲ့ တာဝန်တွေကို ပြီးပြတ်အောင် မဆောင်ရွက် သွားနိုင်ခဲ့ ပေ ။ လက်ရုံးရည် တိုက်ပွဲ ကို ၊ ဖော်ဆောင် နိုင်ခဲ့ပေမဲ့ ၊ နှလုံးရည် တိုက်ပွဲ ကိုတော့ ၊ နောင်မျိုးဆက် တွေ အတွက် ၊ ချန်ထားရစ် ရ တော့ ပြီ။ 


သူ့ ခေတ် သူ့ အခြေအနေ အရ ၊ ကျမ တို့  နိုင်ငံရဲ့ သမိုင်းဟာ ၊ တခြား နိုင်ငံတွေနဲ့ မရိုးမစွဲ စွာပဲ ၊   စစ်သူကြီး တွေ ၊ လွှမ်းမိုးခဲ့ ကြ သည်။ တိုင်းပြည် တနံ တလျားက ၊ ဓါးလွတ်ကုိုင် မြင်းစီး သူရဲကောင်း ရုပ်ထု ကြီးများကို ၊ ကျမ တို့  လေးစား တန်ဖိုးထားပါသည်။ သို့သော်လည်း ၊ ရှေ့ တဲ့တဲ့က ခေတ်တခေတ်မှာတော့ ၊  အနုပညာရှင် တွေ ၊ စာပေ ပညာရှင်တွေ ၊ နိုင်ငံရေး ခေါင်းဆောင်ကြီး တွေ ၊ ပညာရှင်ကြီးတွေ ရဲ့ ၊ ရုပ်တု ကြီးတွေ ကိုလည်း ပေါပေါများများ မြင်လို လှပါသည်။ 


ဆိုတော့ . . . နှစ်တရာ ပြည့် ခဲ့ ပြီ ဖြစ်တဲ့ ဒီနေ့ ဒီ အချိန်မှာ ၊ ကျောင်းသား သမဂ္ဂခေါင်းဆောင် ကိုအောင်ဆန်း ရဲ့  ရုပ်ထု လေး တရုပ် တလေ များ ၊ ဘယ်မြို့ ဘယ်ဒေသ ၊ ဘယ် ပရ၀ုဏ် မှာ ထုဆစ် တည်ဆောက် နိုင်ကြပြီလဲ လို့ ၊ လိုက်လံ ရှာဖွေ မိသည်။ ဘာပဲ ပြောပြော သပိတ်မှောက် ကျောင်းသား စိုးထွန်း ရဲ့ ၊ ၀ိညဉ် ဟာ ၊   နေရာ အတော်များများ မှာ အရိပ်ထိုး  နေတာ ကို တော့  မြင်နေ သိနေရလေ သည်။


မကေသွယ်
၂၅ ဖေဖော်ဝါရီ ၂၀၁၅


ရာပြည့် စာမူ မိုးမခ အတွက်ရေးသား ။



(မှတ်ချက်-  သပိတ်မှောက် ကျောင်းသား ၀တ္တုမှာ ပါဝင်တဲ့  ဇတ်ကောင် အများစုဟာ တကယ့် ပြင်ပ မှာ ပါဝင် ပတ်သတ်ခဲ့တဲ့ ကျောင်းသား တွေကို ၊ ကိုယ်စားပြုတယ် လို့  ယုံကြည်လက်ခံ ထားကြတဲ့  အထဲမှာ ၊ စိုးထွန်း ဟာ ဦးအောင်ဆန်း ၊  ကိုန ဟာ ဦးနု ။ ညိုမြ ဟာ စာရေးဆရာ ညိုမြ ၊ လှဖေ ဟာ ဗိုလ်လက်ျာ ၊ ဖေခင် သည် သံအမတ်ကြီး ဦးဖေခင် ၊ ကိုမြ သည် သံအမတ်ကြီး ဦးအုန်း ၊ သီဟန် သည် သံအမတ်ကြီး ဦးသီဟန် ကျော်သိန်း သည် ၀န်ကြီး ဦးကျော်ငြိမ်း ၊ ဘနားဂျီး သည် ဗမာပြည်ကွန်မြူနစ်ပါတီ ဥက္ကဌ မစ္စတာရာရှစ် စသဖြင့် ၊ ယူဆ မှတ်ယူ ရေးသား ပါတယ်။ အဓိက ဇတ်ဆောင် ညိုထွန်း ကိုတော့ စာရေးသူ ဦးသိန်းဖေမြင့် ကိုယ်တိုင် လို့  သေချာ နိုင်ပေမဲ့  သပိတ်မှောက်တဲ့ အချိန်မှာ ဦးသိန်းဖေမြင့် မရှိတာကြောင့် ၊ ညိုထွန်းဟာ ဦးသီဟန် လည်း ဖြစ်တယ် ဆိုတဲ့ အယူအဆ လည်း ရှိပါတယ်။ တင်မောင် ကိုတော့ ဒေါက်တာ သာလှ ဟု ထင်မြင်မိသော်လည်း မသေချာပေ )

ဆက်စပ်ဖတ်ရန်-   သပိတ်မှောက် ကျောင်းသားများ


Share/Bookmark

သပိတ်မှောက်ကျောင်းသားများ

xxxxxx အမျိုးသား ပညာရေးဥပဒေ ပြင်ဆင်ရေး ဆန္ဒပြ ကျောင်းသားများ ပင်မ သပိတ်စစ်ကြောင်း ရွှေတောင်မြို့ မှ ဆက်လက် ထွက်ခွါ xxxxxxx

ရွှေတောင်ပြီးရင် ကျမတို့  မြို့ ၊ ပေါင်းတည် ကို ရောက်ပြီပေါ့။ ဖတ်လက်စ Daily Eleven သတင်းစာ ကို ဘေးချ လိုက်ရင်း ၊ အခု  တောင်းဆိုချက် ဆယ့်တစ်ချက်ကို မူအားဖြင့် လိုက်လျော လိုက်ပြီ ဆိုတော့ ၊ ကျောင်းသားတွေ ရန်ကုန် ရောက်အောင် ဆက်ပြီး ချီတက်ဖို့ ခက်ခဲသွားလိမ့်မယ် ထင်တယ်နော် . . . လို့ ၊ မလှမ်းမကမ်း မှာ စာထိုင်ဖတ် နေတဲ့ ဖခင်ကြီး ကို လှမ်းပြီး မေးခွန်းထုတ် အဖော်စပ် လိုက်မိသည်။ 

ဖခင်ကြီးက ၊ ဘာမှ မပြောပဲ ၊ သူ့ထိုင်ခုံ နောက်က စာအုပ်ဗီရို ကို အသာ ဖွင့် ပြီး ၊ စာအုပ်တအုပ် ကို ဆွဲထုတ်လေသည်။  ရော့ . . ဒီစာအုပ်ကလေးကို အပျင်းလဲ ပြေ နောက်တခေါက် ထပ်ဖတ်ကြည့်ပေါ့ကွာ . . သမီးအတွက် တွေးစရာ အသစ်တွေ . . မတူတဲ့ အဖြေ တွေ ရခြင် ရလာ လိမ့်မယ် . .  လို့ ၊  ကမ်းလုိုက်တဲ့ စာအုပ်ကလေး ဟာ ၊ ထောင့်မှာ ပိုးကိုက်ရာတွေ ပြည့်နေတဲ့ ၊ ပန်းချီ ဦးသောင်းဟန် ရဲ့   လက်ရာ မျက်နှာဖုံး နဲ့  သိန်းဖေမြင့် ရဲ့  ဒုတိယ အကြိမ်ထုတ် “သပိတ်မှောက်ကျောင်းသား” ။ ဒီ စာအုပ်ကလေးကို အနှစ် နှစ်ဆယ်လောက် အကြာမှာ ဒုတိယ အကြိမ် ပြန်ဖတ် ကြည့်ရ ပေဦးမည်။ 
+++++




အမှန်ကို ဘွင်းဘွင်းကြီး ရေးသဖြင့် ၊ တစုံ တယောက်ကို ထိခိုက်သွားလျှင် သွားပါစေ ။ ကျွနု်ပ်အား အပြစ်လွှတ်ပါဟု ၊ ကျွနု်ပ်ကား မတောင်းပန် . .  ဆိုတဲ့ သိန်းဖေမြင့် ရဲ့ အမှာစကားက  သမိုင်းကို ချိတ်တွယ်ထားတဲ့ သူ့ ၀တ္တုရဲ့  မြဲမြံ မှန်ကန်မူကို စိတ်ချစေလေသည်။ စာရေးသူ ရဲ့  ကိုယ်ပွား ဇတ်ကောင် ညိုထွန်း ကစလို့ ၊ ကိုန ၊ ကိုမြ ၊ စိုးထွန်း ၊ ကျော်သိန်း ၊ ဖေခင် ၊ ညိုမြ ၊ ဘနားဂျီး ဆိုတဲ့ တကယ့် သမိုင်းဝင် သပိတ်မှောက် ကျောင်းသားကြီးတွေ တင်မက ၊ အမာ၊ မအုန်း ၊ မခင်မြ ဆိုတဲ့  နာမယ်ကျော် သပိတ်မှောက် ကျောင်းသူ တွေကို ပါ ၊ ဇတ်ရုပ်ဆင် ပြီး ရေးသား တင်ပြ ခဲ့ပုံက ၊ သမိုင်းမှတ်တမ်းတခု ထက်ပင် ပို ၍၊ ကွက်ကွက်ကွင်းကွင်း ရှိလှသည်။ 


ရန်ကုန်တက္ကသိုလ်ကြီး ပြန်ဖွင့်လို့ ၊  ကျောင်းပြန်မဲ့ သားကို လိုက်ပို့ ကြတဲ့ ဆွေမျိုးမိဘ တွေ နဲ့  အညာက ၊ ဘူတာရုံလေးရဲ့ မြင်ကွင်း ကနေ စ ပြန်ဖတ်ရင်း ၊  ကျောင်းဖွင့်စ ၊ ကျောင်းဆောင် အသီးအသီး ရဲ့ ၊  အမူဆောင် ရွေးချယ်ပွဲတွေ ၊ အပြောကောင်း အဟောကောင်း ရန်ကုန်တက္ကသိုလ် သမဂ္ဂ ဥက္ကဌ ကိုနု နဲ့ အတူ ၊ ၀ံသာနု အမျိုးသားရေး စိတ်တွေ နိုးကြားနေတဲ့ ၊ သမဂ္ဂ အမူဆောင် ကျောင်းသား တသိုက်ရဲ့  စည်းဝေး လှုံ့ဆော်မူ တွေ  ၊ စတဲ့ အခန်း တခု စီ တိုင်းက ၊ ၀တ္တု ကို ၊ ယုတ္တိအမြင် နဲ့ အသက်ဝင်နေ ပြန်တော့တယ်။ လွန်ခဲ့တဲ့ နှစ်ပေါင်း ၊ ၈၀ လောက်က တက္ကသိုလ်ကျောင်းသား တွေ ရဲ့ ၊ နောက်လုံး ပြောင်လုံး တွေကလည်း ၊ အံ့သြစရာကောင်းအောင် ခေတ်မီ နေသေးသည် ။ ပြင်းထန်တဲ့ သမဂ္ဂ အစည်းအဝေးမိန့်ခွန်းကြောင့်၊  ဥက္ကဌ ကိုန ကျောင်းထုတ်ခံရ ၊ တက္ကသိုလ်ဆရာ တယောက်ကို သရော်ထားတဲ့  စာတပုဒ် ကြောင့် အိုးဝေ မဂ္ဂဇင်း အယ်ဒီတာ စိုးထွန်း ကျောင်းထုတ်ခံရ ၊ နောက်ဆုံး အလုပ်သမားရေးတွေပါ ပူးတွဲလှုံ့ ဆော်တယ် ဆိုပြီး  ဇတ်လိုက် ညိုထွန်း ကိုယ်တိုင်လည်း ကျောင်းထုတ်ခံ ရ တဲ့ အခါမှာတော့ ဇတ်ရှိန် မြင့်လာပြီး ၊ သမဂ္ဂ အမူဆောင် တွေ အားလုံး ၊ စာမေးပွဲ မဖြေ သပိတ်မှောက်ဖို့ ဆုံးဖြတ်တဲ့ အခန်း နဲ့၊ အင်းလျား ဆောင်က ကျောင်းသူတွေ တင်မက တခြား ကျောင်းသူ တွေ ကိုပါ ၊ သပိတ်မှောက်ဖို့  စွဲဆောင် လှုံ့ ဆော်တဲ့ အခန်း တွေ ဟာ၊ စိတ်အား တက်ကြွစရာ အကောင်းဆုံး နဲ့ ဖတ်လို့ အကောင်းဆုံး အခန်း တွေ ပဲ ။ 


လမ်းလျှောက်လာကြသူ ကျောင်းသူ ရှစ်ယောက်ကား ဘတ်စ်ကား တစီးပေါ် တွင် တက်ကြ၏။  သူတို့ကား အစည်းအဝေးတွင် ဘာပြောသည် ဘာဆွေးနွေးသည်ကို မသိကြရ ။ “သပိတ်မှောက်ပြီ” ဟူသော စကားကိုသာ ကြားကြရ၏။  သူတို့ အတွက် သပိတ်မှောက်ရန် ဘာကြောင့်လိုပါသည် ဘာအကြောင်းတွေကြောင့် သပိတ်မှောက်ကြမည် ဟူသော အချက်များ မလို ။ သူတို့ကား သပိတ်မှောက်ရန် လိုကြောင်း နားလည်ကြပြီး ဖြစ်ခဲ့သည်။  သပိတ်မှောက်ဘို့ အကြောင်းများကို အားလုံး သူတို့ ခံစားပြီး သိပြီး ဖြစ်သည် ။


ဟုတ်သည်။ အထွေထွေ မကျေနပ်မူ များက သပိတ်တွေဆီ ဦးတည် နေတတ်သည်။ ကျောင်းသားသပိတ် သမိုင်းကို ပြန်ကြည့်တော့ ၊  ၁၉ ၂၀  ပထမ ကျောင်းသားသပိတ်က ၊ ရန်ကုန်တက္ကသိုလ်ကြီး စတင် တည်ထောင်တဲ့ အက်ဥပဒေ ကို မကျေနပ် လို့ ဆိုပေမဲ့ ၊ နယ်ချဲ့ စနစ်ကို အံတု ဖီဆန်ခြင်းသာ ။ ၁၉ ၃၆ ဒုတိယ ကျောင်းသားသပိတ် မှာလည်း  -ကျွန်ပညာရေးစနစ် အလိုမရှိ -  လို့ အော်ရင်းပင် ၊ မျိုးချစ်စိတ်တွေ တဆင့်တိုး လို့ လွတ်လပ်ရေး ကြိုးပမ်းမူ ဆီ ရောက်အောင် သွားခဲ့ကြ သည် ။ အဲဒီ နောက်တော့ တတိယ အကြိမ် မက တော့တဲ့ ကျောင်းသား သပိတ်ပေါင်းများစွာ ။ သို့ပေ  သမိုင်းစာသင်ခန်း တွေ ထဲ မှာတော့ ၊ ဒုတိယ ကျောင်းသားသပိတ် မှာ သာ တခန်းရပ် နေ တော့သည်။  နယ်ချဲ့  လူမျိုးခြား ကို ဆန့်ကျင် အုံကြွ ခဲ့တဲ့  ကျောင်းသား သပိတ် နှစ်ခုကို သာ သမိုင်းတင် ကြပေမဲ့ ၊ လူမျိုးတူခြင်း သွေးစုပ်တဲ့ စစ်အာဏာရှင် စနစ်ကို တောက်လျှောက်  ဆန့်ကျင် ဆန္ဒပြ ခဲ့ ကြတဲ့ အခြား ကျောင်းသား သပိတ်တွေ ကတော့ ၊ သမိုင်း မတင်နိုင်သေး ။အနည်မထုိုင်နိုင်သေး ။ 


၁၉ ၆၂ ခုနှစ်မှာ ဆဲဗင်းဂျူလိုင် လှုပ်ရှားမူ ကြီးနဲ့ အတူ၊ ကျောင်းသားသပိတ်တွေ ရဲ့ ဘူမိနက်သန် ရန်ကုန်တက္ကသိုလ် သမဂ္ဂ အဆောက်အဦ ကြီး ဖြိုချ ဖျက်စီး ခံလိုက်ရသည် ။ ဒါပေမဲ့ ကျောင်းသား လူငယ်တွေရဲ့  နိုင်ငံ့ အရေးအတွက် မဟုတ်မခံ ထက်သန်မူတွေ ပြိုကျ မသွား။ သမဂ္ဂ စိတ်ဓါတ်တွေ ပျက်စီးမသွား ။ ဒီ မြေကွက်လပ်ကြီး ဆီကို ပဲ ပြန်လာနေကြသည်။ ၂၆ နှစ် အကြာ ရှစ်လေးလုံး အုံကြွမူကြီးမှာ လည်း ၊ ဒီ သမဂ္ဂ ကွက်လပ်ကြီးဆီပဲ ပြန် လာကြသည်။ ဟော နောက်ထပ် ၂၆ နှစ် အကြာ ၂၀၁၅ ခုမှာလည်း သမဂ္ဂကြီး ဆီ ပြန်လာနေကြပြန် ပြီ။ အရောင် အမျိုးမျိုး ပြောင်းခဲ့တဲ့ စစ်အာဏာရှင် စနစ်ကို ၊ သဏ္ဍန် အမျိုးမျိုး ပြောင်းလာတဲ့ ကျောင်းသားတွေက အံတု ကြပြန်ပေပြီ ။ လက်ကိုင်ဖုံးလေးတွေ ကိုယ်စီ ကြည့်လျက်က ၊ လမ်းမကြီးတွေ ကို ဖြန့်ကျက် ချီတက်လာတဲ့ ကျောင်းသားလေးတွေကို  ၊ ပြည်သူ တွေ သောင်းသောင်းဖျဖျ ကြိုဆိုကြသည်။ အသားညိုညို ဆံပင်တို မသပ်မယပ် နဲ့ ၊ ကျောင်းသားလေးတွေက ပဲ ၊ လူကြီး တွေ နဲ့  တပြေးတည်းထိုင် တ၀ိုင်းတည်း ဆွေးနွေးနေကြပြီ။ 


၁၉ ၃၀ ခုနှစ်တွေ တုန်းကရော ၊ ညိုထွန်း တို့ စိုးထွန်း တို့  ကျော်သိန်း တို့ လို ၊ အညာက လာတဲ့ အမျိုးသား ကျောင်းထွက် ၊ ဘိုသံ မပီ ၊ မသေမသပ်  ညစ်ကပ်ကပ် ကျောင်းသား လေးတွေကို အင်္ဂလိပ်လူမျိူး ကျောင်းအုပ်ကြီးတွေ ၊ ဘယ်မှာလာ အထင်ကြီး ခဲ့ လေမလဲ ။ နောက်တော့လဲ မြန်မာပြည်သစ်ကို တည်ဆောက် တဲ့ ၊ လွတ်လပ်ရေး ရဲ့ ဖခင်ကြီးတွေ သတင်းစာဆရာကြီးတွေ ၊ ၀န်ကြီးတွေ ဖြစ်လာခဲ့ ကြသည်။ ဒီ ခေတ်တွေ ကြားထဲမှာ တော့ ၊ ပညာရေး အခြေခံ တွေ က ၊   အများကြီး ကွာခြား ခဲ့ပြီ ပေါ့ ။ အဲဒါကြောင့်လဲ ၊ ကနေ့ သူတို့ ရဲ့ တောင်းဆိုချက်တွေထဲ မှာ ၊ နှုတ်တိုက်ကျက် ပညာသင်ကြားရေး နဲ့ ၊ ၏-သည် မလွဲ စာမေးပွဲ စနစ်ကြီးကိုပါ ၊ ဖယ်ရှား နိုင် ဖို့ ကြိုးစားနေကြ ခြင်းဖြစ် သည်။ ကျောင်းသားတွေ ရဲ့  သဘောထား မပါတဲ့ ၊ အမျိုးသားပညာရေး ဥပဒေကြမ်းကို ၊ ပယ်ဖျက် ပြင်ဆင်နိုင် ဖို့ ၊ တိုက်ပွဲ ၀င်နေကြ ခြင်း ဖြစ်သည်။


ကျွန်ပညာရေး ၊  သခင် ပညာရေး ၊ အမျိုးသား ပညာရေး ၀ိသေသ တွေ အမျိုးမျိုး တပ်ကြသည်။ ဟုိုတုန်းက နယ်ချဲ့ စနစ် အတွက် လိုအပ်နေတဲ့ စာရေး စာချီ အုပ်ချုပ်ရေး အရာရှိ တွေ ကို  မွေးထုပ်ပေး တာမို့ ၊ ကျွန်ပညာရေး ရယ် လို့ ခေါ်ဆို ရှုံ့ ချ ခဲ့ သည်။ ညို ထွန်း တို့ လို သပိတ်မှောက် ကျောင်းသားတွေ က၊ လွတ်လပ်တဲ့ တိုင်းပြည်ကို တည်ဆောက်ဖို့ ၊ စက်မူ လက်မူ အတတ်ပညာ တွေ ကို သင်ကြား တတ်မြောက်နိုင်မဲ့ ၊ သခင်ပညာရေး . . အမျိုးသားပညာရေး ဖြစ်ရမည် လို့ မျှော်မှန်း သည်။ နှစ်ပေါင်း ရှစ်ဆယ် ကျော်လာတဲ့ အခါမှာ ၊ သူတို့ မျှော်မှန်း ခဲ့တဲ့ အမျိုးသား ပညာရေး က ဘယ့်ဂလောက် ခရီးပေါက်ခဲ့ ပြီလဲ ။ ကျောင်းသားသမဂ္ဂ ကြီး ဖျက်စီးခံ ပြီးနောက်ပိုင်း ၊ အစိုးရ က တိုက်ရိုက် ချုပ်ကိုင်လာတဲ့ မြန်မာ့ ပညာရေး စနစ်ဟာ ၊ သပိတ်မှောက် ကျောင်းသူ ထားမြင့် တို့ အမာ တို့  ခေတ်က ကျွန်ပညာရေးထက်တောင် ဘယ်လောက် ဆိုးဝါး နိမ့်ကျ နေခဲ့ ပြီလဲ ။ ဧရာဝတီ တိုင်းက လမ်းလျှောက် ချီတက်လာတဲ့ ကျောင်းသူ ကလေး တယောက်ကတော့ - “ပညာရေးစနစ်မှာ ဘာကို စိတ်အပျက် ဆုံးလဲဆိုတော့ ဘာမှမရေရာတဲ့ အာမခံချက် မရှိတဲ့ ပညာရေးစနစ် ဖြစ်နေတာကို စိတ်အပျက်ဆုံးပါပဲ။ အခု ကျောင်းတက်နေကြတဲ့အချိန် ဘွဲ့ရတဲ့အထိက လူငယ်တွေအတွက် ခွန်အားအရှိဆုံး၊ အလုပ်လုပ်နိုင်ဆုံး၊ ဥာဏ် အကောင်းဆုံး၊ ဖွံ့ဖြိုးမှုအရှိဆုံး အရွယ်တွေမှာ ပညာရေးစနစ်က မကောင်းတော့ သမီးတို့ လူငယ်တွေဘဝက အလကား အချိန်တွေ ပြုန်းတီးကုန်တယ်။ ” -  လို့  ဆိုသည်။ 


ကနေ့ ခေတ် တိုင်းပြည်မှာ လူဦးရေ တိုးပွားလာလို့  တက္ကသိုလ်ကျောင်းသား ဦးရေ တွေလည်း များပြား လာပြီ မို့ ၊ တက္ကသိုလ်တွေကို တိုးချဲ့ ဖွင့်လှစ် လာကြတာ လျော်ကန် သင့်မြတ်ပါရဲ့ ။ သို့ပေမဲ့ မြို့တိုင်း နယ်တိုင်းမှာ ၊ အဆောက်အဦ ဆင်တူ ကြီးတွေ ဆောက်ပေးလိုက်ယုံ နဲ့ တက္ကသိုလ်တခု ဖြစ်သွားသည်မှ မဟုတ်ပဲ ။ အရေးကြီးတာ က၊ ကျောင်းသား တယောက်ဟာ ၊ တက္ကသိုလ် ကို ငွေကုန်ခံ အချိန်ကုန်ခံ တက်ပြီး ၊ တက်ပွန် လိမ္မာ တဲ့ တိုင်းပြည်ရဲ့ အင်အား တကယ် ဖြစ်လာ ရဲ့ လား ဆိုတဲ့ ပြသာနာ ။ စာမေးပွဲ တွေကို ၊ နှုတ်တိုက်ကျက် အမှတ် စနစ် နဲ့ ၊ ၏- သည် မလွဲ ၊ အစက် အပျောက် ၊ အရစ် အသတ် ပါ မကျန် ဖြေဆို အောင်မြင်လာတဲ့ ၊ ထူးချွန် လက်ရွေးစင် ကျောင်းသား တွေ ချည်းပဲ ၊ ကျောင်းသား စစ်စစ် ဧကန် အဖြစ် နဲ့ ၊ တိုင်းပြည် ကို တည်ဆောက် နိုင် မှာ တဲ့ လား ။ သပိတ်မှောက် ကျောင်းသား ညိုထွန်း တောင့်တတဲ့ ၊ စက်မူ လက်မူ အသက်မွေးမူ ပညာရပ် တွေဟာ လည်း ၊ အခုလို တိုင်းပြည် ပြန်လည် တည်ဆောက်ရမဲ့ အချိန်မှာ ၊  အရေးတကြီး လိုအပ်နေ သည် မဟုတ်လား။ သို့ပေမဲ့  မတူညီ တဲ့ လူနေမူ စနစ် အောက်က ၊ မမျှတ တဲ့ ပညာရေး ပေါ်လစီ တွေဟာ ၊ သာမန် ကျောင်းသားတွေ အတွက် ၊ လျှောတိုင် တက် ရသလိုသာ ဖြစ်နေပေလိမ့်မည်။ တကယ်တော့ တိုင်းပြည်မှာ ပညာရေး နဲ့ ပတ်သတ်ရင် ၊ ဟိုး အောက်ခြေ မူလတန်း အဆင့်က စလို့ ၊ ပြုပြင် ပြောင်းလဲ စရာတွေ တပုံတခေါင်းကြီး ဖြစ်နေခဲ့ ပြီ။ ဆိုတော့ အခု ကျောင်းသားသပိတ် နဲ့ အမျိုးသားပညာရေး ကွန်ယက် တို့  တောင်းဆို ညှိနှိုင်းနေတဲ့ အချက် (၁၁) ချက်ဟာ၊ ပညာရေး ပြုပြင်ပြောင်းလဲမူကြီး တခု ဖြစ်လာဖို့ ၊ အများကြီး ခြုံငုံ ပြည့်စုံစေလိမ့်မည် ဟု ၊ ယူဆ မိသည်။


နောက်ဆုံး သတင်းများ အရ တော့၊ တာဝန်ရှိသူများ ဖက်မှ  ဥပဒေပြု လွှတ်တော်မှာ ၊ ပြန်လည် ပြင်ဆင် ဆွေးနွေးမယ်လို့ ၊ သဘောတူညီမူ ရရှိ ပြီ ဆိုလို့  ၀မ်းသာနေမိသည်။ တပြိုင်နက်တည်းမှာပဲ ၊ လွှတ်တော်ကြီးထဲမှာ ဆွေးနွေး ကြန့်ကြာ နေအုံးမဲ့ အချိန်တွေ အတွင်းမှာ ၊ ကျောင်းသား လူငယ်တွေ ရဲ့ စုစည်းမူ နဲ့ စိတ်အားထက်သန်မူ တွေ ၊ ဖြိုခွဲ ခံ ရ မှာ ကိုလည်း စိုးရိမ် မိပြန်သည်။ ကျောင်းသားသပိတ် ပင်မ စစ်ကြောင်းကြီး ကတော့ ၊ ကျမ တို့ မြို့ထဲကို ၀င်ရောက်လာ ခဲ့ပြီ။ ညီညီညာညာ သေသေသပ်သပ် နဲ့  မြို့ကို တပတ် ပတ် ကြသည်။


သပိတ်မှောက် ကျောင်းသား စာအုပ်ထဲက ဇတ်ကောင်တွေကို ၊ လမ်းပေါ် မှာ မျက်မြင်ကိုယ်တွေ့ လက်ဝှေ့ယမ်းပြမိသည်။ ၀တ္တုစာအုပ်လေးကို၊  ဖတ်လို့ အားမရ နိုင်သေးသလို ၊ အရှေ့ကို ပြန်သွားလိုက် ၊ နောက်ကို ပြန်လှန် လိုက်  လုပ်နေရင်းက ၊ ကြားနေရတဲ့ ကျောင်းသားစစ်ကြောင်းတွေ ရဲ့ နောက်ဆုံး သတင်း တွေက ၊ ပိုလို့ ပင် စိုးရိမ်မကင်း စရာ ဖြစ်လာနေသည်။  အစိုးရ ဖက်က ၊ ပြောသသမျှကို လွယ်လွယ်ကူကူပင် လိုက်လျော ဟန်ပြသည်။ ဒါပေမဲ့ ရန်ကုန်မြို့ ထဲ ကိုတော့ မ၀င်ရ လို့ ၊ အမိန့် ထုတ်သည်။ သမဂ္ဂ ကွက်လပ်ကြီး ဆီ ၊ နောက်တဖန် ချီတက်လာကြ ပြန် တဲ့  ကျောင်းသားတွေ ရဲ့ စုစည်းမူ ကို ၊ လိုလားပုံ မရ ။ အထွေထွေ မကျေနပ်မူတွေ များပြားနေတဲ့ တခြားပြည်သူတွေ ဆီ၊ ပျံ့နှံ့ ကူးစက်သွားမှာကို စိုးရိမ်သည် ဟု ၊ ၀န်ခံ လေသည်။ ကျောင်းသား တွေ ဘာဆက်လုပ် မည်လဲ ။ 


အောင်ပွဲခံ ဖို့ ရန်ကုန်မြို့ ကို  ၀င်လာမယ် ဆိုတဲ့ ကျောင်းသားတွေရဲ့  စကားကို ၊ “သပိတ်မှောက်ကျောင်းသား” ၀တ္တုထဲက ၊ သမဂ္ဂ အမူဆောင် ကျောင်းသားကြီးတွေသာ သိခွင့်ရအုံးမယ် ဆိုရင် ၊ ဘယ်လိုများ ပြောလေ မလဲ ။ ကိုနု တို့  စိုးထွန်း တို့ ကျော်သိန်း တို့က ၊ အောင်မြင်မူ အတိုင်းအတာတခု ရနေပြီ မို့ ၊ ဒီလောက် နဲ့ ကျေနပ်ကြဖို့  တိုက်တွန်းလေ မလား ။ ညိုထွန်း တယောက် က တော့ ၊ စာအုပ်ထဲက ခုန်ထွက်လာပြီး ၊ သပိတ် မလှန် စတမ်း ဆုံးခမ်းတိုင် တိုက်ပွဲ ၀င်ဖို့ ၊ အာဘောင် အာရင်းသန်စွာ ပြောပေ ဟောပေ လိမ့်မည် ။ တိုက်ပွဲ ရှိမှ  အောင်ပွဲ ရှိမယ် ဆိုတဲ့ ၊ လူတချို့ ကတော့ ၊ အောင်ပွဲ ဆက်ဆက်ခံရ မည် လို့ ဆိုပေမည်။ သူနိုင် - ကိုယ်နိုင်  ဘယ်သူမှ မရှုံးစေချင် တဲ့ လူတချို့ က လည်း၊ အောင်ပွဲ ဆိုတာ မသုံးစွဲသင့်တဲ့ စကား လို့ နားချ ပေမည်။ 


ကျမ ကတော့ ပေါင်းတည်မြို့ က ထွက်ခွါ သွားတဲ့  ကျောင်းသားလေးတွေ ရဲ့ ကျော ပြင်ကို ငေးကြည့်ရင်း ၊ လက်ကိုင်ဖုန်းလေးတွေ တကြည့်ကြည့် ၊  နဂို ညိုတဲ့ အသားတွေမှာ နေထပ်လောင် ထားတဲ့  ကျောင်းသားလေးတွေ ဆီမှာ တွေ့ရဦးမဲ့ ၊ အံ့သြစရာ ဆုံးဖြတ် လုပ်ဆောင်ချက် တွေကို သာ၊ ယုံယုံ ကြည်ကြည် စောင့်မျှော် နေမိလေသည်။


မကေသွယ်
၁၅ ဖေဖော်ဝါရီ ၂၀၁၅
Daily Eleven တွင် ဖော်ပြ ပါရှိ





Share/Bookmark

ဘာလင်တံတိုင်းပေါ်က အယူဝါဒ သစ်ပင်များ




ဘာလင် တံတိုင်းကြီး ပြိုကျ ခဲ့တဲ့ ငွေရတု အမှတ်တရများ ။ တကမ္ဘာလုံးကို ကုန်စည်တွေ တင်ပို့နေတဲ့ တရုတ်ပြည်က စက်ရုံကြီးတွေ ၊  မီးခိုးတိတ် ပေးလို့  Blue Sky APEC လို့  တင်စားလိုက်ရ တဲ့  ခဏတာ ကောင်းကင်ပြာပြာအောက်က ၊ နိုင်ငံ ခေါင်းဆောင်ကြီးများ ရဲ့  ၊ ခဏတာ အပြုံးများ ။ မြန်မာနိုင်ငံ ကြီး ရဲ့၊ မြောက်များလှစွာသော နိုင်ငံရေး အကြပ်အတည်းများ ကြားထဲ ကနေ ၊ ခပ်သဲ့သဲ့ ကြားလိုက်ရတဲ့ ၊ အင်တာနေရှင်နယ် သီချင်းသံ ။ တချက်တချက် စူးတက် လာတဲ့ အလုပ်သမား သပိတ်သံ နဲ့ လယ်သမား ကြွေးကြော်သံ များ ။

ဒီ သတင်းပတ်များ ထဲ ၊ အတွေးထဲ ပိတ်မိ နေတဲ့ အကြောင်း တွေကို စာရွက်ပေါ်မှာ တင်ပြီး ၊ ဟိုတစ ဒီတစ လျှောက် တွဲ စပ် ကြည့်မိပြန်သည်။


စစ်အေး နောက်တချီ

ညတွင်းချင်း ကာရံ ခဲ့တဲ့ ဘာလင် တံတိုင်းကြီး ကို၊ နှစ်ဆယ့်ရှစ်နှစ် အကြာ ၊ ညတည မှာပဲ  တူတချက် နဲ့ စ ပြီး ဖြိုဖျက် လိုက် ကြသည်။ ပေါက်ပြဲ သွားတဲ့ တံတိုင်းကြီးပေါ်ကို တက်ပြီး အောင်ပွဲခံ နေကြတဲ့ ဘာလင်မြို့သား တွေ ရဲ့  ၊ စိတ်လှုပ်ရှားစရာ ကောင်းလှတဲ့ ပုံရိပ်ဟာ ၊ ကမ္ဘာမှာ စစ်အေးတိုက်ပွဲ ကြီး တခု ဖြစ်ခဲ့တယ် ဆိုတာရယ် ၊ လူထုအင်အားက သာ၊ အကြီးမားဆုံး လက်နက် ဖြစ်တယ် ဆိုတာရယ်ကို ၊ သက်သေပြနေ ခဲ့တယ်။  ဒုတိယ ကမ္ဘာစစ် အပူကြီး အဆုံးသပ် သွားခဲ့လို့ ၊  ပြာတွေတောင်မှ မအေးသေးခင်မှာ ၊ အယူဝါဒ ပြသာနာကြောင့် စစ်အေးကြီးထဲမှာ ပြန်သံသရာ လည် ခဲ့ ကြခြင်းဖြစ် သည်။ ပြာစ တွေ လွင့် ရခြင်း ဖြစ်သည်။ ဒုတိယ ကမ္ဘာစစ်မှာ မဟာမိတ်အဖြစ်သာ ပါဝင်ခဲ့တဲ့ အမေရိကန် က ၊ သြဇာတွေ ရော အင်အားတွေပါ ကြီးထွားလာခဲ့ရင်း သူတီထွင် ဖော်စပ် ခဲ့တဲ့  အရင်းရှင် ဒီမိုကရေစီ စနစ်ကြီးနဲ့  ကမ္ဘာကို ဖြန့်ကျက်ဖို့ လုပ်တော့ ၊ ကွန်မြူနစ် စနစ်ကြီး အပင်ပေါက် ရှင်သန် ကြီးထွားရာ  ဆိုဗီယက် ရုရှ ကြီး နှင့် ထိက်တိုက် တိုး ခဲ့လေသည်။ ကမ္ဘာ့ နိုင်ငံတွေ ၊ ဟိုနောက်လိုက် ဒီနောက်လိုက် ၀င်ရိုးတွေ ကျွံ ခဲ့ ကြသလို  လူမျိုးတူ အခြင်းခြင်း ခုတ်ထစ် သတ်ဖြတ် ခဲ့ ကြသည်။  တမြို့တည်း နေရင်းတောင် တံတိုင်းခြား ခံ ခဲ့ ကြရသည်။

စစ်အေးကြီးကို အဆုံးသတ် ခဲ့သူ ၊ ဒါမှမဟုတ် ဆိုဗီယက် ပြည်ထောင်စု ကြီးကို ပြိုကွဲ ပျက်စီးစေ ခဲ့သူ  လို့  စွပ်စွဲ ခံ ခဲ့ ရတဲ့၊  ရုရှ ခေါင်းဆောင်ဟောင်း ဂျော့ဗားချော့ဗ် က တော့ ၊  သူ့ကိုယ်သူ ခုခံ ကာကွယ်ရင်း ၊ ကမ္ဘာကြီးဟာ ဒုတိယ စစ်အေး ကြီး တခု နားကို ရောက်နေပြန်ပြီ လို့  သတိပေး လိုက်သည် ။ ဘယ်အုပ်စု နဲ့ ဘယ်ဝါဒ ကြားထဲ မှာ ဖြစ်နေ သည်လဲ ဆိုတာတော့ သေချာ မညွှန်းဆို ။ အရင်တုန်းက လိုပဲ ၊ အမေရိကန် ဦးဆောင်တဲ့  မြောက်အတ္တလန္တိတ် နိုင်ငံများ အုပ်စု  ( NATO) နဲ့   ရုရှ နောက်လိုက် အရှေ့ဥရောပ နိုင်ငံများ  ( Warsaw) အကြားမှာ ပဲ လား ။ ကမ္ဘာ့ နိုင်ငံရေး က ၊ ၀င်ရိုးတန်း နှစ်ခု ရဲ့  အားပြိုင်မူ မှာတင် မက တော့ ပဲ ၊ ၀င်ရိုးသစ် တွေ ရှိလာတာကို မြင်နေရသည်။ ကိုသြဒီနိတ် သဏ္ဍန် ဖြစ်လာနေပြီ လားတော့မသိ ။ အတိတ်ဟာ မြေထဲပင်လယ် ၊ ပစ္စုပ္ဗန် က  အတ္တလန္တိတ် ၊ အနာဂါတ် ကို ပစိဖိတ် လို့ ပြောကြသည်။ ကမ္ဘာ့ နိုင်ငံရေး က ၊ တကယ်ပင် ပစိဖိတ်ဒေသ ဆီ ရွေ့ လျှားလာ နေခဲ့ ပြီ။


အိမ်ကွင်း နဲ့ အဝေးကွင်း

ပြီးခဲ့တဲ့ လထဲက ၊ တရုတ်နိုင်ငံ ပီကင်းမြို့ မှာ ၊ လုပ်ခဲ့တဲ့ APEC ( Asia-Pacific Economic Cooperation ) ရဲ့  ထိပ်သီး စည်းဝေးပွဲ သည်ပင် ၊ ၂၀၀၁ ခုနှစ်က ၊ တရုတ်ပြည် ရှန်ဟိုင်းမြို့ မှာ လုပ်ခဲ့တဲ့ စည်းဝေးပွဲ နှင့် မတူတော့ ။  ဆယ်စုနှစ် တခု ကျော်ကျော် ကြာခဲ့ပြီးတဲ့ နောက်မှာ ၊ တရုတ်ပြည် ရဲ့  စီးပွားရေးက တရှိန်ထိုး မြင့်တက် လာခဲ့ပြီ ။ တရုတ် ရဲ့ သြဇာ အာဏာ က  အမေရိကန် ကို ပခုံးခြင်းယှဉ် ကျော်ချင် လာပြီ ။ လူ့အခွင့်အရေး ချိုးဖောက်မူတွေ ၊ ပတ်ဝန်းကျင် ညစ်ညမ်းမူတွေ ၊ လာဘ် စားမူ ၊ လူမူစီးပွား မညီမျှ မူတွေ နဲ့ ၊ ပြသာနာ ရှာခံနေရတဲ့ ၊ တရုတ်ပြည်ကြီး ကို ၊ ခေါင်းဆောင်သစ် ဇီကျင်ပင်း ရဲ့  ယုံကြည်မူ အပြည့် ဟန်ပန် အောက်မှာ မြင်လိုက်ကြ ရ တဲ့ ၊ ကမ္ဘာ့ခေါင်းဆောင် တွေဟာ ၊ နည်းနည်းတော့ ရှိန်သွား ကြသည်။ လတ်တလော ဆီးနိတ်မှာ  ရှုံးနိမ့်သွားတဲ့ ဒီမိုကရစ်တစ်ပါတီရဲ့ သမ္မတကြီး အိုဘားမား ကို တော့ ၊ သူ့ ပြည်တွင်းက ပြသာနာတွေ ၊ ပခုံးပေါ်မှာ ထမ်းတင်ထားတဲ့ ကမ္ဘာ့ဝန် တွေ နဲ့ ၊ အားပျော့နေဟန် ပေါ်သည် လို့ ၊ သုံးသပ်ထင်မြင် ကြတာတွေ ရှိသည်။  အာရှ ဒေသတွင်းက ၊ အမေရိကန်  ရဲ့  ၊ စစ်နိုင် မဟာမိတ် ကြီး ဂျပန် ကို တောင် မသိမသာ ဘေးခေါက်လိုက်ပြီး ၊  ရုရှ ကို ဆွဲတင် ၊ သုံးပွင့်ဆိုင် ဖြစ်အောင် ဧည့်ခံ ပြ လိုက်ရင်း ၊  ဇီကျင်ပင်း ဟာ လျော့တွက် လို့  မရတဲ့ ခေါင်းဆောင် ဆိုတာကို သက်သေပြ လိုက်သည်။

APEC ပြီးသွားလို့  သြစတြေလျ  G 20 ကို ဆက်ကြ ပြန်တော့လည်း ၊  အိုဘားမား ကိုယ်တိုင်က ၊  သူတို့ အတွက် ပစိဖိတ်ဒေသတွင်းက ၊ အကြီးဆုံး မဟာမိတ် ဖြစ်လာနိုင်မဲ့ ၊ သြစတြေလျ အစိုးရ ကို ၊ မထင်မှတ်ထားပဲ ၊ ကာဘွန် ထုတ်လုပ်မူ နဲ့သဘာဝ ပတ်ဝန်းကျင် ပျက်စီးမူ  တွေကို ဂရုစိုက်ပါ ဆိုပြီး ပြောချလေသည်။  တကယ်တော့ ၊ သြစတြေလျ တိုက်က ထွက်သမျှ ၊ သံတွေ သတ္တုတွေက အစ ၊ လယ်ယာထွက် ပစ္စည်း အလယ် ၊ မွေးမြူရေးပစ္စည်း ပါ မကျန်  ၊ အကုန် သိမ်းကျုံး ၀ယ်ပေး နေတဲ့  တရုတ် နိုင်ငံ အပေါ် ၊ စီးပွားရေး ပလူးလွန်း နေတာကို သတိပေး ခြင်းသာ ဖြစ်မည် လို့  ယူဆ မိသည်။  တရုတ်က သူ့ နိုင်ငံ တွင်းမှာ တင်၊ ကာဘွန် တွေ ထုတ်နေတာမဟုတ်ပဲ ၊ သွယ်ဝိုက်သော နည်းနဲ့ လည်း ၊ ကာဘွန် တွေ  ကမ္ဘာအနှံ့ ထုတ်နေ သည် ဆိုတာကို မီးမောင်းထိုးပြသွားတာ ဖြစ်မည်။ ကမ္ဘာ့ ကာဘွန် အထုတ်ဆုံး နိုင်ငံ နှစ်ခု ၊ ကာဘွန် လျှော့ချဖို့ သဘောတူ လက်မှတ်ထိုးလိုက် နိုင် ကြပေမဲ့ ၊ သူတို့ ဦးတည်တဲ့ ၂၀၃၀ ဆိုတာ အတော် ဝေးလှပါသေးသည်။ အမေရိကန် နိုင်ငံ က ၊ စက်မူထွန်းကားစ ကာလတွေ တလျှောက် လုံး သူ့စိတ်ကြိုက် ကာဘွန်တွေ ထုတ်လွှတ် ခဲ့ ပြီးမှ၊ အခုမှ တရုတ်ကုို  ပြသာနာ ရှာရကောင်းလား လို့  လေသံ ပစ်တာတွေလည်း ရှိသည်။ အိုဘားမား တယောက် သူ ပြောစရာ ရှိတာတွေ ပြောပြီး သွားလို့  G20 အစည်းအဝေးက ပြန်သွားပေမဲ့ လုို့၊ ဇီကျင်ပင်း တယောက်ကတော့ ၊ သြစတြေလျ မှာ တပတ်လုံး နေပြီး ၊ အနီးအနား ချောင်ကြို ချောင်ကြား ဖီဂျီ ကျွန်း လို နေရာမျိုးထိ  သွားရောက် လည်ပတ် သည်။

ပစိဖိတ် သမုဒ္ဒရာ ထဲက ကျွန်းတွေကို စိတ်ဝင်တစား သွားလည် တဲ့ တရုတ်မှာ ၊ ကျွန်းတွေ နဲ့ပတ်သတ် လို့ ၊ အကြံအစည် တွေ ရှိကောင်း ရှိနေ နိုင်လေသည် ။ လတ်တလော မှာ  အငြင်းပွား နေတဲ့ တောင်တရုတ်ပင်လယ် ထဲက ကျွန်းစု တွေရဲ့ ပြသာနာ က ၊  တရုတ် နဲ့  ဖိလစ်ပိုင် ၊တိုင်ဝမ် ၊ ဗီယက်နာမ် ၊ မလေးရှား တို့  အငြင်းပွား နေကြသည် ဆိုပေမဲ့ လို့ ၊ တကယ်ကတော့ တရုတ် နဲ့ အမေရိကန် ရဲ့   အင်အားစမ်း ပွဲ  တွေသာ ဖြစ်သည်။

BBC  ရုပ်သံ ရဲ့  Flashpoint အစီအစဉ်မှာ ၊ လတ်တလော ကြည့်လိုက်မိသည်။ ဖိလစ်ပိုင် နဲ့ ပြသာနာဖြစ်နေတဲ့ စပရက်လေ ကျွန်းစု (Spratly Islands) တွေနားကို  အလွတ်တန်း သတင်းထောက် တယောက်က ၊ ဖိလစ်ပင်း ငှားဖမ်းလှေသမား တွေ နဲ့ ရောပြီး ၊ လိုက်သွားကြည့်တော့ ၊ တချို့ ကျွန်းပေါ်မှာ ဖိလစ်ပင်း အိမ်ထောင်စု လေး ငါး ခြောက် ခုလောက်သာ အစိုးရ က ၊ ရိက္ခာ လခ ပေးထားပြီး ကျွန်းစောင့်ခိုင်းထားသည်။  ကျွန်းစုတွေ လို့သာ ပြောပေမဲ့ ၊ တချို့ အစက်အပြောက်ကလေး တွေက ၊ ရေပေါ် ထွက်နေတဲ့ သန္တာ ကျောက်တန်း လေးတွေသာ ဖြစ်သည်။ တနေရာမှာ ဆိုရင် ၊ ဒုတိယ ကမ္ဘာစစ် တုန်းက  ကျောက်တန်း နဲ့ ညိ ပြီးသောင်တင် နေတဲ့ စစ်သဘောင်္ အပျက်ကြီး တစီး ပေါ်မှာ၊  ဖိလစ်ပင်း စစ်သားလေး ရှစ်ယောက်လောက် ၊ လက်နက် ရိက္ခာ မပြောနဲ့ စားစရာ ရိက္ခာပင် ၊လုံလုံလောက်လောက် မရှိပဲ ၊ လုံခြုံရေးစောင့် နေကြရသည်။ စစ်ကင်း လှည့် နေတဲ့ တရုတ် ခေတ်မီ စစ်သဘောင်္ကြီးတွေ ကို လည်း ခပ်ပြပြ မှာ မြင်နေရသည်။ အနည်းငယ် ထပ်ပြီး ချည်းကပ် ကြည့်တဲ့ အခါမှာတော့ ၊ ရေပေါ် ထွက်နေတဲ့ ကျောက်တန်းသေးသေးလေး တခု ကို ၊ ပတ်ပတ်လည် ကနေ ၊ သဲတွေထပ်ဖို့ ပြီး ၊ ကျွန်းအတု လုပ်နေတဲ့ တရုတ် စစ်စခန်း တခု ။ နောက်ထပ် ခပ်လှမ်းလှမ်းမှာလည်း တရုတ်အလံ စိုက် ထားတဲ့ မြေဖို့ ကျွန်းတု ဆောက်လုပ်ရေး လုပ်ငန်းခွင် ကြီး တခု ။ ချောက်တိ ချောက်ချက် ဖိလစ်ပိုင် စစ်သားလေးတွေ ရွာသားလေးတွေက ၊ တရုတ် ရဲ့ သွေးတိုးစမ်း တိုးချဲ့ လာတဲ့ အင်အားကို ဘယ်လို ဘယ်လောက် ခုခံ တွန်းလှန် နိုင်မှာ တဲ့ လဲ ။ အဖြေကတော့ အမေရိကန် ပဲ ပေါ့ ။ ဒါပေမဲ့ ပြောကြသလို ၊ တရုတ်က အိမ်ကွင်းမှာ ကစားနေသူ ။ အမေရိကန်က အဝေးကွင်းက ကန်ရသူ ။


ကြွယ်ဝချမ်းသာမူ နဲ့ ဂုဏ်သိက္ခာ

ဒုတိယ အကြိမ်သာ စစ်အေးကြီး ဖြစ်လာပြီ ဆိုရင် ၊ အယူဝါဒ စစ်ပွဲ ချည်း သက်သက် မဖြစ်နိုင်တော့ ။ ဟိုးအရင် ကိုလိုနီ ခေတ်တွေကလို စီးပွားရေး နဲ့ ကုန်သွယ်လမ်းကြောင်း နယ်မြေပိုင်စိုးမူ တွေ က ၊ ပိုပြီး အရေးပါ လာပေလိမ့်မည်။ အရင်းရှင် ဒီမုိုကရေစီပဲ ဖြစ်ဖြစ် ၊ အာဏာရှင် ဆန်တဲ့ အော်တိုကရေစီ လို့ ဆိုဆို  ၊ ဆိုရှယ်လစ်ပဲ ဆန်ဆန် ၊ ကွန်မြူနစ်ပဲ စစ်စစ် ၊ ကိုယ်ကျိုးစီးပွား ဆိုတာကြီးက ရှေ့တန်းကို ပြန်ရောက် လို့ လာ နေပြန်သည် ။ အများအတွက် ကိုယ်ကျိုးစွန့်  ရတာ မြင့်မြတ်တယ် ဆိုတဲ့ ခံယူချက် တွေကို ၊ သမိုင်းထဲ မှာ ၊ ထား ခဲ့ ကြတော့မည် ။

စစ်အေးကြီး အဆုံးသပ် နိုင်ခဲ့တာကို အနောက်ကမ္ဘာက အောင်ပွဲခံ နေ ကြတာဟာ ၊ မဖြစ်သင့် ဘူး လို့ လည်း ဂျော့ဗာချောဗ် က ပြောသေးသည်။ သူက ကွန်မြူနစ် အာဏာရှင် သံကန့်လန့်ကာ ကြီးကို အသာမ ပြီး ၊ ပြုပြင်ပြောင်းလဲရေး တွေကို လမ်းဖွင့် ပေး ခဲ့ ခြင်းသာ ဖြစ်သည်။ ကွန်မြူနစ် စနစ်ကြီး ကျဆုံးသွားပြီ လို့  လက်မခံ သူတွေ အတွက် ၊ လက်မခံ စရာ အကြောင်းတွေ အများကြီး ရှိပေဦးမည်။ တရုတ်ပြည်ကြီး မှာတောင် ၊ ကွန်မြူနစ် ခေါင်းဆောင်ကြီး မော်စီတုံး ကို ၊ မပြစ်ပယ် ကြသေး ဘူး မဟုတ်လား ။ ဒါပေမဲ့ မိုးခိုးပြာရောင် အလုပ်သမားဝတ်စုံ နဲ့ မော်စီတုန်း ရဲ့ ရုပ်ပုံကားချပ်ကြီး ရှေ့ မှာတင် တရုတ်လူမျိုးတွေကတော့  စတော့ရှယ်ယာ တွေ ၊ ဇိမ်ခံ ပစ္စည်းတွေ မျိုးစုံ နဲ့ ၊ အရောင်တွေ ပြောင်း လာ ခဲ့ လေသည် ။ တရုတ် ကွန်မြူနစ်ပါတီ ရဲ့  ခေါင်းဆောင်ကြီးတွေ မီလျံနာ တွေ ဖြစ်လာကြလေသည်။ တကယ်တော့ ၊ ငွေကြေးဓန ကို တန်ဖိုးအလွန်ထားတဲ့ တရုတ်လူမျိုးတွေ အတွက် ၊ မော်စီတုန်း ရဲ့ ယဉ်ကျေးမူ တော်လှန်ရေး အယူအဆ တွေက ၊ ခါးသက်စရာ ကောင်းချင် ကောင်းပေမည်။ လူတချို့ ကို အရင် ချမ်းသာပါစေ ဆိုတဲ့ တိန့် ရှောင်ဖိန် ရဲ့  ဦးဆောင်မူကို  ၊ ပိုပြီး ဘ၀င်ကျ ကြပေမည် ။ အခုနောက်ဆုံး ဇီကျင်ပင်း ရဲ့  တရုတ်အိပ်မက်  ဆိုတဲ့ ဆောင်ပုဒ် ကတော့ ၊ တရုတ်ပြည်သား တွေ ရဲ့ ဘ၀င် ကို အမြင့်ဆုံးကို ဆွဲတင်လေတော့သည် ။ တကိုယ်ရေ ပြည့်စုံကြွယ်ဝ လာရင် ၊ ကျန်တာတွေ အလွယ်တကူ ဖြစ်လာ လိမ့်မယ် ဆိုတဲ့ တရုတ်တို့ လို စင်ကာပူ တို့လို အရှေ့တိုင်းက ဆရာကြီးတွေက ၊ ဒီမိုကရေစီ ဆိုတာ အနောက်တိုင်းရဲ့  စံ ဖြစ်ပြီး အာရှတန်ဖိုး နဲ့ မကိုက်ညီလှဘူး လို့  အကြောင်းပြသည်။ အနောက်တိုင်းက ဆရာကြီးတွေ ကလည်း ၊ ဒီမိုကရေစီ ဆိုတာ လူ့အခွင့်အရေး ဖြစ်ပြီး လူသားတိုင်း အတွက် ဖြစ်တယ်လို့ ၊ တိုက်တွန်းသည် ။ နိုင်ငံတကာ လူ့အခွင့်အရေး ကြေငြာစာတမ်းကြီး ကို မွေးဖွားပေးခဲ့တဲ့ အမေရိကန် နိုင်ငံ ကတော့  လူ့အခွင့်အရေး ရပ်တည်ချက် ဟာ သူ့ နိုင်ငံ အတွက် ၊ အကြီးဆုံး ခွန်အားကြီး တခု ဖြစ်သည် လို့ ဆိုသည်။ ဒီမိုကရေစီ တန်ဖိုးတွေ နဲ့ သာ ၊ သူ့ ရဲ့ ဂုဏ်သိက္ခာ သြဇာအာဏာ ကို ပြောင်လက် စေမည် တဲ့ ။ အဲဒီတော့ ကြွယ်ဝချမ်းသာမူ နဲ့ ဂုဏ်သိက္ခာ ဘယ်ဟာကို ပိုပြီး  ဦးစားပေးမလဲ ။ အာဏာရှင် နဲ့  လူ့အခွင့်အရေး ဘယ်ဟာကို ရွေး မလဲ ။



တရုတ်ကွန်မြူနစ်ပါတီ ရဲ့ အရင်းရှင်စနစ်

ဘယ်လိုပဲ ဖြစ်ဖြစ် အမေရိကန် စိုးရိမ်သလို ၊တရုတ်ကြီးရဲ့  နိုင်ငံရေး နည်းစနစ် ပုံစံ ကို ၊ အားကျ နေသူတွေ အာရှ တခွင်မှာတင် နည်းလှမည် မဟုတ်။ ဒါပေမဲ့ ဒုတိယကမ္ဘာစစ် ကာလက ဂျပန် အသုံးပြုခဲ့တဲ့ ၊ အာရှတိုက် - သာတူညီမျှ ကောင်းစားရေး ဆိုတဲ့ ၀ါဒဖြန့်မူ မျိုး တော့ မဖြစ်နိုင်တော့ ။ ဘာဖြစ်လို့ ဆို ၊ တရုတ် နဂါးကြီးက အာရှ မှာ လူးလွန့် အမောက်ထောင် လာ ယုံ တင် မက ၊ အာဖရိက လို ၊ လက်တင်အမေရိက လို ၊ သြစတြေလျ လို နေရာ မျိုးတွေ အထိ တွား သွား နေ ခဲ့ လေပြီ။

တောင်အာဖရိက လို နိုင်ငံကြီးမှာတောင် ၊ ANC ပါတီ အတွက် နိုင်ငံရေးကေဒါ သင်တန်းကျောင်းကြီး တခု တရုတ်က အကူအညီပေး တော့ မည်။ ခက်ခက်ခဲခဲ ရုန်းကန် တည်ဆောက်ခဲ့ရတဲ့ တောင်အာဖရိ ရဲ့   ဒီမိုကရေစီ အစိုးရသစ် က ၊ တရုတ်မျက်နှာကြည့် ပြီး ၊ ဘုန်းတော်ကြီး ဒလိုင်လားမား ကိုတောင် ဗီဇာ မပေး နိုင် တော့ ။ သယံဇာတ အရင်းအမြစ်တွေ  နဲ့ လဲလှယ်ထားတဲ့ တရုတ်လက်ရာ အားကစားကွင်းကြီးတွေ ဆေးရုံကြီးတွေ ဟာလည်း၊ တခြား အာဖရိက နိုင်ငံတွေမှာ အနှံ့ အပြား။

တရုတ်ရဲ့ ၊ တပါတီ ဗဟို ချုပ်ကိုင်တဲ့ နိုင်ငံရေး စနစ်ဟာ ၊ လက်ဝဲ ၀ါဒ ရဲ့ အဓိက ဖြစ်တဲ့ အလုပ်သမား လယ်သမား လူတန်းစားတွေ ကို ၊ဘယ်လောက် အကျိုးသက်ရောက်မူ ရှိတယ် တော့ မသိ ၊ ပါတီ ထိပ်ပိုင်း ခေါင်းဆောင်တွေ ရဲ့  တန်ခိုးသြဇာ နဲ့ ကြွယ်ဝ ချမ်းသာမူ တွေကတော့ ၊ ခန့်မှန်းဖို့ ခက်ခဲလောက်အောင် ကြီးထွား ခဲ့လေသည်။ အကျင့်ပျက် ခြစားမူ တိုက်ဖျက်ရေး ဆိုတာတွေကို အခါအားလျော်စွာ လုပ်ပြပေမဲ့ ၊ မပွင့်လင်း တဲ့ တရားရေး စီရင်မူ အောက်မှာ ၊ အခြင်းခြင်း ဖြုတ်ထုတ် လက်ဦးမူ ယူကြ ရင်း ၊ သြဇာ အာဏာတွေ သာ ပိုပို ကြီးထွား လာ ကြသည် ။ မူ ထက် လူ က ပိုပြီး အရေးပါ လာသည်။


အမေရိကန် ကော်ပိုရေးရှင်းကြီး တွေ  နဲ့  ဘဏ်ကြီးတွေ က ၊ တတိုင်းပြည်လုံး ရဲ့ စီးပွားရေး ကို ပြန်ပေးဆွဲ ထားတယ် လို့ ဝေဖန် ပြောဆို ခံနေရ တဲ့ အချိန်မှာပဲ ၊  တရုတ်ပြည် ရဲ့  အစိုးရချုပ်ကိုင်တဲ့ အရင်းရှင်စနစ် (State Capitalism) ကိုလည်း အနောက်အုပ်စု က ၊ မျက်စိ စပါးမွေးဆူး လာကြ သည်။ နိုင်ငံပိုင် လုပ်ငန်းစု (State-owned Enterprise, SOE) ကြီးတွေက ၊ တကမ္ဘာလုံးကို ၊ ဖြန့်ကျက် သိမ်းကျုံး နေတာကို ၊ အားလုံး က စောင့်ကြည့်နေကြသည်။  မိုဇမ်ဘစ် က ရွာတရွာ ရဲ့  စိုက်ခင်းကြီး တခု ကို ၊ တရုတ် မန်နေဂျာက အုပ်ချုပ်နေတာ မျိုး ၊ သြစတြေလျ တိုက်ရဲ့ အလယ်ခေါင်က နီကယ်သတ္တုတူးဖော်ရေး လုပ်ငန်းကြီးတခု မှာ ၊ တရုတ် အင်ဂျင်နီယာတွေ  စီမံ အုပ်ချုပ် နေတာ မျိုး တွေသည် ၊ သိပ် မထူးဆန်းလှတော့ ။ ဒါပေမဲ့ ၊ အဲ့ဒီ နိင်ငံပိုင်လုပ်ငန်းစု ကြီး တွေ က ၊ ဘယ်သူ့ အတွက် လဲ ဆိုတာကလည်း မေးခွန်း တခု ဖြစ်လာသည်။  အစိုးရ တခု ရဲ့ ပိုင်ဆိုင်မူတွေ ၊ အစိုးရ တာဝန်ရှိသူတွေရဲ့ ပိုင်ဆိုင်မူတွေ ၊ အစိုးရ နဲ့နီးစပ်တဲ့ သူတွေရဲ့ ပိုင်ဆိုင်မူတွေ ဟာ ၊ ကမ္ဘာ့ ရင်းနှီးမြုပ်နှံမူ ဈေးကွက်ထဲမှာ ဘယ်လောက်တောင် ရှုပ်ထွေး လည်ပတ် နေမယ် ဆိုတာ ခန့်မှန်းဖို့ ခက်ခဲ လွန်းလှသည်။



မြန်မာ့မြေပေါ်က ဒီမိုကရေစီ သစ်ပင်

ကွန်မြူနစ် စနစ်ကြီးက ဘာမှ မမှားပေမဲ့ ၊ သူနဲ့ တွဲပါလာတဲ့ အာဏာရှင် က   ဆိုးရွားနေသလို ၊ ဒီမိုကရေစီ အုပ်ချုပ်မူ စနစ်ကြီးက ဘာမှ မယွင်းလှပေမဲ့ ၊ သူ နဲ့ တွဲပါလာတဲ့ လွတ်လပ်တဲ့ စီးပွားရေး ဆိုတဲ့ အရင်းရှင် စနစ်မှာ ၊ အပြစ်အနာအဆာ တွေ ပေါ်လာခဲ့ သည်။ ၂၀ ရာစု ရဲ့ ဒုတိယ တ၀က်ဟာ၊ ဒီမိုကရေစီ  အပွင့်လန်းဆုံး ကာလ ဖြစ်ပြီး၊ ၂၁ ရာစု မှာတော့ ၊ ဒီမိုကရေစီ ဟာ အားအင်ချိနဲ့ လာတယ် ဆိုတဲ့ ယူဆချက်တွေ ကို ၊ လက်မခံ ချင်ပေ။ ဖြစ်ချင်တော့ ၊ အာရပ် နွေဦး ရဲ့  ၊ ဒီမိုကရေစီ အညွန့် အညောက် တွေ ကလည်း ၊ ညှိုးညှိုး နွမ်းနွမ်း ။ အာရှ တခွင်မှာလည်း ၊ ဒီမိုကရေစီ က ၊ သိပ်ခိုင်မာလှတယ် မဟုတ်သေး ။ ယိုးဒယား လို ရှုံ့ ချည် နှပ်ချည် များတဲ့ နိုင်ငံမျိုးတွေလည်း ရှိသေးသည်။ ဗီယက်နမ် လို ဟိုမရောက် ဒီမရောက် နိုင်ငံ တွေကိုရော ဘယ်လို သဘောထား ရမလဲ ။ အများစုက ဗဟိုချုပ်ကိုင်မူ ရှိနေတဲ့ အော်တိုကရေစီ တွေသာ ။ ဒီအထဲမှာမှ  ၊ လောလော လတ်လတ် ဒီမိုကရေစီ ဘိသိတ်သွန်း ထားတဲ့   မြန်မာအစိုးရ ကရော ဘာလဲ  ဘယ်လဲ ။

တကယ်တော့ ၊ ရွေးကောက်ပွဲ တွေ ကျင်းပနေတိုင်းလည်း ဒီမိုကရေစီ မဟုတ်။ လွှတ်တော်ကြီးတွေ ခေါ်နေယုံ နဲ့လည်း ဒီမိုကရေစီ မပီပြင် ။ ဖွဲ့စည်းပုံ ဥပဒေကြီး ရှိတုိုင်းလည်း ၊ ဒီမိုကရေစီ မစီးဆင်း ။ ဒီမုိုကရေစီ ဆိုတဲ့ ဝေါဟာရ ရဲ့  ရင်းမြစ် အတိုင်း ၊ ပြည်သူတွေဆီကို အာဏာ တကယ် ဆင်းသက် နိုင်မှသာ ။ ပြည်သူတွေ ရဲ့ ပြည့်စုံဖူလုံ မူကို တကယ် အလေးထား မှသာ ။ အတိအကျ ဆိုရရင်တော့ ၊ ပြည်သူတွေ ရဲ့ ရပိုင်ခွင့် အကျိုးစီးပွား တွေကို ၊ ဒီမိုကရေစီ အယောင်ပြ ၊ အာဏာ အလွဲသုံးစား လုပ်ပြီး ၊ အခွင့်ထူးခံ အမြတ်ကြီးစား ဂုတ်သွေးစုပ် နေသူ မှန်သမျှ ကို ၊ ဖယ်ရှားနိုင် မှသာ ဒီမိုကရေစီ ပြီးပြည့်စုံ နိုင်ပေမည်။ 

ဒီမိုကရေစီ ဆိုတာ တပ်ဆင် အသုံးပြု ရတဲ့ နိုင်ငံရေး နည်းစနစ် တခု ထက် ၊ တည်ဆောက် ထိန်းသိမ်း ရတဲ့ ယဉ်ကျေးမူ တခု ဖြစ်တယ်လို့ လည်း ဆိုကြသည်။ တကယ်တော့  ဒီမိုကရေစီ ဆိုတာလည်း ၊ အယူဝါဒ သစ်ပင်ကြီး တပင်ပဲ မဟုတ်လား ။ ဒါပေမဲ့ ခရစ်စမတ် သစ်ပင် ကြီးလို  တနှစ်တခါလောက်မှ ကောက်ဆင် ပြီး၊  ပြိုးပြိုးပြက်ပြက် အဆင်တန်ဆာ တွေ ချိတ်ဆွဲ အလှပြ ယုံ နဲ့ တော့ မဖြစ်နိုင် ။  ဒီမိုကရေစီ မျိုးစေ့ ကို အရင် ချ ပြီးတော့မှ ၊ တဖြည်းဖြည်း ရှင်သန် ကြီးထွား ဝေစည် လာ အောင် ရေလောင်း ပေါင်းသင် ကြရ မည်။  ဒါပေမဲ့ ၊ ဘယ်လို မြေ သားအခံ ပေါ်မှာ မျိုးစေ့ ချ မိသလဲ ဆိုတာ က လည်း အရေးကြီးပေသည်။ ဒီ့ထက် ပို အရေးကြီးတာက ၊ အဲဒီ ဒီမိုကရေစီ သစ်ပင်ကြီး ရဲ့  အသီးအပွင့် တွေကို ၊ အားလုံး လက်လှမ်းမီနိုင်၊ ခူးဆွတ်နိုင် ၊ စားသုံးနိုင် ဖို့ သာ။

ကေသွယ်
၂၉  နိုဝင်ဘာ ၂၀၁၄


ဒီဇင်ဘာ (၁) ရက် နေ့ ထုတ် Weekly Eleven Journal , No.7  Vol.10




Share/Bookmark

ပြုံးပြီး လွမ်းရတဲ့ စာအုပ်ကလေး တအုပ်


ဂူးဂဲလ် ရဲ့ ဘလော့စပေါ့ ကြီးများ  ဘယ်နေ့ ပိတ်ပြစ်တော့ မလဲ လို့  တွေးပူ မနေပေမဲ့ လို့ ၊ ဟုိုအရင် ဘလော့ဂ် ခေတ်တခေတ် မှာ ၊ ဘလော့ဂ် ယဉ်ကျေးမူတွေနဲ့ ၊ ဘလော့ဂ် ရေးဖော်ရေးဖက် တွေ ၊ ရင်းနှီးပျော်ရွှင် ဘလော့ဂ် သဘင် ဆင်ခဲ့ ကြတဲ့ အချိန်တွေကို တော့ တွေးပြီး လွမ်း ချင် သေး သည်။


အဲဒီ တုန်းက တချို့ ရေးဖော်ရေးဖက် တွေ ၊ ဘယ်ရောက်လို့ ဘယ်ပျောက်နေပြီ မသိ ။ တချို့လည်း ဘလော့ဂ် ဆိုတာကြီးကို ဖုန်ကလေး ဘာလေးမျှပင် မခါ ကြတော့ ။ သံယောဇဉ် ကြီးကြီး ၊ ဇွဲကြီးကြီး နဲ့ ဘလော့ဂ် တွေ မှာ ၊ ပုံမှန် စာတွေ တင်နေကြသေးတဲ့ ၊ မိတ်ဆွေ တချို့ ကတော့ ၊ ဘလော့ဂ်တွေ ပြန်စည်ကားလာအောင် ဆိုပြီး ၊ ချဲလင့်ခ်ျ ဆိုပြီး  စိမ် ခေါ် နေကြ ပြန်သည်။ ဟိုတုန်းကတော့ တဂ်ဂိမ်း လို့ ခေါ်တာ ပေါ့ ။ အကြောင်းအရာ ခေါင်းစဉ်  တခု ကို ၊ တယောက်တမျိုး ၀ိုင်းရေးကြတာမျိုး ။ အခုတော့ ရေးချင်တာရေး တခုခုရေး ၊ ဘလော့ဂ် ရေး ရင် ပြီးရော တဲ့ ။ တကယ်တော့ အခုမှ တဂ်ဂိမ်း အစစ် ။ ဖေ့စ်ဘွတ် ဆိုတာကြီး ရဲ့  မြောက်မြားလှစွာသော ဓါတ်ပုံတွေ စကားသံတွေ ၊ သတင်း တွေ အတင်းတွေ ကြားထဲမှာ ၊ ကိုယ်တွေခြင်း ဆက်သွယ်မူတွေ ပြတ်တောက်မသွားအောင် ၊ တဂ်ကလေးတွေ ချိတ်တွဲ ပြီး အသိပေးကြ လှမ်းခေါ်ရ သည်။


အရင်တုန်းက ဆိုရင်တော့ ဒီလူ တွေ  မကြား - ကြား အောင် အော်ခေါ်စရာ မလို၊  မဆုံ ဆုံ အောင် ချိန်းစရာ မလို ၊ ဘလော့ဂ် မှာ ပို့စ် တခု တင်ပြီ ဆိုတာနဲ့ ၊ ၀ိုင်းအုံ ရောက်လာကြ သည်။ နှုတ်ဆက် စကား မှတ်ချက်စကား တွေ ဆိုတတ်ကြသည်။  အခြေအနေ တွေက အတော် ခြားနား ကုန်ပြီ။

အဲ့ဒီလို တုန်း ၊ စာအုပ်ကလေး တအုပ် ၊ စာတိုက်ကနေ ရောက်လာ လေ သည်။





ဆနွင်းမကင်း သံဇကာ ကွက် လေး ရဲ့ နောက်မှာ ၊ တလောက လုံးကို မေ့ပြီး ၊ ငှက်မွေးအတောင်လေး တခု လို ၊ အတွေးတွေ ပေါ့ပါး လွန့်လူး နေပုံ ရတဲ့ အမျိုးသမီးလေး တယောက် ။ ပန်းချီ မြင့်မောင်ကျော် ရဲ့ သရုပ်ဖော်ပုံလေး က ၊ ရိုးရိုးလေး နဲ့  ချစ်စဖွယ် ကောင်း လှသလို ၊ မိုးချိုသင်း မှတ်တမ်း ဆိုတဲ့  ၊ ခေါင်းစဉ် လေး ကလည်း ၊ ချစ်စရာ ကောင်းလှ စွာ ၊ ရိုးရှင်း လှသည်။


ရိုးရှင်းလှဆို . . .  ရိုးဂုဏ် ထင်ရှား ခဲ့တဲ့  ဖန်မီးအိမ် ကဗျာစာဆိုကြီး တင်မိုး ရဲ့ ၊ သူ့ မိသားစု နဲ့  နေထိုင် ဖြတ်သန်းခဲ့တဲ့  အရိုးတကာ့ အရှင်းဆုံး ပုံရိပ်တွေ ကို ထင်ဟပ် ထားတဲ့ စာအုပ်ကလေး ပေပဲ ။ စာရေးသူ ကိုယ်တိုင်ကလည်း ၊ သူ့ ကိုယ်ပိုင် ဘလော့ဂ် လေး မှာ ပေါ့ပေါ့ပါးပါး  လွတ်လွတ်လပ်လပ် ရေးခဲ့တဲ့ စာတွေ ဖြစ်တယ်လို့  အမှာ ရေးထား လေတယ်။  မိုးချိုသင်း မှတ်တမ်း ဆိုတဲ့ စာအုပ်ကလေး ရဲ့  နာမယ် ကို မြင်မှ ၊ ကျမ တို့ တွေ အားလုံး ၊ အချိန်တွေ နှစ်  အပျော်တွေ စိမ် ပြီး ၊ ခုံခုံမင်မင် စွဲစွဲ လမ်းလမ်း  ရေးခဲ့ကြတဲ့ ၊  လေလှိုင်းပေါ်က စာလုံး တွေ ဟာ ၊ တ ဘလော့ဂ် -- လော့ဂ် နဲ့  လျှာခလုတ်တိုက်အောင် ခေါ်နေစရာ မလို တဲ့ ၊ ကျမ တို့ တွေရဲ့ ၊ ဘ၀ မှတ်တမ်း ၊ ဖြတ်သန်းမူ ပုံရိပ် ၊ လေ့ကျက်မူ သင်ခန်းစာ တွေပဲ ဆိုတာကို ၊ အလေးအနက် တန်ဖိုးထားမိလာတယ်။ အခုတော့ မမိုးချိုသင်း က ၊ လေထဲက သူ့ ရဲ့ မှတ်တမ်းလေး တွေ ကို ၊ စာအုပ်ကလေး အဖြစ် သိမ်းထုပ် မျှဝေ လေ ပြီ။


ခေါင်းစဉ် ကပဲ စာရေးသူ ၊ စာရေးသူ ကိုယ်တိုင်ကလည်း ခေါင်းစဉ် ဖြစ်နေတဲ့  မိုးချိုသင်း ဆိုတာ ၊ တကယ်တော့ ၊ ဘလော့ဂ် ဆိုတာတွေ မပေါ်ခင် ကာလ တွေ တည်းက ၊ ၀တ္တုတိုခေတ်တခေတ် မှာ ထွန်းလင်းခဲ့ပြီး သား စာရေးဆရာမ ။ တချိန်က မြန်မာပြည်မှာ အောင်မြင်ခဲ့တဲ့ သင့်ဘ၀ မဂ္ဂဇင်း ရဲ့ ၊ အယ်ဒီတာ အဖွဲ့ဝင် တယောက် ။ ဒါပေမဲ့ ၊ ရိုးဂုဏ်ကို ဆက်ထိန်းထားတဲ့  သူမ ဟာ ၊ အရှိအတိုင်း ရေးကြ တဲ့ ဘလော့ဂ် စာမျက်နှာ တွေ ပေါ် မှာ ပို ပျော်ပုံ ပေါ် ရဲ့ ။






ကြည့်ဦးလေ ။ အစဦးဆုံး အပုဒ် ဖြစ်တဲ့  “ ဘလော့ဂါကြီးသို့ ” ဆိုတဲ့ စာ လေး မှာ ၊ သူမ ရဲ့ ဖခင် ကဗျာဆရာကြီး ကို တောင် ၊  ဘလော့ဂါ တယောက် အဖြစ် စိတ်ကူးပြီး ရေးထားပုံက . . .  ( သူမ ပြောလေ့ရှိသလို  ) ပြုံးပြီးဖတ်နေလိုက် ရတာ ။ ကျမ တို့ တွေ ၊ ဘလော့ဂ် တွေကို ချစ်ကြောင်း ခင်ကြောင်း ၊ ဘလော့ဂ် ဆိုတာ ဘယ်သို့ ဘယ်ချမ်းသာ  - ဘာမှ ကြီးကြီးကျယ်ကျယ် ရှင်းပြ နေစရာ မလို ။  ဘလော့ဂါ တယောက် ရဲ့ ၊ စိတ်စော အာရုံ တွေကို ၊ ချစ်စရာကောင်းအောင် အကျစ်လစ် ဆုံး ဖော်ပြ သွားလေ သည်။


အဲဒီတုန်းက ဆို ၊ မမိုးချိုသင်း ပို့စ် တပုဒ် တက်လာပြီ ဆိုတာနဲ့  ၊ အားလုံးက တပြုံးပြုံး နဲ့  ဖြစ်ကြရသည်။ တကယ်တော့ ၊ မမိုးချိုသင်း ကို ၊ ဘလော့ဂ် တွေ မရေးခင် ၊ ဟိုး လွန်ခဲ့တဲ့ နှစ် အစိတ် နီးပါး လောက်ကတည်းက ၊ တိတ်တိတ်ကလေး လှမ်း ကြည့်ပြီး အားကျ ခဲ့ဖူး သည် ဟု ၊ ကျမ ၀န်ခံ ထား ပါသည်။ လှိုင် တက္ကသိုလ် ကျောင်းဝင်း ထဲက ၊ ၀မ်းအိုသရီး စာသင်ဆောင် ရှေ့ မှာ ၊ ချစ်ခင်သူ တွေ ၀ိုင်းဝိုင်းလည် နေတဲ့ ၊ စာရေးဆရာမ ပေါက်စ လေး ဟာ ၊ ကျမ  တို့ ရဲ့ စီနီယာ ဘူမိဗေဒ ကျောင်းသူ တယောက် ဖြစ်နေသည်လေ။  နီးရက် နဲ့ ဝေးစွာ ပဲ၊  တက္ကသိုလ် ကျောင်းသူဘ၀ က ခင်မင် သိကျွမ်းခွင့် မရ ခဲ့ပေမဲ့ ၊ တဆင့် စကား တွေ ထဲမှာ ၊သူ့ အကြောင်းတွေ နားထောင်ပြီး ပြုံး ခဲ့ ကြရ ဘူးသည်။  လူတိုင်းကို ပြုံးအောင် လုပ်နိုင်တဲ့ သူက ၊ ကိုယ်တိုင်လည်း အမြဲ ပြုံးချင်သည် တဲ့လေ ။ အဲဒါကြောင့်  အကြည်ဓါတ်ပျောက်မဲ့ အရာ မှန်သမျှ ရှောင်ရှားလေ့ ရှိသတဲ့ ။


အခုတော့ ဘလော့ဂ် ဆိုတာကြီး ရဲ့ ကျေးဇူး နဲ့ ၊ ညီအမ အရင်းတမျှ ခင်မင် နေကြပြီ မို့ ၊ မမိုးချိုသင်း ကနေ ၊  မချိုသင်း  ဖြစ်ခဲ့ပြီ။  ဒီ့ထက် ပိုလို့ ရေစက် ဆုံချင်တော့ ၊ ပြီးခဲ့တဲ့ ဖေဖော်ဝါရီလ ထဲမှာ မချိုသင်း တို့ နေထိုင်ရာ ကယ်လီဖိုးနီးယား ကို ဆိုက်ဆိုက်မြိုက်မြိုက် အလည် ရောက်ဖြစ် ခဲ့လေသည်။  ပြုံးစရာတွေကို နားနဲ့ ဆတ်ဆတ် ကြားရလေ သည် ။ အကြည်ဓါတ်တွေကို ကိုယ်တွေ့  ကူးစက် ခံစား ရလေသည်။ ရိုးဂုဏ် တွေကို မျက်မြင် ရှာတွေ့ ရလေသည်။  သူ့ စာတွေထဲက တဆင့် ခင်မင် သိကျွမ်းနေရတဲ့ ၊ သူ့ခင်ပွန်း  ကိုကျော်ဝဏ္ဏ ကိုတင် မက ၊ သူ့ ဇတ်လိုက် ကြောင်ကလေး တွေ ထဲက ၊  ရုပ်ရှင် မင်းသား လူမူရေးသူရဲကောင်း ကျော်သူ ကတောင် ဓါတ်ပုံ တွဲ ရိုက်ပေးရ တဲ့ ၊ သူတို့ ရဲ့ သဲသဲလှုပ် သမီးကြောင်မလေး ၊ ဘယ်လောက် ချစ်စရာ ကောင်းတာကိုလည်း တွေ့ ခဲ့ ရ လေသည် ။ LA ကို ရောက်လာတဲ့ မြန်မာ စာပေ အနုပညာ အသိုင်းအ၀ိုင်းက ဧည့်သည် မှန်သမျှ ကို ၊ မညီး မညူ ဧည့်ခံ လေတဲ့ သူတို့ မောင်နှံ ရဲ့  စံရိပ်ငြိမ်လေး ကိုလည်း ၊ ဘလော့ဂါ ညီအမ တယောက် အနေနဲ့ အလည်ရောက် ခွင့် ရခဲ့လေသည်။


စိတ်ထဲမှာ ထင်ထားခဲ့တဲ့ ပုံရိပ် နဲ့ အပြင်မှာ တွေ့ရတဲ့ မိုးချိုသင်း  ဘာမှ သိပ်မကွာ ခြား လှပေမဲ့ လို့ ၊  မယုံနိုင်စရာ ကောင်းလောက် အောင် ၊ လျင်မြန် ဖြတ်လပ်  တဲ့ ၊ သူ့ ရဲ့  လှုပ်ရှားမူ တွေကို ကြည့်ပြီး ၊  နှေးတိ နှေးတုန့်  နဲ့  လစ်တာနဲ့ အတွေး ရှိုက် ဖို့သာ ချောင်းနေတတ်တဲ့ ကျမ  ၊ တိတ်တိတ်ကလေး အတုခိုး ရ သည်။


ဆိုပါတော့ ၊ ကားမောင်းနေရင်း လမ်းမှားတယ်လို့ ထင်ရင် ၊  ဖျပ်ကနဲတွေ့ တဲ့ လမ်းကြားထဲ ချိုးဝင် လိုက်တာမျိုး ။ လမ်းမှာတည်းက ထိုင်မဲ့ စားသောက်ဆိုင် ကို ၊ သေချာ ပိုင်ပိုင် နိုင်နိုင် ရွေးချယ် ထားပြီးသား ။ ဆိုင်ထဲ ၀င်တာနဲ့ လည်း ၊ ဧည့်သည်တွေ ဘာမှာရမှန်း မသိ အီလည်လည် မလုပ်နေခင်တည်းက ၊ Cream Chowder  ငါးခွက် အရင်ချ  လို့  အရင်ဆုံး တန်းမှာ လိုက် ပြီးသား ။ ဒီက လူတွေ အမေရိကန် ကြက်ပေါင်ကြီး က သိပ်ကြီးလွန်းလို့ ဘယ်က ဖဲ့ရမှန်း မသိ ဖြစ် နေကြတဲ့ အချိန်မှာ ၊ သပ်သပ်ရပ်ရပ် စားပြီး လို့  အအေးတခွက်တောင် သောက်ပြီး နေပြီ    (  ဒီ စာပိုဒ်ကတော့  မချိုသင်းရဲ့ အရေးအသားမျိုးကို အတုခိုးပြီး ကျီစယ် တာပါး)


ပြီးတော့ ၊ စာရေးကောင်းတဲ့ သူ တော်တော်များများက ၊ အပြောမကောင်းဘူး လို့  ဆိုကြတယ် မဟုတ်လား ။ မချိုသင်း ကတော့ ၊ သူ စာရေးတဲ့ အတိုင်း ၊ နားထောင်လို့ ကောင်းအောင် ပြောတတ်တဲ့သူ ။ သူ့စာတွေ ဖတ်ပြီး ပြုံးရသလို ၊ သူပြောတာတွေ နားထောင်ပြီး ၊ ဧည့်သည်တွေမှာ ပါးစပ် မစိရ ။


အခု စာအုပ်ကလေး ထဲ မှာတောင် ၊ အွန်လိုင်း စာဖတ်ပရိသတ် တွေ တအုံတမ ကြီး နဲ့ တပြုံးပြုံး  ဖြစ်နေတတ် တဲ့ မချိုသင်း ကို ၊ သူ့ ချစ်ခင်ပွန်း ကိုကျော်ဝဏ္ဏက  “ ချိုသင်းက ရီစရာတွေ ရေးနေတာလား . . .” လို့  ခပ်ဟန့်ဟန့် ဆို သည်တဲ့ ။ အမ တွေကလည်း “ နင်.. ရီစရာတွေချည်း ရေးမနေနဲ့ လို့ ”  ပြောသတဲ့ ။  တကယ်က မချိုသင်းက ရီစရာ တွေ ရေးနေတာ မဟုတ်ပေ ။ ကျမ ထင်သည်ကတော့ ၊ ရိုးစရာ တွေ ကိုသာ သူ ရေးနေခြင်းသာ ။ ရိုးရှင်းတဲ့ အကြောင်းလေးတွေကို ရိုးရိုးသားသား ရေးပြ ထားတော့ ၊ ချစ်စရာ ကောင်းပြီး ၊ ( သူ ပြောသလိုဆို ) ပြုံးပြီး ဖတ်ရတဲ့ စာအုပ်ကလေး ပေါ့ ။


ဒါပေမဲ့ ၊ စာအုပ်တအုပ်လုံး ကို ဖတ်ပြီး သွားတဲ့ အချိန်မှာ ၊ ကျမ ဆက်ပြီး မပြုံးနေ နိုင်ခဲ့ပေ ။  ဒီစာအုပ်ထဲမှာ ပါတဲ့ ၊ ငယ်စဉ်ကလေးဘ၀ အပူအပင် ကင်းမူ တွေ ၊ မိသားစု ဘ၀ ပျော်ရွှင်ချိန်တွေ ဟာ ၊  “ မီးရထား နှင့် ခရီးသွားခြင်း” ဆိုတဲ့ ၊ ဆရာကြီး တင်မိုးရဲ့ ကဗျာလေး ကို သရုပ်ဖော် ထားတဲ့  စာလေး လိုပဲ ၊ တဘူတာ ပြီး တဘူတာ ၊ အနောက်မှာ ကျန်ရစ် လို့  . . . တယောက်ပြီး တယောက် ဆင်းကျန်ခဲ့ ပြီ ဆိုတာကို ၊ ဆင်ခြင် နားလည်နေမိ ရသည်။ ဆိုရှယ်လစ် ခေတ်ဦး - ခေတ်နှောင်း ၊ ၈၈ အရေးတော်ပုံ ကာလ ၊ ၉ ၀ ကျော်ကာလ အမှောင်ခေတ် တွေကို  နောက်ခံ ထားတဲ့ ၊ ဒီ မိသားစု ဘ၀ မှတ်တမ်းလေး ထဲမှာ  ၊ ပြုံးစရာတွေ ထဲက နေမှ ၊  နာကျင်စရာ တွေကို ရှာတွေ့  နေမိသည်။


တကယ်တော့ ၊ စာရေးသူ ရဲ့ ဖခင်ကြီး ဆရာကြီး ဦးတင်မိုး ရဲ့   ဘ၀ ကောက်ကြောင်း ခဲခြစ်ရာ တွေကို ၊ မဆွခင် ကတည်းက ၊ ကျမ တို့ အားလုံး ဖတ်ဖူး ကြားဖူး နေခဲ့ ကြသည်ပဲ ။ သင့်ဘ၀ မဂ္ဂဇင်းမှာ ၊ စိတ်ဝင်တစား ဖတ်ဖူး ခဲ့တဲ့ ၊ အထက်အညာ ဝေးလံ ခေါင်သီ လှတဲ့ ကန်မြဲ ဇဂျမ်း ဆိုတဲ့ ရွာကလေးက ၊ ဆယ်တန်းကို မြန်မာစာ ဂုဏ်ထူး နဲ့ အောင်ခဲ့တဲ့ တောသားလေး တယောက်ကို ၊ ပညာရေးဝန်ကြီး ကိုယ်တိုင် စာကြုံ ပို့ ပြီး ၊ တက္ကသိုလ် တက်နိုင်အောင် လုပ်ပေး ခဲ့တဲ့ ၊ ပုံပြင်ဆန်တဲ့ တကယ့် အဖြစ်တွေ ။ မြန်မာပြည်သူ တွေ  မမြင်ဘူး မတွေ့ဘူး သေးတဲ့ ၊ ဒေါ်အောင်ဆန်းစုကြည် ရဲ့   အစောဆုံး မြန်မာစာပေ မိတ်ဆွေ ဖြစ်ခဲ့ တာတွေ ။ အမျိုးသား ဒီမိုကရေစီ အဖွဲ့ ချုပ် ရဲ့  တည်ထောင်စ အချိန်တွေ မှာ ၊ ကဗျာ ဆောင်ပုဒ် ကလေးတွေ  များစွာ နဲ့  ဒေါ်အောင်ဆန်းစုကြည် ရဲ့ လက်ရုံးတယောက် အဖြစ် ၊ ပါဝင် ပတ်သတ် နေခဲ့တာတွေ ။ နောက်ဆုံး ကဗျာစပ် လို့  အကျဉ်းကျ သွားရှာတဲ့ ကဗျာဆရာကြီး တင်မိုး ရဲ့   မြောက်မြားလှစွာသော တခြား အကြောင်းအခြင်း ရာ တွေ ၊ အကုန် မပါ သေး တဲ့ ၊ သမီး တယောက် ရဲ့ ၊ အရိုးဆုံး မိသားစု မှတ်တမ်းလေးတွေ ၊ အလွမ်းစာလေးတွေ ။ 


အဲဒါကြောင့် ၊ ကျမ ကတော့ ၊ ပြုံး ပြီး လွမ်းရ တဲ့ စာအုပ်ကလေး လို့ သာ ၊ပြောလိုက်ချင်သည်။

ဒီ စာအုပ်ကလေး ကို ဖတ်ပြီးသွားတော့ ၊ စားပွဲ ပေါ် ခဏ ချ ပြီး ခပ်ဝေးဝေးကို ငေးကြည့် နေမိတယ် ။ တကယ်တော့ ဘ၀ ဆိုတာကြီး က ၊ အထူးတလည် သီကုံး  စပ်ဆို နေဖို့ မလို တဲ့ . . . တကူးတက ရှာဖွေ နားထောင် ဖို့ မလိုတဲ့ ၊ ကြိုတင် ရေးစပ်ပြီးသား အလွမ်းသီချင်း တပုဒ် လိုပင် ။ အလွမ်းကို မရှာချင် လို့ ၊ အပြုံးတွေ အပျော်တွေ သီဆို နေပေမဲ့ ၊  နောက်ဆုံးတော့ အလွမ်းပိုဒ် နဲ့ သာ အဆုံးသတ် ကြ သည်။ တချို့ကတော့ ၊ အဲ့ဒီ လွမ်းစရာ ကိုပင် အရသာ တခု လို ၊ တစိမ့်စိမ့် ခံစားခြင်ကြသည်။ စပ်ဆို သီကုံး ချင်ကြသည်။


ခုပဲ ကြည့် ။ အိမ်ရဲ့ အဝေးမှာ နေကြသူခြင်း ၊ ဆုံဖို့ ခဲယဉ်းလွန်းလှ တဲ့ ကြားက ၊  အဝေးက အိမ်တအိမ်မှာ ရီမော ပျော်ရွှင် ခဲ့ ကြ ဖူး သည်ကို ပင် ၊ လွမ်းစရာ မရှိ  ရှာကြံ လွမ်းနေမိသည်။  လော့စ်အိန်ဂျလိစ် မြို့ ရဲ့  ဟိုင်းဝေး လမ်းမကြီး ပေါ်မှာ ၊ ဧည့်သည်တွေကို ကားမောင်း လိုက်ပို့ ရင်း ၊ ဗမာ သီချင်းဖွင့်မယ် နော် လို့  ခွင့်ပန် ပြီး ၊ ကိုစောညိန်း ရဲ့  သီချင်းတပုဒ်ကို ၊ ဌါန် ကရိုင်းကျကျ လိုက် ဆို နေတဲ့၊ မချိုသင်း ဟာ ၊   ဟောဒီ စာအုပ်ထဲက မိုးချိုသင်း  နှင့် တူသလိုလို  မတူသလိုလို ။



ကေသွယ်
၅ နာရီ ၃၅ မိနစ်
အောက်တိုဘာ (၁) ရက် ၂၀၁၄



Share/Bookmark